¹ Lekeni umuntu onse abe uwakunakila kubutungulushi bwa pa mulu, pantu takwaba ubutungulushi kanofye ubwukufuma kuli Lesa. Ubutungulushi ubo ubwako bwasontwa na Lesa. ² Eco uyu uutalikisha kuli ayamaka apililika icipope cakwa Lesa ; elo na bonse abapililika aya maka bakapokelela ukupingulwa palwabo. ³ Pantu bakatangilila tabali bakutinya kumicitile isuma, kanofye imicitile ibi. Bushe mukofwaya ukushikwatamwenso kuli uyo uuli mumaka? Citeni icisuma, elo mukapokelela ukutusha kwakwe. ⁴ Pantu ye musha wakwa lLesa kulimwebo pa busuma. Lelo nga mokocita ifyabubi, beni no mwenso: pantu ye tasenda lupunga apashili mulandu. Pantu ye musha wa kwa Lesa , kalandula wa bukali pali uyo uucita ububi. ⁵ Eco mufwile ukunakila, tauli mulandu wabukalifye bweka lelo namwitontonkanyo lisuma. ⁶ Nipamulandu waici mupele umusonko.Pantu abali mumaka basha bakwa Lesa, abalolesha kuli ici lyonse. ⁷ Peleni kuli onse icilefwaikwa ukumupeela. Soseni kuli uyo umusonko ulingile, sangwileni kuli uyo umusanglo uliningile, tineni uyo ukutinwa kulingile, Cindikeni uyo umucinshi ulingile ⁸ . Mwikwata nkongole ku uli onse, kanofye ukutemwana umo no munankwe . Pantu uoy uutemwa umunankwealifikilisha ifunde. ⁹ Amafunde, '''Wilakucita bucende, wilakwipaya, wila kwiba, wila kukumbwa,'' elo ngakwaliba nalimbi ifunde ilyaisa kwingila muli ili ''ulekutemwa umunobe nga wemwine.'' ¹⁰ ukutemwa takucena kumunobe. Eico ukutemwa kufikilisha kwa mafunde. ¹¹ Pamulandu waici, mwalishiba, inshita , inshita iya kufuma mutulo, pali nomba ipusukilo Lesu lyabafye mupepi-pepifye ukucila uluntu twabalilepo ukusumina. ¹² Ubushiku bulipitilile, na kasuba kalipalemine.Eico natubike lubali imibombele ya mfimfi, elo natufwale necanso calubuto. ¹³ Natende bwino-bwino nga mukasuba tamuli mukusefya ukubi nangu ukwabucakolwa; elo twiyendela mubulalelale nangu mulunkumfwa lubi,elo tamuli mufikansa nangu mumufimbila. ¹⁴ Nomba tufwile ShikuluYesu Kristu nokukashila mumubili inshita apakucitila ulunkumbwa lwa uko.