¹ Ngoli apa vayiatikire kuJerusalem, vakalire pepi na Bethphage na Bethani kundudndu yamaghuywe., ntani Jesus atumuko varongwa vendi vaviri ² aghamba kukwavo nakuvatantera ashi, '' yendenu mumukunda ogho twa kuvhyuka nagho. Tupu mukangena mo, kumu kawana shidongighona osho vadira kuronda rumwe. kashi shuturenu mukashi yite kwande. ³ ntjene mpwali ogho a kaghambo kwenu, ''vinke muna kuvirughanena vino?'' anwe muka ghambe ashi, Hompa ana ku shishano ghuye kwaka shivyuta wangu wangu kuno.'' ⁴ Ayendi yira moomo ava tantilire avaka wana shidongighona osho va mangilire kulivero pandje kushitaghura, avashi mangununa. ⁵ vantu vamwe ovo va yimanino po ava ghamba kwavo nakuvapura ashi, ''vinke muna kuruwana, mukumangununa osho shidongighona?'' ⁶ Vavo ava ghamba kwavo kutwara omo ava tantilire Jesus, makura vantu ava va shuvu vaka yende nandjira yavo. ⁷ Vavo ava yita shidongighona kwaJesus nakuyarapo vikoverero vyavo, makura ghuye a shungiri po. ⁸ Vantu vavangi ava yara vyuma vyavo mushitaura vamwe ava yara dimutavi odo vatetire mumafuva. ⁹ Ava vayendiro kumeho yendi nava vamukwamino ava yiyiri ashi, ''Hosanna! Mukalirago ndjegho ayango mulidina lyaHompa. ¹⁰ Matungiko mukuya ghuhompa wa shetu David! Hosanna yakuwiru-wiru!'' ¹¹ Makura Jesus angene muJerusalem nakuyenda muntembeli makura gha kenga kenge navintje. Makura opo lyatokire, a yendi ku Bethany navo murongo navaviri . ¹² Liyuva lyakukwama vavo kuna kutunda mu Bethany, ghuye ndjara. ¹³ Opo amonine shitondo sha ghukuyu kughure osho sha kaliro namahako, a yendi aka kengeko nange kuvura aka waneko nyango kwasho, apa ayire mo, kapi aya wanine ko nyango nkwandi ngo mahako tupu, mukondashi shi kapishi ntjo shinema sha nyango ya ukuyu. ¹⁴ Ashi ghambere ashi , ''kwato ghumwe ngalyo nyango dakukoye nka.'' Vakashishongero vendi vavi yuvire. ¹⁵ Opo vayatiki ku Jerusalema, ange ne muntembeli nakutameka kutjida vaghuliti na vaghuli muntembeli. ghuye agandanga ntishe da maliva navipuna vyava shintiti maliva na vipuna vyavo kava ghulitango maputukuwa. ¹⁶ Kapi apulitilire kehe ghuno ghashimbe kehe vino muntembeli ovyo avura kaghulita. ¹⁷ Ghuye makura avashongo na kughamba ashi, ''Nani kapi vavi tjanga ashi, Ndjugho yande ngava yi twenya ashi ndjugho ya ndapero yadimuhoko nadintje?'' Ngoli anwe muna yi tura ngoli yikare uvando wavanawidi." ¹⁸ VaPristeri vavakurona ntani vakurongi vamatjangwa vayuvire ovyo aghambire. Vavo makura avashana-shana ndjira omo vavura kumu dipagha. Morwa vamutjilire, mukondashi mbunga nayintje ya tetukire kurushongito rwendi. ¹⁹ Apa ya tikire ngurova, vavo ghava tundu mo mushitata shinya. ²⁰ Vavo kuna kuyenda ngura-ngura yinya, avamono shitondo sha ghukuyu shina kukuta dogoro kundandani dasho. ²¹ Petrus makura avuruka mpo aghambire ashi, ''Rabbi! kenga! shitondo sha ghukuyu osho kaghufingi shinakukuta.'' ²² Jesus avalimburura ashi, ''Karenu nalipuro mwaKarunga. ²³ Vyaushiri nakumutantera ashi nange ghumwe aghambere ndundu yino ashi, ''Damuka ghuka kuyangere naghumoye mulifuta; kuno uye kapi ana kutamangero mumutjima wendi, Apure ashi ovyo ana kughamba kuvishoroka, ovyo mbyo ngaruwana Karunga. ²⁴ Mpo ngoli nakumutantera ashi: Kehe vino muraperera nakuromba, vipurenu ashi muna vi wana, ngavi kara vyenu. ²⁵ Pakuyimana mu raperere, muna kona ntani kughupira po kehe vino mwakudjonena na kehe ghuno, mposhi shenu wamuliwiru naye nga mu ghupire po maghundjoni ghenu. '' ²⁶ Nange kapi mughupirapo, naye shenu wamuliwiru kapi nga mughupira po maundjoni ghenu. ²⁷ Vavo ava ya nka kuJerusalem. Uye Jesus kuna kuyendaghura muntembeli, Vapristeli vavakurona, varongi va matjangwa, ntani vakurona, ava ya kwendi. ²⁸ Ava ghamba kwendi nakumupura ashi ''Nankondo munke wa rughananga vininke vino, ntani are akupo ghunankondo wa kuvirughana vino?'' ²⁹ Jesus aghamba kwavo, ''Kuni mupura lipuro limwe. Ntanterenu ntani nimu tantera ashi nankondo munke na ruwananga vininke vino. ³⁰ Liyoyero lya Johanes, kwatundililire muliwiru ndi kwa tunda kuvantu? ndimbururenu.'' ³¹ Avakuyongo mukatji kavo na kukukanana nakughamba ashi, '''nange tughamba ashi, ''Kwatundire muliwiru,' ghuye kwa ghamba ashi, ''makura vinke mwadira kupura mwendi?'' ³² Nange tughamba ashi, ''kwatunda kuvantu;...''ava tjira vantu, kehe ghuno avi pulire ashi Johanes Kwa kalire muporofete. ³³ Makura ava mu limburura Jesus nakughamba ashi, '' kapi tuyiva. ''makura Jesus aghamba kukwavo ashi, ''' name shi kapi ni mu tantera ashi nankondo munke naruwana nga vininke vino.''