¹ Ximpe nka uje avareke kuronga kuntere do lifuta, no mbunga yoyinene yapongire kumukundurukida. Uje ljatire mu wato owu wakaliro palifuta. no a sungire mo. mbunga najintje kwakalire kuntere-ntere dolifuta. ² uye ava rongire vininke viovingi muvisewe, no mumarongo ghendi, evi no mbyo a ghambire ku kwavo. ³ Tejererenu! Munandima kwarupukire ajende akakune ntanga dendi. ⁴ opo ntanga dimwe adiwere mundjira no vidira avidili po. ⁵ Ntanga dopeke adiwere palivu liomawe apa dapilire kuwana livu lyolingi. mpopo tupu adi soko diyimane mbyevi asi kapi da kalire no livu lyo kudama. ⁶ Eno ngoli liyuva alipumu viyimwa vimwe avikombanita nkondo, morwa kapi vya kalire nankondo ndanani, mpo dafire. ⁷ Ntanga dimwe nko kuwera palivu nko kumena ko mbuto yomiya, vimenwa vimwe kumena morwa kapi vya yangwire muyangu. ⁸ Ntanga dimwe adiwere palivhu lyaliwa kumenamo muyangu owo wamenino dimurongo ntatu, nadimurongo natyimwe no vili daakutika ku lifere limwe . ⁹ Mpo aghambire asi, "Ogho akaro namatwi gho kuyuva, renka uyuve!" ¹⁰ Apa akalire Jesus pantjendi ava vakaliro papepi naye nowo murongo umwe na mbili avamupura kuhamena visewe?" ¹¹ Ava tantere asi, kwenu vana mupe untungi wakarunga. Morwa kwava vapantje navintje ngavi kara muvisewe. ¹² Kwava ngavamono, yi ngavamona, mara kapi ngava mona, ntani apa ngava yuvha, yi ngavayuva morwa kapi ngava vikwatakana, apa ngava livyuta karunga ngava hupirapo. ¹³ Kwahambire asi, munaviyuvu evi visewe weni mo muvura ku yuva evi namutantere ndi? ¹⁴ Mukuni naye a kunu nkango yinya. ¹⁵ Mpovali vakaliro mundjira ko vakunine nkango apa yayuvire satana avaya wangu-wangu avahupu nkango edi na tulire mwenu. ¹⁶ Simpe ngavaya vamweya vakuni mukuyakava yunyawo, ano mpovali vamwe vayuviro oyo mbudi oyo naruhafo. ¹⁷ Morwa vavo kakara nantundiliro mwavo, morwa vakalire nolihuguvaro kadidi. kumeho yasiruho apa ava garapita ava kara vana manguruka pa nkango, ava yawerepo wangu-wangu. ¹⁸ Ntani mpovali vateteliro ntanga pakatji ka miya. Mpovali ovo vayuvo nkango. ¹⁹ Morwa vakara nasinka sa undjuni ntani vanya vakudira kupura muungawo nakukara nasihoro so vininke navyo peke kuya no ku kuwora nkango, no da kupira mutompo. ²⁰ Odo vakunine mulivu lya liwa ovo ngava yuvo nkango, ngomu pure no ku nyanga linyango, murongo ntatu, murongo ntiyime, nampili sikando lifere limwe. ²¹ Jesus avatantere asi, "Mwayitanga ramba munda yandjuwo muya ture pa sikumba ndi munda ya mbete? Anwe kuyita tupu nakuyitura ku sinnke sa kutulira ramba. ²² Kwato evi ngavihoramo evi vya diro kuyuvika, ntani kwato evi vyakaro mughumbembe evi nga vipiro kurupuka paukenu. ²³ Ntjene mpovali vakaro namatwi gho kuyuva, yuve nu!" ²⁴ Avatantere asi "Teyererenu nawa kwevi munayuvhu, lisetakanito wa ruwananga nove ngava likuruwanitanga nove ngava likuruwanita, ntani vyavingi ngava vitura pandje. ²⁵ Morwa kehe uno ahuguvara, mwendi gava mupa vitura papoye. Morwa kehe huno akara , kwendi ngava mupa vyavingi, ntani nkehe ghuno apiro vyendi nampili ovyo wakara navyo ngavavi kuhupa." ²⁶ Ahamba asi, "Mbara yakarunga yira murume atungiro ntanga palivhu, ²⁷ kwa ralire matiku arambuka mwi, ntanga nko kukuhana ditameke kumena, ghuye kwato ovyo anayiva asi weni weni. ²⁸ Palivu Mbuto ayimene pa naghumwayo. pakuhova lihako ntani litwi, ntani ngoli mbuto yayikondi muli twi. ²⁹ Apa mbuto da tikimo, wangu-wangu a tumu muncuko wasinalihenga morwa vo kuyangura va naya." ³⁰ Simpe aghamba asi "Kumwe ngatu vhura kusetakanita ghu ntungi wakaRunga, ndi nke ngatu vura kuruwanita mukufaturura? ³¹ Simpe nka ntjene vana yikunu, yayo ku kura kupitakana vitondo vya musikunino, ³² Ntani nka kusoka dimutavi dodinene, mposi vidira vyamuwiru avi yaturamo vikorogo vyavo mudi mundwire davo." ³³ Mu visewe vya vingi vaghambire nkangokwanavantje, unene asi mpo vavi kwatakane lighano. ³⁴ Ntani nka kapi aghambira navo ahana kuseweka. Mara apa akalire pandjendi, mpo afatwilire navintje kuvarongwa vendi. ³⁵ Liyuva lyo, apa lyatokire liyuva ava tantere, Tuyendenu kuseli kwunya. ³⁷ Makura avasuvu mbunga, ava pitura Jesus vayende naye, moomo tupu akalire, muwato. Pakalire mawato nagho peke pepi naye. ³⁶ Apaya Mpepo yayinene no mankumpi agha taura wato hambara tupu ghuyure mema. ³⁸ Mara ngoli Jesus pamwene atjilire, kunarara, mpo vamurambitire, "Murongwa, kapi wakara nasinka asi atwe ntantani tu fe? ³⁹ Arambuka, Sayikita oyinya mpepo, no kughambera lifuta, "Mpora! Kara Mpopo!" Makura mpepo ayilitura. ⁴⁰ Mpo avatantilire asi, "Nke munakutjira? Simpe kapi mwakara nalipuro?" ⁴¹ Avakara naghoma no ku kughambera, "Are ngoli uno, Morwa nampili mpepo no lifuta vy muteyerere?"