¹ Elo namwene umulu upya ne calo cipya, pantu umulu wa ntanshi ne calo ca ntashi filipitile, na bemba tasangilwe kabili awe. ² Nalimwene no musumba uwashila, Yelusalemu mupya, uwaikile ukufuma mu mulu kuli Lesa, uwapekaniwa nga nabwinga uwa wamina umulume wakwe ³ Nalyumfwile ne shiwi ukufuma ku cipuna ca bufumu liletila, "Moneni! Ubwikashi bwakwa Lesa bwaba pamo nabantunse, kabinge akulaikala nabo. Bakaba abantu bakwe, kabinge Lesa umwine akalaba nabo kabinge akba Lesa wabo. ⁴ Akakumunafilamba fyabo fyonse mu menso yabo, kabinge takwakabe mfwa nakabili, nangula ubulanda, nangula, ukulila, nangula ku kalipwa. Ifya kale nafipita. ⁵ Umo uwali naikala pacipuna ca bufumu, lyatile, "Boneni! Ninenga fyonse ifipya."Atile, "Lembe ifi fintu pakuti aya mashiwi ya cishinka kabili ya cine." ⁶ Atile kuli nebo, "Ifi fintu naficitwa! Ninebpo Alifa na omenga, ukutampa kabili ukupwisha. Ku ukomfwa icilaka, nkamipoela ukunwa ukwabulo kushita ykufuma ku kamfuku mfuku ka menshi ya mweo. ⁷ Uyo ukacimfwa akapyana ifi fintu, kabinge nkaba Lesa wakwe, kabinge akaba umwana wandi. ⁸ Nomba ba camwenso, abashitetekela, abaselausha, ba kepaya,abalalelale, ndoshi, abapepo tulubi, na bonse ababifi, icifulo cabo cikaba muli bemba wa mulilo wa libwe lya mingu. Uku ekufwa kwangulenga bubili." ⁹ Umo uwa muli ba malaika cine lubali alishile kuli nebo, untu akwete imenwe cine libali ishaisulamo ifikunka fyakutekelesha cine lubali, kabinge atile, "Isa kuno. Nkokwanga na bwinga umukashi wa mwana wa mpanga." ¹⁰ Elountu alinsendele mu mupashi ku lupili lukalamba kabili kuwasansuka kabinge alinangile umusumba wa shila Yelusalemu alekila ukufuma mu mulu kuli Lesa. ¹¹ Yelusalemu alikwete ubukata bwakwa Lesa, ne cengelo cauko cali nge icasanikwa umutengo, nge libwe lya Krustali ilya kubeka nga uaspi. ¹² Calikwete ilinga ilikalamba ne cibimba icitali icli ne mpongolo ikumi na yabili, icili na ba malaika ikumi pa mpongolo. Pa mpongolo palilembelwe amashiwi ikumi na yabili aya mikowa yabana bakwe Israeli. ¹³ Ku kabanga kwali mpongolo shitatu, ku kapinda ka kukuso mpongolo shitatu, ku kapinda ka kulyo shitatu, na kumbonshi shitatu. ¹⁴ Icibumba ca musumba imifula ikumi na yabili, napa mulu washiko pali amashiwi ikumi na yabili aya batumwa ba mwana wa mpanga. ¹⁵ Untu alandile nanebo alikwete umwando wakupiminako uwapangilwe na golide ku kupima umusumba, mpongolo shauko ne cibumba cauko. ¹⁶ Umusumba washimpilwe mu fifutu fine ifya kulingana, ubutali bwauko wali kulingana no bwipi bwa uko. Alipimine umusumba ku mwando wa kupimina, na mailosi ikana limo na yabili mu butali (ubutali, ubwipi ni kusansuka fyalikulingana). ¹⁷ Pamo pene fye ne cibumba alipimine, 144 imikono ukutikama mukupima kwa bumuntu ( Iyaba kabili emipimine yakwa malaika). ¹⁸ Icibumba cakulilwe na Yaspi no musumba wa golide uwafikapo nge cilola icalengama, ¹⁹ Imifula ya cibumba yalipulamikwe ne misango yonse iya libwe ilya uma umutengo. Ilyantanshi ni Yaspi, ilya bubili ni Safiri, ilya citatu ni Kelkedone, ilya cine ni Smaragidi, ²⁰ ica cisano ni sarsonukisi, ica mutanda ni sardi, ica cine lubali ni Krisoliti, ica lenga cine konse konse ni beruli, icalenga pabula ni topashi, icalenga ikumi ni krusoprashi, icalenga ikumi na limo ni uakinti, necalenga ikumi na yabili ni ametusti. ²¹ Impongolo ikumi na sgibili ni ba margariti ikumi na babili; impongolo imo imo yapangilwe ukufuma kuli margariti umo. Imisebo ya musumba ni golide uwafikapo nge cilola icalengama. ²² Nshamwenemo tempele mu musumba, pakuti shikulu Lesa uwa maka yonse no mwana wa mpanga etempele lya uko. ²³ umusumba tawali kukabila akasuba nangula mweshi ukulausanikila pantu ybukata bwakwa Lesa bwali usanikile, ne nyali ya uko mwana wa mpanga. shikalaendela no lubuto lwa ulya musumba. ²⁴ Isha mfumu sha calo shikaleta ubukata bwa shiko mukati. ²⁵ 25Impongolo sha uko tashaleisalwa akasuba, kabinge tabwakaleila kulya. ²⁶ Bakaletamo bukata no bucindami bwa uko. ²⁷ Nomba mukati tekuti mwingile cakowela, nangula onse ukocita ifyakuseleusha no kulufya.lelo kano fye abo bene abo amashina yabo yalembelwe mwi buku lya mweo ilya mwana wa mpanga.