¹ Izi ndizo mbuto kuti mbumba yaIziraeli wadatambira ninga nhaka kudziko laKenani, yadagawanisiwa kuna iwo naEriazari, nyantsembe, na Djochuwa, mwana waNumi, nawanyakwawa waladzinza lamitupo pakati pambumba yaIziraeli. ² Nhaka yatche idagawanisiwa namutambo pakati pamitupo mifpemba nahafu, dyali ninga Yahweh akhadalanga napakati paMozisi. ³ Thangwe Mozisi nangaadipasa kale nhaka kumitupo miwoiri nahafu kun'gambu yaDjorodani, apo halibe kupasa walevi nhaka ibodzi. ⁴ Mutupo waZuze ukali, watchadiko, mitupo miwiri: Manase na Efraimi. Apo hapalibe nhaka pakundu padziko lidapasiwa walevi, kunza kwa yenango maluwani kuti walalamire, ese watchinyakhalisano wawo zvifuyo na midziyo yamuche. ⁵ Mbumba yaIziraeli idaita ninga Yahweh adalanga kuna Mozisi ese, nadyali wadagawana dziko. ⁶ Napenepo, mutupi waDjuda udaenda kuna Djochuwa kuGilgali. Kalebe, mwana waDjefone, mukenezi, adamubvunza: "Iwe ulikudziwa kuti Yahweh adalanga kuna Mozisi, munhu waMulungu pamusana pathu ku Kadesi-Barinia. ⁷ Ine ndikhana magole khumi namanai patche Mozisi, nyamubasa waYahweh, adandituma ku Kadesi-Barinia kaita ukapirikoni padziko. Ine ndidamuyisira masoko ninga zvikhali mumoyo mwangu kuti ndiite. ⁸ Nazvinezvi, wabale wangu kuti mudakwira naine mudaita kuti moyo yambumba inyunguduke naurtchi. Apo ine ndidalambirira nditchitewera Yahweh, meu Mungulu. ⁹ Mozisi adadumbira pantsiku yenayo, atchilanga: 'Tchaizvo, dziko latsika mwendo yakolinadzagala nhka kunaiwe nakuna wwana wako kwenda nakwenda, thangwe udatewerera zvakukwana Yahweh, Mulungu wako'. ¹⁰ Tchintchino, wonani kuti Yahweh adandikoya wakupenya panguwa yamagore makhumi manai namachanu ninga Iye adathembesa. Yahweh adalanga masoko aya kuna Mozisi patche Iziraeli akhafamba murusere. Nyamuntsi ndina magore makhumi masere namachanu yamusinkho. ¹¹ Futi ndiri wantsimba nyamuntsi ninga zvangu ndikhali panguwa zakuti Mozisi adandituma. Ndina ntsimba zakukwana kuti ndiite nkhondo kuti ndiyende nakuuya, ningue ine zvangu ndikhanazvo kumasureku. ¹² Tchintchino, ndipase mutunhu uyu wamabango kuti Yahweh adandithembesa ntsiku zenezire. Thangwe iwe udabva ntsiku yeneire kuti wa anakeusi wskhalalama mumaluwani iyantsimba. angati Yahweh anaine, ine ndinadza wathamangisa, dyali ninga Yahweh adalanga". ¹³ Napenepo, Djochuwa adakomborera Kalebe, mwana waDjofone, ese adamupasa Hebromi ninga nhaka. ¹⁴ Nadyali, Hebromi adadzagala nhajha yaKalebe, mwana waDjofone, mukenezi, kuswikira ntsiku iyanyamuntsi, thangwe iye adakwanisa zvamuche kuna Yahweh, Mulungu waIziraeli. ¹⁵ Dzina laHebromi, kumaserekuu likhali, Kiriate-Arba (Arba ahali mwamuna mukulu pakati pawa anakesewusi). Ese dziko lidadzapuma nankhondo.