¹ Ano Jesus atameke kuvaronga muvisewe. Ghuye atanta, "Murume ghumwe atapikiro sindjembere, a turako ngumbu yidingilikeko, nokutima likwina lyoku kamena. Ghuye a dikiremo rushungu rokukengera no kuseseda kuva kuni vindjembere. Ano ghuye ayendire muruyendo. ² Pa ruvede rwa ruwa, mpo atumine varuwani kuvakuni va mandjembere vakasimbeko nyango dimwe musikunino. ³ Ene ngoli ava muuou, ava mutoghona, no kumutuma avyuke mavoko-voko. ⁴ Simpe nka atumine muruwano wapeke, a vanuremeke mu mutwe no kumutekura nontjoni. ⁵ Simpe ayatumuko wapeke, oghu ava kadipaya. Vatekulire vantu mundjira yakukufana, kutoghona, vamwe no kudipaya vamwe. ⁶ Ghuye simpe akalire nomuntu ghumwe qaku tuma, monendi wa mumati. Ndje tupu akaliro ghokuvatumina. Ghuye atanta, 'Ngava kafumadeka monande wamumati.' ⁷ Ene ngoli vakuni mandjembere vali tantere-tantere, ogho ndje nga pingo. yiyenu tuya mudipaye, upingwa ngaukare wetu. ' ⁸ Ava mukwata, ava mudipaya, nokumuvukumina pandje yosikunino. ⁹ Ngoli ne, nke nga vhura kuruwana ko mwenya sikunino? Uye ngaya aya ndjonaure vakuni mandjembere no kusitapa sikunino kwa peke. ¹⁰ Kapi wavarura lino litjangwa ? 'Liwe vaswenine vadiki, ngavali ruwanita likwate ngundi. ¹¹ Evi kwa tundilira kwa karunga, ntani esino sitetu mantjo ghetu. ¹² Mpititi do va Jews vakalire nasihoro sasinene ndi va kwate Jesus mukonda vavo vayivire asi ghuye kwa ghaambabga vi fanikito vya kuhamena kukwavo. Vavo kwatjilire mbunga. Mpo vamusuvire avakayenda. ¹³ Mpo vatumine vamwe vo va Phaisees nova Herodians ku kwendi vaka muteye na nkondo. ¹⁴ Apa vayire, avaya mutantere si ove kapi watjira maghano gha kehe muntu ove nka kapi wa ghupaka ruha pakatji kovantu. Ove nka usili usili kwa ronganga ndjira ya karunga. Vya hungama kufuta mutero kwa Caesar ndi hawe? Tu fute ndi hawe?" ¹⁵ Ngoli Jesus ayivire vimpempa vyo gho nakughamba ku kwavo. "Vinke muna kuntjetekera? "Ndjitirenu oyo silinga niyayikenge." ¹⁶ Avayita koyimwe kwa Jesus. Ava tantere asi, "Lifanoo lyare lino na lidina lyendi?" Ava ghamba asi "Lya Caesar's." ¹⁷ Jesus aghamba asi "Tupenu kwa Caesar;s vininke vya caesar, ano kwakarunga vininke vya karunga. Vavo kwatetukire kwendi. ¹⁸ Makura va Sadducees, ava ghambanga si kwato ku rambuka kuufe, avaya kwendi. Avamupura si, no kughamba, ¹⁹ Musongi, Moses atjanga si "Ntjene mukurwa muntu afu asuve mukadendi, ahana kuturapo mwanuke, murume akona a hepa kuhuupa mukada mukurwendi, no kurambita mbuto ya mukurwendi." ²⁰ Kwa kalire varume ntambili ava vayitire mulira limwe, wakuhova akwara mukadi a dohoroka, a ahana kusuvapo mona. ²¹ Wauvili naye amukwara adohoroka, ahana kusuvapo mwanuke, wautatu naye nka musikwawo. ²² Wauntambili naye kapi atulirepo mwanuke. Ano muuhura mukadi naye adohoroka. ²³ Mukurambuka muufe, apa varambukire nka , mukadare ngoli ngakaro? Kuvarume navantje ntambili vamukwalikire navantje si mukadawo." ²⁴ Jesus atanta asi , "Eyinone kapisi ndjo konda mwa kupukira, mukonda si kapi mwayiva matjangwa no nkongo dakarunga. ²⁵ Mposi apa ngava rambuka kuufe, kapi ngava kwakwara ndi vava kwareke, ano ngoli vawo yira va engeli muliwiru. ²⁶ Ano ngoli kuva fe ava varambwita, kapi mwaresa mu mbapira ya Moses, ovinya vya kuhamena kusiswa sa kutwera mundiro, omu amughambitire karunga na kughamba, "Ame karunga wa Abraham ntani karunga wa Jacob? ²⁷ Kapisi karunga wovafe, ngoli wova paruki. Anwe mwa kupuka unene." ²⁸ Umwe wamatjangwa aya ntani aviyuvire evi vaku yongire; ghuye amonine si Jesus ana va limburura nawa. Ghamupura, ghuningo po muraho wa mulyo po panadintje?" ²⁹ Jesus alimburura, "Wa mulyo po unene, Yuva , Israel, Hompa karunga wetu, Hompa umwe tupu. ³⁰ Mwahepa kuhora Hompa karunga wetu, Hompa karunga wenu nodimutjima denu nadintje, no mpepo denu nadintje, na ndunge denu nadintje! ³¹ Murawo wauvili ne uno, 'hora musinda woye yira momo wakuhora! Kwato dimurawo dadinene yira ndedi." ³² Utjangi mwa tjangwa aghamba "Nawa, Mitiri! Una ghamba usili si karunga umwe, ntani kwato wapeke kughupa uye. ³³ Kumuhora nomutjima ghoye nauntje na likuyuvo lyoye nalintje ntani nankondo nadintje, ntani hora musinda woye yira momu wakuhora vina pitakana vidjumbira na vidjambo na vintje va sora. ³⁴ Apa amonine asi Jesus ana tapa malimbururo aghu kotoki, amutantere asi, "Kapi unakara ure nwu ntungi wa karunga! Kutunda po kwato umwe a kaliro nawu penda wakupura Jesus mapuro. ³⁵ Ghuye Jesus kuna kuronga muntembeli, aghamab si , "Weni vatjangi omo mutjanga si Kristusa mona David? ³⁶ David naumwendi, mu mpepo ya kupongoka, aghambire, "Hompa aghambire kwa hompa wande, "Singira kurulyo rwande dogoro ngani renke doye silyatero sa mpandi doye!" ³⁷ David mwene kumukuwa si 'Hompa weni ngoli mu akara Kristusa mona David?" Mbunga yayinene yahafire kuteyerera kwendi. ³⁸ Muviringwa vyendi Jesus atantere si, "Takamite kuva tjangi matjangwa, owo vahoro kwayendaura noma rwakani omare noku vamorora pamavango wo vitanda. ³⁹ Ntani vakara ntani vakara navipundi vyamulyo unene mu Synagoge ntani no mavango va fumadeka pa vipito. ⁴⁰ Vawo naku kanderera makanderero amare vantu vamone. Ava varume ngava kawna mafingo omanene. ⁴¹ Makura Jesus akasingira pepi singira nsikesa sovidjumbira mulivango lya muntembeli; ghiuye kuna ku kengera vantu omu vana kuya tura maliva ghavo musikesa. Vantu vovangi vo vangawo vatuliremo maliva gho mangi. ⁴² Makura mukadi afito vyendi aya aya naku tura po vingcegcere vivili, vya tikiro hambara lipeni. ⁴³ Akughu varongwa vendi nokuvatantera asi, "Usili nokumutantera, ogho mukadi waruhepo ndje ana turopo vya vingi kupitakana navantje ava vana tupu tapo vidjumbira. ⁴⁴ Vantu navantje kwa tapire kuvi ninke evi vakara navyovyavingi. Ngoli uno mutiti vyendi, kwa tapire muruhepo rwendi, kwa tapire maliva naghantje agha avulire kuparukira po.