¹ Eluntu nalibwene icishibilo nacimbi mu mulu, ickulu kabili icakusungusha: Kwali bamalaika cine lubali nefikuko cine lubali, ifili fikuko fyakulekelesha, kuli ifyo icpyu cakwa Lesa cikapwililika. ² Nebo nalimwene icakuba nga bemba wa ciyola umwasankene umulilo. Kulubali lwa bemba kwali minine abali bakacimfya pa ciswango napa cimpansho caciko kabili pa mpendwa ikoimininako ishina lya ciko. Balikete amasese ,ukupelwa ukufuma kuli Lesa. ³ Balikwimba ulwimbo lwakwa Mose, umubomfo wakwa Lesa, no lwimbo lwa mpaanga baleti: "Likalamba kabili yacipwsha amno imilimo yenu, shikulu Lesa, uwa maka yonse. Yakulungama kabili ya cine imibele yenu, mwe mfumu ya fyalo. ⁴ Nani ushakakutino shikulu nokucindika ishina lyobe? Pantu mwebo weka uli wamushilo. Ifyalo fyonse fikesa kupepela pa cinso cobe pantu imilimo yobe iya mubulungami alisokolwelwe." ⁵ Panuma ya ifi fintu na liloleshe, ne tempele ilyakwete ihema lyaba kambone lyalisukile mu mulu. ⁶ Na mwitempele mwalifumine ba malaika cine lubali balikete ifikuko cine lubali. Balifwele insulu ishisuma ishakubengeshima ishakubuuta tuutu, elyo ne mishipi sha golide ukushinguluka ⁷ Cimo pafya mweo fine calipele ba malaika cine lubali inweno sha golide umwaisula icipyu cakwa Lesa, uwaikalilila umuyayaya umuyayaya. ⁸ Itempele lyaliswilemo icushi ukufuma kubukata bwakwa Lesa naku maka yakwe. Takwali nangu umo uwakwingilamo mpanafye ifikunka cine lubali ifyabamalaika cine lubali fya pwililika.