¹ Nomba fwebo fweba kosa tulekupitilako abatakosa ubunasha bwabo, elo twilakuisansamushafye iyo. ² Cilamuntu muli fwebo alekunsamusha umunankwe muciweme, icakumukula. ³ Pantu na kristu taisekeshe umwine Lelo, califwe ngefyo calembwa '' Insele sha abo abamitukile sha ponene pali ine.'' ⁴ Pantu conse icalembelwe kale calelmbelwe fwebo ukukonka pamulandu wakutila ukupitila mukutekanya nokupitila ieshi camalembelo tungakweta isubilo. ⁵ Nomba lesa wakutekanya no wa cikoseleshi amulenge ukuba aba mutima umo nomunankwe nga muli yesu kristu. ⁶ Enga cita ici pa mulandu wa mumutima umo mwingalumbanya kukanwa kamo lesa kabili wishi wakwa shikulu wesu yesu kristu. ⁷ Pantu mjulekuipokelela umo na umo, ngefyo Kristu naena apokelele - mwebo, kubukata bwakwa Lesa. ⁸ Pantu Nebo nkolanda ati Kristu aishile pangwa umubomfi wa kusembululwa pamulandu wa cine cakwa Lesa, kukufilicisha ifyo alaile ku fikolwe, ⁹ nakubena fyalo kukucindika Lea pamulandu wa luse lwakwe. Ngefyo calembwa, Eico nkopela amalumbo kuli iwe mubena fyalo nokwimba amalumbo kwishina lyobe ¹⁰ Nakambi likolanda "Sansamukeni, mwebena fyalo, nabantu bakwe." ¹¹ Elo na kambi, "Lumbanyeni, shikulu mwebena fyalo bonse; Lekeni abantu bonse bamulumbanye." ¹² Nakambi, Esaya akolanda, "Umushila wakwa Yesse ukoisa uukoima kukuteka pabena fyalo, muli ena abena fyalo bakakwata isubilo." ¹³ Nomba Lesa wacutetekelo engesusha muli imwe insansa shonse no mutende mukutetekela. elo pakutila kumaka yamupashi wa mushilo - mwingekalilila mucitetekelo. ¹⁴ Nebo nemwine ndi uwa subila pali kimwe, bawesu. Ninsubila ati elo namwebo bene namwisulamo ubusuma, abaisulamo amano yonse. Ninsubila ati muliba imwe muliukukoseleshanya umo naumo. ¹⁵ Nomba nkolemba kuli mwebo mukupama ku fintu fimo pa pamulandu wakumibukisha nakambi, pamulandu wa kusenaminwa napelwa kuli Lesa. ¹⁶ Ici cilambu cali cakutila ati ningaba umubomfi wakwa Kristu Yesu uwatumwa kubena fyalo, ukupela nga shimapepo imbila nsuma yakwa Lesa, pakwebati icabupe chabena fyalo cingapokelelwa,icashilishiwa namupashi wa mushilo. ¹⁷ Muli Kristu Yesu nebo ndikwete insambu shaku yyumfwa mumilimo nkobembela Lesa. ¹⁸ Elo nshakeshe ukulanda pali conse kanofye ico Kristu afikilisha muli ine kukunakila kwabena fyalo. Ifi efintu fya bombwa ku cebo naku milimo. ¹⁹ Kumaka yafishibilo ne fisungusho nakumano ya mupashi. Ici cali pakutila ukufuma mu Yerusalemu, nokushinguluka konse ukufuka illlyricum ningapwishishisha ukusenda konse imbila nsuma yakwa Kristu. ²⁰ Muli iyi nshila ukufwaya kwandi kwaba kwa kubila imbila nsuma, elo tekuntu Kristu aishibikwa pe shina pakutila nshingakula pa mufula wa muntu umbi. ²¹ Caba nga umo chalembelwa: "Abo abashabililwe icebo cakwe bakamumona, nabo abashaumfwa bakeluka." ²² Eico naibo wine nalileshiwa inshita ishingi ukukanaisa kuli mwebo. ²³ Nomba lelo nshakwatamo cifulo nelyo cimo muli yiy misumba, elo nabbo wakufuluka imyaka iingi ukwisa kuli mwebo. ²⁴ Nebo Nkokabila ukumibona mwebo elo nkapita uko mu nshila yandi iyakuya ku Spain, nokwafwiwa kuli mwebo pa lwendo lwandi kulya limo nalitemwa ukusanwa na mwebo pa kashita akalinga. ²⁵ Nomba nkoya ku Yerusalemu, kukubombela abashila bakwa Lesa. ²⁶ Pantu cali cisuma cakusekesha ku Masedonia na Achaia ukupangila abapina umusangulo mu bantu abamushilo bakwa Lesa aba nu Yerusalemu. ²⁷ Ee, cali icisuma icakubakesha, kabili bali bankongole kuli bena. Pantu ngabe fyalo bali akana mufintu fyabo ifya kumupashi, bakongwesha aba Yuda ukwi minina kuli bena kufintu fyabo ifyaku mubili. ²⁸ Eico, nkapwisha uyyu mulimo nokukakatika ici cisabo kuli bena, nkaya ku spain nokumitandalila ilyonkalaya. ²⁹ Nebo Nigishiba ati ilyo nkoisa kuli mwebo nkoisa mukupwililila kwa mapalo yakwa Kristu. ³⁰ Nomba nkomupapata, ba wesu, muli shikulwifwe Yesu Krsitu, namukutemwa kwa mupashi, ati mu lwishe pamo nanebo mu mapepo yenu kuli Lea pali nebo. ³¹ Pepeni pakutila ningapokololwa kuli abo bamu Yudea, elo nokuti imilimo yandi mu Yerusalemu ingapokelelwa kuba shiila bawka Lesa. ³² Pepeni pakutila ningesa kuli mwebo mu nsansa kukutemwa kwakwa Lesa nokutila nebo pamo namwebo tusanga ubutusho. ³³ Lesa wamutende egaba namwebo bonse. Amen.