¹ Nkango ya Karunga shimpe ayindjere, nakughamba, ² ''Weno ve, monande, vareka kukara nashinka shalidiro kutikitamo kupongeka vantu, ³ Ghamba kwavo, ovo vakaliro mulifuta, vanangeshefa vamushirudi, Hompa Karunga kuna kughamba vino kwanu: vantu, mwaghamba shi, 'Nawapa mushipa.' ⁴ Murudi ghoye pakatji kalifuta; vatungi voye vakuwapeka shipa. ⁵ vitondo vyo vashongire vya shitondo sha pereshi osho shatundo kundundu ya Heremoni, na shitondo sha shedeli shakuLibanon kwa ruwanitako ngundi yenu. ⁶ Vvao kwatendita vitondo vy unyandi muBashani vavishonge virapo, ndunda yoye ya shikepa kwayiruwanita na vitondo vya Kiurushi nko kuturako mayegho gha vandjovhu. ⁷ Sayira doye kwayiruwanita kulikeshe lya tundiliro muEgipute olyo lyamupopiliro kuvidwata, ruvara rwa shinaliwiru na shinaumbombo atundiro kushirudi sha Elisha kwagha ruwanitire mukufika shikepa. ⁸ Ovo vatungiro muShidoni na muArevede vashingi shikepa; vantu voye vandunge mpo vapopilire shikepa. ⁹ Vapangeli vavikepa vakaro na maghuyivi gha kuyeruka vatundiliro ku Babilosi kwavatulire pamwe, vikepa navintje vya mulifuta na varughani vavo vamukatji kenuvanashimbi ngeshefa denu vana kuhamitirimo. ¹⁰ Peresiya, Lidiya, na Libiya kwakalire vakavita venu, vantu voye vakavita. Ngava mukwaterera na kumuvatera mukatjikenu; na kumuneyeda ukenu waunene. ¹¹ Vakafumu vamu Arivade na vamu Heleki muvakavita venu ngavamukundurukida vamuture mukatji, vantu vamu Gamadi ngavamuyera. Ngavamupopera nakuntje oko ngamukarera kumukundurukida! Ngava mana kumuwapeka. ¹² Ndjugho da maghulitiro ndya na vinwa dakuvhongire dikare ukwagho nanwe mukonda ya vigwanenapo viwana vya viwa kughulita: Shiliveli, vikugho, vitoromani na vikugho vya kurotilita. Mukukutjindja navininke vyenu vakavifabirike na kukavighulita. ¹³ Javane, Tubal, na Mashech - avatumu ushwi wavo kuvapika muvyuma vatendire mushinaungoporo. Avatapa ushwiwenu. ¹⁴ Beth Togarma kwatapire tukakambe, tukambe twaturume, na tukashino vikare ushwi wenu. ¹⁵ Vakafumu vamu Rodesa vakalire vanangeshefa venu pa virudi vya kukushuva shuva. Maushwi akalire munyara denu; avavyuta mbinga, mayegho gha vandjovhu na vitondo vya eboni vikare shineghedito. ¹⁶ Aram ndje akaliro mukondi wa maushwi naghantje kavaruwananga; vatapire shite, vyuma vya ruvara, fabrika da diwa, mawe gha ndiro ghakare maushwi ghenu. ¹⁷ Juda na shirongo sha vaIsraeli kavaruwananga ngeshefa nanwe. Kavatapanga rukokotwa karutundango kwa Minniti, vikuki, ushi, maghadi, ntani navitovito. ¹⁸ Damasika ghuye kaghulitanga ushwi wenu nauntje, pantambo yakuyeruka unene kumukosho, na vinyu ya vaHeliboni na vipapa vya ndjwi vya vaZaha. ¹⁹ Dani na Javani vatundiro kuIzali kwatapire maushwi gha kuruwana vikugho. Vikare ushwi wenu. ²⁰ Dedani ndje akaliro na nguho dadiwa, shirongo sha ²¹ Aradiya na vahompa navantje vamuKedari navo kamuruwananga ngeshefa denu; avatapa ramba, vidjwi vya virume na vimpendje. ²² Vanangeshefa vamu Sheba na Raamaha vayire vayamughulite vitovareka ndya vya viwa mumarudi ghavyo naghantje; avayatura ngeshefa ya ngorodo mumaushwi ghenu. ²³ Harani, Kanneh, na Edeni vakalire vana ngeshefa venu, kumwe nava Sheba, Ashuri na kilimadi. ²⁴ Vano mbo vakondi vandjugho da mapungwiro vyuma vya maruvara, na nguho da mavara gha mayingi mushivaro, na maruvara gha mangi, na kughulita maushwi, na vyuma vya marudi gha mawa mumavango ghulitiro ghenu. ²⁵ Shikepa shava Tarishishi ntjo ngashitwaro maushwi ghenu! Mposhi ngamurondekemo, dimurongerero denu da didito na maushwi ghenu kughashimbira mushikepa pakupita pakatji kalifuta. ²⁶ Vashingi viniva avamuyita na likuto kulifuta. Likundungu lyatundiro kuupumeyuva alimugaununa pakatji. ²⁷ Muungawo na mumaushwi ghenu, na ngeshefa denu dadiwa; varuwani venu, na vashingi vikepa, na vadiki vikepa; vaghuliti maghushwi na vakafumu navantje vakavita ovo vakaliro nanwe na mbunga nadintje dakaliro nanwe, mbunga nadintje - ngadidama kuntji ya lifuta mumayuva gha lidjonauro. ²⁸ Nkurumbara da kulifuta ngadikankama kumaywi opo ngavalira vashingi vikepa vyenu; ²⁹ Navantje ovo ngavaruwanito ngundi ngavawa vatunde mushikepa; vavateli vashingi vikepa na vashingi vikepa mulifuta ngavayimana palivhu. ³⁰ Makura ngavamurenka mutegherere kumaywi ghavo kumwe nakulira naugara; ngavayititapo mbundu pa dimutwe davo. Ngavamughandumune pa mutwitwi. ³¹ Ngavakukurura likorongongo mukonda yenu na kudimanga naghumwavo na vikeshe huki davo, ngavamughupirepo kovyo vagarapa nanwe, vavo kuno nakulira. ³² Ngava dameka kulira mukukuvera kwenu, nakuyimba marushumo gha pamfa denu, are wakukara yira likosho, ogho vakayitire shiporepore pakatji kalifuta? ³³ Muruku rwa pakuyenda maushwi ghavo atunde kulifuta, ahafitire shingi sha vantu; kunawederere untungi wa vantu muudjuni na ungawo wa unene, nauntungi! ³⁴ Ngoli vyavayitilire shitetu kulifuta, palitondo maushwi ghavo na mbunga davo nadintje adidama! ³⁵ Vinamwenyo navintje vyatungo pashirudi vya vatjutjupitire kumutjima! Vipara vyavo nakukankama! ³⁶ Maushwi gha vantu ava ghakunyengire; aghukara na ugara, kapi wakalirepo nka makura.''