¹ Panuma yaifi nebo nalibwene bamalaika bane bali talitaleme patupindi tune utwa pesonde, balikatile imyela ine iyapesonde pakuti takuli mwela wakupupila pesonde ,pali bemba nangu pa cimuti icilifye conse. ² Nebo nabwene malaika naumbi akoisa ukufuma kukabanga, uwakwete icishibilo cakwa lesa wamweo. Ena alililile neshiwi ilikulu bene abapelwe ulusa ulwakonaula icalo nabemba: ³ '''Mwionaula isonde, bemba, nangu ifimuti mpaka tubike icishibilo pampumi shabasha bakwa lesa.'' ⁴ Nebo nalyumfwile nempendwa ya abobonse ababikilwepo icishibilo: 144,000, abo ababikilwepo icishibilo ukufuma mumushobo onse uwabantu babena israeli: Amakana ikumi limo nababili ukufuma mumushobo wakwa yuda ababikilwepo icishibilo, ⁵ amakana ikuni limo nababili abakufuma mumushobo wakwa Reuben, amakana ikumi limo nababili abakufuma mumushobo wakwa Gadi, ⁶ Amakana ikumi limo nababili abakufuma mumushobo wakwa Asheli, amakana ikumi limo nababili abakufuma mumushobo wakwa Naftali, amakana ikumi limo nababili abakufuma mumushobo wakwa Manase, ⁷ Amakana ikumi limo nayabili abakufuma mumushobo wakwa Simeoni, amakana ikumi limo nayabili abakufuma mumushobo wakwa Levi, amakana ikumi limo nayabili ukufuma mumushobo wakwa Isakali, ⁸ amakana ikumi limo nayabili abakufuma mumushobo wakwa Sebuluni, amakana ikumi limo nayabili abakufuma mumushobo wakwa Yoseph, namakana ikumi limo nayabili ukufuma mumushobo wakwa Benjamin abakakatikilwepo. ⁹ Panuma yaifi fintu naliloleshe, kabili kwali ibumba ilikulu sana ilyakuti takuli nangu umo uwingalipenda -abafuma kufyalo fyonse , mumikowa nantu bamumishobo iyapusna pusana baliminine kucinso cacipuna cabufumu naku mwana wampanga. Balifwele imingila yabuta nabekata nemisambo yatuncindu muminwe yabo, ¹⁰ Kabili balepundisha amashiwi yabo abati: ''Ipusukilo lyakwa lesa wesu , uwaikala pacipuna cabufumu, nelya mwana wampanga. ¹¹ Kabili bamalaika bonse baiminine ukushinguluka icipuna cabufumu na ukushinguluka abakalamba,nefya mweo fine,kabili bawile ubunkumpeme kucinso cacipuna cabufumu.Balepepa lesa , ¹² Abati, ''Amen! amalumbo ,ubukata, amano, amatotelo, umucinshi, amaka, no kukosa fibe kuli lesa wesu umuyayaya no muyayaya! Amen:'' ¹³ Eluntu umo umukulu anjipwishe ati, ''Nibanani aba, abafwele imingila shakubuta, elo nikwisa uko bafumine?'' ¹⁴ Nebo natile kuli ye, ''Mukwai, mwebo namwishiba,'' aleo alandile kuli nebo, ''Ába nyabo abafumine kunse ya kupakaswa ukukalamba. Nabasamba amalaya yabo elo balipangilwe abakubuta mu mulopa wamwana wa mpanga. ¹⁵ Pali uyu mulandu, babelele kucipuna cakwa Lesa, elo balamulumbanya ubushiku nakasuba mwintempele lyakwe. Umo uyo ukwikele pa cipuna akasabankanya ihema balibo. ¹⁶ Tabakatale abomfwapo insala nakabili, nangula ukumfwapo icilaka nakabili. akasuba takakaboce, nangula icikabilila. ¹⁷ Pantu umwana wampanga pakati kacipuna akaba kacema wabo, elo akabacingilila kumyamboa sha mu menshi, elo Lesa akafuta ifilamba fyabo fyonse ukufuma mu menso yabo