¹ Ano vino vitimwitira vyavana vaArona naMosesa opo a ghambawire Karunga na Mosesa kundundu yaSinayi. ² Madina gha vana-rume va Aroni vavo mbo Nadaba mbeli, naAbihu, Eleyazara, naItamara. ³ Oghano ngo madina gha vana-rume vaAroni, varuti ovo vawaveka nakupongora mukukarera varuti. ⁴ Ngoli Nadaba naAbihu kwafelilire kumeho ya Karunga mpopo vadjambire namundiro wakudira lipulidiro mumburundu yaSinayi. Nadaba naAbihu kapi vakalire navana, makura Eleyazara naItamara ava karere ngoli varuti naArona shavo. ⁵ Karunga atantere Mosesa. Nakughamba ashi, ⁶ ''Yita rudi rwavaLevi nakuyakara kwa Arona muruti mukuyamuvatera. ⁷ Vana hepa kuyaruwana shiruwana shakuvatera Arona namuhoko kumeho yatende yavigongi. Vana hepa kukarera munkongorondjugho. ⁸ Vana hepa kukeverera vikwa vishongaura navintje vyamutende yavigongi, nakuvatera marudi gha vaIsraeli mukushimba ukareli wankongorondjugho. ⁹ Ghuna hepa kutapa vaLevi kwa Arona nakuvana-rume vendi. Vana wapere mukuvapa va vatere mukukarera vaIsraeli. ¹⁰ Ghuna hepa kutura Arona navana-rume vendi ngo varuti, ngoli kehe uno murutunda shirongo ngayo pepi muna hepa kumudipagha.'' ¹¹ Karunga atantere Mosesa. A ghamba, ¹² ''Kenga, ame naghupu vaLevi mumbunga yaIsraeli. Ame kwavirughanena vino mukondashi ngani ghupa kehe uno mbeli wamukafumu ogho ngava shampurukira mumbunga yavaIsraeli. VaLevi vanahama kwande. ¹³ Mbeli nadintje ngadi hama kwande. Muliyuva ndyolinya nahomwine mbeli nadintje dashirongo sha Egipute, ani pongora naghumwande mbeli da Israeli, vantu navikorama navintje. Vina hama kukwande. Ame Karunga.'' ¹⁴ Karunga atantere Mosesa mumburundu yaSinayi. A ghamba, ¹⁵ ''Varura vana vavaLevi mukehe lipata, mumara ghavo. Varura kehe uno mukafumu ogho ana karo namwedi umwe namukughona.'' ¹⁶ Mosesa ava varura, mukukwama nkango yaKarunga, kutwara momo amurawilire mukuvirughana. ¹⁷ Madina gha vana-rume vaLevi vavo Gerishona, Kohati, naMerari. ¹⁸ Lira olyo lyatundiro muvana-rume vaGerishona vavo Libini naShimeyi. ¹⁹ Lira olyo lyatundiro muvana-rume vaKohativavo Amiramu, Izihari, Hebironi, naUziyeli. ²⁰ Lira olyo lyatundiro muvana-rume vaMerari vavo Mahili naMushi. Olino ndyo lira lya Levi, omo vakukwama lira nalira. ²¹ Lira lyava Libinite navaShimeyite kutunda mwa Gerishona. Olino ndyo lira lyavaGerishonite. ²² Vakafumu navantje kutunda wamwedi umwe namukughona avava varura, kuvapakerera 7,500. ²³ Lira lyava Gerishonite vana hepa kutulira ntanda yavo kuruha rwautokero wankongorondjugho. ²⁴ Eliyasafa mona-rume waLayeli ana hepa kupititira lira lyavana lyavaGerishonite. ²⁵ Lipata lya Gerishona vana hepa kukeverera tende yavigongi kuturako na nkongorondjugho. Vana hepa kukeverera tende, ovyo vyafikoko, nalikeshe varuwanita kumangeneno gha tende yavigongi. ²⁶ Vana hepa kukeverera vikulika vya rugumbo, makeshe gharugumbo kumangeneno-rugumbo rwakukundurukida livango lyakupongokanashidjambero. Namarughodi gha kumakeshe gha tende yavigongi na navintje vyakaroko. ²⁷ Lino lira lyatundo mwa Kohati: lira lyava Amiramite, lira lyava Izuharite, lira lyava Heburonite, nalira lyava Uziyelite. Olino ndyo lira lyahameno kuva Kohatite. ²⁸ 8,600 vakafumu ovo va varulire vamwedi umwe namukughona vakukeverera vininke vyahameno kwa Karunga. ²⁹ Lira lyaKohati lina hepa kutulira ntanda kuruha rwaucuma ya nkongorondjugho. ³⁰ Elizafani mona-rume waUziyeli ana hepa kupititira lira lyavo Kohatite. ³¹ Vana hepa kupakera mbili shikesha shamagwanekero, shitafura, shitentekera ramba, shidjambero, vininke vyakupongoka vyakuruwanita muukareli wavo, makeshe, naviruwanito navintje vyako. ³² Eliyazara mona-rume waArona wamumati ana hepa kupititira vantu ovo vana kupititiro vaLevi. Ana hepa kukara mpitakuvantu ovo vana kuruwano mulivango lyakupongoka. ³³ Mara maviri kwatunda mwa Merari: lira lyava Mahilite nalira lyava Mushite. Oghano mara kwatunda mwa Merari. ³⁴ 6,200 vakafumu va varulire vamwedi umwe namukughona. ³⁵ Zuriyeli mona-rume waAbihayali ana hepa kupititira lira lya Merari. Vana hepa kutomekera ntanda davo kuruha rwaumboyera wa nkongorondjugho. ³⁶ Vana vaMerari vana hepa kukeverera vipirangi vya nkongorondjugho, nampinganatji, ngundi, vitentekero ngundi, naviruwanito vyako navintje, na navintje vyahamenoko, kuturako ³⁷ vikorameno vya ngundi nangundi darugumbo da kundurukido nkongorondjugho navitenteko vya ngundi, vipandikito, namarughodi. ³⁸ Mosesa naArona navana-rume vendi vavo vana hepa kutulira ntanda kuruha rwaupumeyuva wa nkongorondjugho, munda kumeho yatende yavigongi , oko lyapuminanga liyuva. Vavo mbo vashinka shakutikitamo shiruwana shavo shalivango lyakupongoka nashiruwana shavo shakuvaIsraeli. Kehe uno murutunda shirongo ngayatiko kulivango lyakupongoka vana hepa kumudipagha. ³⁹ Mosesa naArona ava varura vakafumu navantje vamulira lya Levi ovo vakaliro namwedi umwe namukughona, yira momo tupu arawilire Karunga ava varura mayovi dimurongo mbiri na mbiri da vantu. ⁴⁰ Karunga a ghamba kwa Mosesa, ''Varura vambeli navantje vavakafumu mumbunga yavaIsraeli ovo vana karo namwedi umwe navakughona. Tjanga madina ghavo. ⁴¹ Ghuna hepa kutura vaLevi kwande-Ame Karunga-mulivango lyavambeli navantje vambunga yaIsraeli, navimuna vyavaLevi mulivango lyava mbeli yavimuna vya vana Israeli.'' ⁴² Mosesa avarura vambeli navantje vambunga yaIsraeli yira momo amurawilire Karunga aruwane. ⁴³ Avarura vambeli va vakafumu kutwara mumadina, vamwedi umwe navakughona. Avarura vantu 22,273. ⁴⁴ Shimpe nka, Karunga atantere Mosesa. A ghamba ashi, ⁴⁵ ''Ghupa vaLevi yira mbeli navantje vamumbunga yaIsraeli,nakughupa vimuna vyavaLevi yira vimuna vya mbunga. VaLevi kwande vahamena-Ame Karunga. ⁴⁶ Ghuna hepa kupongayika vimaliva vitano mushivihito vyaliyoghoro kwa kehe uno 273 mbeli yambunga yaIsraeli ovo vana pitakanoshivaro shavaLevi. ⁴⁷ Ghuna hepa kurughanita shivihito maliva kulivango lyakupongoka mukutwara muliviho lya liwa. Shivihito maliva mbyo muyawa-yawa wadimurongo mbiri. ⁴⁸ Ghuna hepa kutapa ntjontjo yaliyoghoro ovyo vana futu kwa Arona navana vendi va vakafumu.'' ⁴⁹ Makura Mosesa apongayiki vifutwa vya liyoghoro kwa mbovo vana pitakano shivaro shavayogholi kuvaLevi. ⁵⁰ Mosesa nko kupongayika vimaliva kuva mbeli vambunga yaIsraeli. Apongayiki 1,365 mushivihito maliva vyamuyawa-yawa, ava vihi nashivihito maliva shakulivango lyakupongoka. ⁵¹ Mosesa atapa maliva ghaliyoghoro kwa Arona na vana vendi va vakafumu. Mosesa aruwana navintje ovyo amutantelire ashi aruwane kunkango ya Karunga, yira momo amurawilire Karunga.