¹ Yakop mukareli wa Karunga na mu yogholi Yesus Kristus kudi muhoko murongo nambili da kuhamena mu udjuni mudima; kuna kumukunda! ² Karenu na ruhafo, vaghunyande, nkene muna kara na mashateko ghamangi. ³ Mwaviyiva ashi masheteko gha lipuro kuyita lididimuko. ⁴ Renka lididimiko lya kuyura litikitemo shirughana shitikiliremo sha Karunga, mwa hana kupira kehe shino. ⁵ Ano ngoli nangeshi ghumwe ana hepa ghukonentu, mutanterenu aghurombe kwa Karunga, ogho atapango na shihoro ahana kukara na mutjima koka kwa navantje va rombi, ghuye makura a vape. ⁶ Ano ngoli arombe na lipuro, kapishi akare nama kulimbo. Ogho akaro na makuli,bo kwa fana yira mankumbi mulifuta ayendango na mpepo na kumbirumuka. ⁷ Muntu weno kapishi aghayare ashi kuvhura awane kehe shino kwa Hompa; ⁸ ghuye kwa kara na dimutjima mbili, kapi a hungama ghukaro wendi naghuntje. ⁹ Muntu wa mudidi ana hepa ku kunene pitira shirughana shendi shashinene, ¹⁰ Ano ngoli muntu wa ghungamgho naye a kudidipitire lipundi lyendi, mukonda ashi ngadjona ghukapo yira mucuko waku mushoni. ¹¹ Mukonda ashi liyuvha pa kupuma lyalyo kushora mushoni. Mucuko kuwako, ghuwa wako kudongonokapo. Momo mundjira yimwe tupu, muntu wa mungagho mo nga djonaghukapo mukatji kandjira. ¹² Muna lirago ndjegho muntu wakudidimika muma sheteko. kondashi nkene anapiti mumasheteko ngaka wana nkata ya monyo, oyo vatwenyidira kwavo vahoro Karunga. ¹³ Kundereko ghumwe wa kughamba nkene ana kara muma sheteko ''Muma sheteko a Karunga nakara,'' Mukonda ashi Karunga nakumusheteka shi maghudona, nampili ndje na ghumwendi kapi a shetekanga kehe ghuno. ¹⁴ Ano ngoli kehe ghuno kukara mumasheteko ghalidowo lya mwene, lya kuvhura kumukoka makura limukonge. ¹⁵ Lidogho lya lidona nkene lina kuru, kukutwara kundjo, ano ntjene ndjo yina kuru kukutwara ku mfa. ¹⁶ Kapishi muyende muliyome vaghunyetu vakuhora. ¹⁷ Kehe ushwi wa ghuwa na vitapa vya kutikiliramo kutunda mu liwiru, Kutunda kwa shetu waghukenu. Mumwendi kapi mwakara marunduruko ndi makushinto gha ghukenu na mundema. ¹⁸ Karunga kwatokora tukare pankango da ghushili, mbyo ngoli twakara na mulyo muvishitwa vyendi navintje. ¹⁹ YIvenu vino, vaghunyande vakuhora: kehe muntu a kwangure kutegherera, a kurange kughamba na kugarapa. ²⁰ Muntu wa ghugara kapi a vhuranga kutikitamo ghuhungami kwa Karunga. ²¹ Mpo ngoli ashi shuvenu nyata na udona naghuntje kutapenu mutambure nkango odo vakuna mumwenu da kuvhura kuparura monyo denu. ²² Karenu vatikitimo vankango kapishi vayuvi nkango tupu, muku konga-konga naghumwenu. ²³ Nkene ashi muntu ahokwanga tupu kutegherera nkango ano ngoli kapi arughananga ovyo dina kutanta, ogho kwa kufana tupu na muntu wa kukamona shipa shendi muntarero. ²⁴ Ghuye kukumona mwene tupu atundapo kare kuvhurama omo afana. ²⁵ Ano ngoli ogho wa kuvhura kukenga nawa muveta ya kutikiliramo ya kumangurura, ntani atwikire kurughana ngoli, ghuye apire kuvhurama ovyo ana yuvhu mo, muntu wa ngoli muna lirago muvirughana vyendi. ²⁶ Nkene mpwali wa kughara ashi ghuye kukarera karunga ano ngoli kapi apangeranga ruraka rwendi, ogho kuku konga mumutjima wendi ntani ghukareli kundereko mulyo. ²⁷ Ghukareli Karunga wa ghuwa kapi wa kara na kehe shino shashidona kushipara sha Karunga wetu ntani shetu kutapa mbatero kuva ntiwe nakuvafita vavyavo muma ghudito ghavo mposhi ghudire kukanyateka udjuni.