¹ Opo arupukire Jesus ayende atunde muntemberi, ghumwe wavarongwa vendi kwaghambire kwendi ashi, " Mushongi, kenga gho mawe ghamawa na matungo ghamawa". ² Ghuye mpo aghambire kwendi shi, "Una kughamona ghano matungo ghamawa unene ? Ngavaghdjonaura dogoro kunderekonka mpiri liwe limwe olyo ngali karo pawiru yaunyalyo." ³ Opo ashungirire kundundu yamaughwe anakuvyukiliri nantembeli, Petrus, Jakop, Johanes, ntani na Andrias mpo vamupulire kumpenge ashi, ⁴ Tutantere ashi, ruvede munke ngavishoroka vino vininke? Ntani vinke ngavikaro viyivito ashi vino vininke ntantani ngavi horoke"? ⁵ Jusus mpo avalikire kughamba kwavo ashi, "Karenu munavangarara ashi kwato ogho amupukito. ⁶ Vangi ngavaya mulidina lyande, ngava ghamba ashi, ame Kristus ogho atwenyidira Karunga, nakupukita vavangi. ⁷ Ano apa ngamuyuvha vita nambudi dakuhamena ku vita, ngasha vimutukukita; vino vininke vinakona kushoroka, ngoli uhura waudjuni shimpe kapi unatiki. ⁸ Mpo ngolishi dimuhoko ngadi kushapaukira- shapaukira , ntani mapangero nagho ngagha kupirauka-pirauka. Ngaghakarako makankamo ghalivhu kumavhango ghamangi, nalirumbu. Navintjevi litameko tupu lya maghudito. ⁹ Karenu muna vangara, ngavamu tapa kuvapanguli, nakumutoghona mu ntembeli. Ngamuka yimana kumeho yavapangeli nava hompa mukonda yande, ngamukare ungambi kukwavo. ¹⁰ Ngoli mbudi ya ruhafo ngava yiyuvita tanko pamuhovo kudimuhoko nadintje. ¹¹ Opo ngava mukwata vamutape, kapishi ngamukare naghoma kuhamena kovyo ngamuka ghamba. Mwa ndjoyo viri ovyo ngamu ghamba ngava vimupa mpopo, kapishinwe ngamughambo, nani ngoli mpepo yakupongoka ngayighambo. ¹² Mukurwa muntu ngatapa muunyendi vakamudipaye, ano shamuntu naye ngatapa monendi ngava mudipaye. vana ngava kura naku kara unkore navakurona vavo nakuva shweda ngavava dipaye. ¹³ Ngava munyenga mukonda yalidina lyande. Ano keheghuno nga didimiko dogoro kuuhura, ngaparuka. ¹⁴ ''Opo ngamumona vininke ovyo mwanyenga vya mumarunda vinakara opo vyapira kuwapera," (renkenu ovo) vakaro mu Judeya va dukire kumandundu, ¹⁵ ogho ngakaro pawiru yandjuwo ashadumpuka ayende mundjuwo aka shimbemo vininke vyendi kehevino, ¹⁶ nagho ngakaro mulifuva ashavyukanka ku mundi akashimbe vyuma vyendi. ¹⁷ Ngoli lihudi unene kwavo ngava karo navana mudi mukogha davo navo ngava karo ashi kuna kuyamweka vakeke mumayuva gho. ¹⁸ Raperenu ashi kapishi ngavi shoroke pakufu. ¹⁹ Mukondashi ghagho ngaghakara mayuva ghamadito, ogho ghapiro kukarako rumwe kutunda kulitameko, opo ashitire Karunga udjuni, dogoro weno, ntani narumwe kapi ngagha karako nka. ²⁰ Nkwandi Karunga ngasheshupite mayuva ogho, ndi kundereto ogho ngaparuko. Ngoli mukonda ya vahoroghorwa, ovo atoghororamo, ghuye ngasheshupita mayuva ogho. ²¹ Makura nangeshi kehe ghuno ngamurenke ashi, 'Kenga, Ghuye ne unya! ngasha muvipura. ²² Mukondashi Kristus wa vipempa nava porofete vavipempa ngavaya moneka na kumupa vineghedito na kuruwana vitetu mukumupukita, nangeshi kuvura, nampili vatoghororwa. ²³ Karenu munavangarara! Namutantera vininke navintje kumeho ya ruvede mukumurondora. ²⁴ ''Kuruku rwa mayuva ghamadito, liyuva ngali dima, kakwedi kapi ngaka tapa shite shako, ²⁵ ntungwedi ngadiwa kutunda kuwiru, ntani nkondo damu liwiru ngadi kunyunganga . ²⁶ Ntani ngava mona mona muntu kuna kuya pamaremo nankondo dendi na ghuyerere wendi. ²⁷ Ghuye ngatuma vaEngeli vendi ngava pongayike vapili vendi mudi mudingonoko dampepo nadintjeya ne, kutundilira kughuhura walivhu dogoro kughuhura wa liwiru. ²⁸ Ghupenu shihonena kushitondo sha ghukuyu. opo tupu ditameka kushonga dimutavi mahako ghamape, munayiva kare ashi kurombo anatiki. ²⁹ Ntaninka, opo ngamu mona vininke vino kuna kushoroka, ngamu yiva ashi uye pepi anakara, pepi na nalivero. ³⁰ Ushiri naku mutantera ashi uno udjuni kapi ngaghupita dogoro ngavi shoroke vino vininke navintje. ³¹ Liwiru na livu ngavi dimapo ene ngoli nkango yande kapi ngayi shagha. ³² Ngoli, kuhamena kuliyuva olyo ndi viri oyo, kundereko ogho aviyivo, nampiri vaEngeli vamu liwiru, ndi monendi, ngoli Sha tupu. ³³ Vangararenu! Mukenge, Mbyovyoshi anwe kapi mwayiva shirugho. ³⁴ Vyavyo kuna kara yira Murume ogho anakuyendo ruyendo- ghuye kushuva ndjugho yendi na kushuvira vapika vapangere mu ndjugho yendi, kehe uno naviruwana vyendi, na kupangera vatakamiti vakare vapirere kurara. ³⁵ Mpongolishi, karenu muna vangara mukondashi, kapi muna yiva ruvede oro ngaka vyuka mwenya mundi kumundi; kuvhura akavyuke ngurova ndi pakatji ka matiku, ndi pa kuyiya vikondomboro, ndi ngura ngura. ³⁶ Nangeshi aya kehepano, kapishi ngayamuwane munarara. ³⁷ Vino nakumutantera ame kuvighamba kwa navantje ashi; Vangararenu!''