¹ Takuli nomba ukusekwa kuli abo abali muli Kristu Yesu. ² Pantu ifunde lya kwa mupashi wa mweo muli Kristu yesu lyali kulenga webo ukuba muntungwa ukufuma kwifunde lye sambi ne mfwa. ³ Pantu ifyo ifunde lyafililwe ukucita pamulandu lyali ilya kunaka ukupitila mu mubili, Lesa alicitile. Alitumine umwana wakwe mucipasho ca mubili wa lubembu ku kuba icabupe pa lubembu, kabili alisedele ulubembu mu mubili. ⁴ Ali citile ifi mukweba ati ifipope fye funde kuti lyafikilishiwa muli fwebo, fwebo fwebenda temukufwaya kwa mubili, nomba mukufwaya kwa mupashi. ⁵ Abo abekalila umwabela umubili nomba abo abekalila umwabela umupashi. ⁶ Pantu ukwangwa pafya mubili nimfwa, lelo ukubika amano pafya mupashi mweo no mutende. ⁷ Ukubika amano ku fya mubili bulwani kuli Lesa, ico tabunakila kwifunde lya kwa Lesa, kabili taungacite fyo. ⁸ Abo abali muli bumubili tekuti basekeshe Lesa. ⁹ Eco kanshi, mwebo tamuli muli bumubili lelo mumupashi, nga cine cine umupashi wakwa Lesa waikala muli mwebo. Lelo nga vakweba ati umbi takwete umupashi wakwa Kristu, tabakulubali lwakwe. ¹⁰ Nga cakweba ati Kristu ali muli mwebo, umubili wali fwa ku lubembu, Pantu umupashi uli uwa mweo kubulungami. ¹¹ Nga cakweba ati umupashi wa uyo uwabushishe Yesu ukufuma kubakufwa waikala muli mwebo, uyo uwabushishe Kristu ukufuma kubafufwa akapela umweo naku mibili yenni. iya kufwa ukupitila mumupashi wakwe, uwaikala muli mwebo. ¹² Eco kanshi, bamunyinane, tuli bamisha, lelo tekumubili ku kwikala umwabela bumubili. ¹³ Pantu nga cakweba ati mwaikala umwalola bumubili, mwalola mukufwa, lelo nga cakweba ati ukupitila mumupashi mukolenga imibele yabumubili ukufwa, mukaba no mweo. ¹⁴ Pantu bonse abatungululwa no mupashi wakwa Lesa, aba abana bakwa Lesa. ¹⁵ Mwebo tamwapokelele umupashi wa busha ukweba ati mwebo mwikale mu mwenso nakambi; lelo mwebo mwapokelele umupashi wa bwna, uo tolililako ati, "Abba, Tata!" ¹⁶ Umupashi uwine ukoshimikila ubunte pamo ne mitima yesu ukweba ati tuli bana bakwa Lesa. ¹⁷ Nga cakweba ati fwebo tuli bana, ninshi fwebo tuli impyani, impyani shakwa Lesa. Kabili tuli impyani shinankwe shakwa Kristu, nga cine cine tulaculila pamo nao pakweba ati nafwe limbi kuti twaisa kucindamikilwa pamo yee. ¹⁸ Pantu nebo njeba ati amacushi yamuli ii nonshita tabuyene ukulingana kubukata ubukoisa kusokololwa kuli fwebo. ¹⁹ Pantu ukufulikisha kwa fibumbwa kulolela ukusokololwa kwa bana bakwa Lesa. ²⁰ Pantu ifibumbwa fyalengelwe ukulamba mukuicusha fye, temukuitememwa iyo, lelo ni pa mulandu wa fibumbile, mukucetekela, ²¹ ukweba ati ifibumbwa ifine nafyo fikalubulwa ku busha bwakubola, kabili fikatwalwa mubbuntungwa bwabukata bwa bana bakwa Lesa. ²² Pantu twaishiba ukweba ati ifibumbwa fyonse fikotetela nokukomenwe fumo mubukali pamo na nomba line. ²³ Teico ceka, lelo nafwe bena, fwebakwata ifisabo fyantanshi ifyabu mupashi, tukotetekela munda shesu, ulo tukololela ubwana bwesu, ekulubuka kwa mibili yesu. ²⁴ Pantu ni muli uku kwine kucetekela eko twapusukile. Nomba icietetekelo ic icamoneka tecicetekelo iyo. Pantu ni nani uucetekela ico amwene? ²⁵ Nomba nga twacetekela ifyo tatumwene, tucilolela . ²⁶ Mnshila imo, umupashi nao ulatwafwa mufyakunaka fyesu. Pantu fwebo tatwaishiba ifyo twinga pepa. lelo umupashi uwine ulatupapatilako mukuteta ukushingalondololwa. ²⁷ Eufwayafwaya ne mitima alishiba umutima wabumupashi, pantu ulapapatilako abantu fwaya kwakwa Lesa. ²⁸ Twaishibo ukweba ati abo abatemwa Lesa, abombela ifintu fyonse pamo ku busuma, kuli abo bonse abaitwa ukulingana no kufwaya kwakwe. ²⁹ Pantu bonse abo aishibile kabela nokulinga alibalingile kabela ukweba ati bakabe abapalana ne cipasho camwana wa kwe, pakweba ati akabe ibeli pali bamunyina abengi. ³⁰ Abo alingile kabela, abo alibetile no kubeta. Abo abo akutile, abo alibasangulwile no kubangulula, abo abo asangulwile, abo alibacindamikile nokubacindamika. ³¹ Findo nomba tukolanda pali ifi fintu? Lesa nga ali nafwe, nina engapinkana nafwe? ³² Uyo uutakenye umwana wakwe fye umo lelo amuposele fwebo bonse, kuti akana shani ukutupelo bupe ifintu fyonse? ³³ Ninani ukuleta ifikansa pa basalwa bakwa Lesa? Lesa fye eka eusangulula. ³⁴ Ninani uyo uuseka? Kristu Yesu fye eka ewafwile, ukucila pali ico, ewabushiwem uyo uuli ku kuboko kwa kulyo kwakwa Lesa, kabili eukotupapatilako. ³⁵ Ninani uukatupatulako fwebo mukutemwa kwakwa Kristu? bucushi, nangu kutitikishiwa, nangu kupakaswa, nangu ninsala, nangu bwamba, nangu busanso, nangu lupanga? ³⁶ Ngafilya calembwa ati, "Pantu mwebo akasuba konse. Twalingwa nge mpanga ishabelapo ukwipaiwa." ³⁷ Muli ifi fyonse tuli bakacimfya abacilapo ukupitila muli uyo uwatutemenwe. ³⁸ Pantu filya nebo nashininkisho ukweba ati nangu nimfwa, nangu mweo, nangu niba malalika, nangu buteko, nangu fintu ifilipo, nangu fintu fikesa kubako, nangu maka, ³⁹ nangu nibutali, nangu nibwipi, nangu cibumbwa cimbi, tekuti fitupatule kukutemwa kwakwa Lesa, ukweba muli Kristu Yesu shikulwifwe,