¹ Icakumwenako icamaka cali monekele mumulu: Umwanakashi uwafwikilwe akasuba, nomwenshi panshi yamakasa yakwe, necilongwe cantanda ikumi nashibili pamutwe wakwe. ² Alimitile, elo alikulila kubukali bwaku fyala, nokucula pakupapa. ³ Eluntu nacimbi icaku mwenako cabonekele mumulu:Boneni! Kwali iciswa ickulu icakukashika icakwete imitwe cine lubali elo nama sengo ikumi, elo kwali nefilongwe cine lubali pamitwe ya ciko. ⁴ Umucila wa ciko wasendele icakaniko capali fitatu icantanda mumulu nokufiposa pesonde. Iciswango cataleme pacinso camwanakashi uwali mupepi nokupapa, pakweba ati nga apapa, cilye umwana wakwe. ⁵ Apapile umwana umwaume, umwana mwaume uukateka inko shonse nenkonto yacalo. Umwana wakwe alulwilwe kuli Lesa elo naku cipuna cakwe, ⁶ elo umwanakashi abutukile mumatololo, muntu Lesa amupekanishishe incende, pakweba ati engasunwa panshiku ikana limo, imyanda ibili elo namakumi mutanda. ⁷ Nomba kwali inkondo kumulu.Mikaeli elo nabamalaika bakwe balwile neciswango, elo iciswango elo nabamalaika baciko balilwile. ⁸ Lelo iciswango tacakosele ukweba ati cicimfye. Eico takwali incende kumulu iyaciko nabamalaika baciko. ⁹ Iswango icamaka- cilya icisoka ickote icitwa ciwa nangu satana, icifulunganya icalo conse- caposelwe pesonde, elo nabamalaika baciko baposelwe panshi naco. ¹⁰ Eluntu naishile kumfwa ishiwi ilikalamba mumulu: "Nomba lilishile ipusukilo elo namaka elo nobufumu bwakwa lesa wesu, elo nensambu shakwa Klistu wakwe. Pantu kashinina waba munyina aliposelwe panshi, uwabashinine pacinso cakwa Lesa wesu ubushiku nakasuba. ¹¹ Bamucimfishe pamulopa wa mwana wa mpanga elo nakwishiwi lyabunte bwabo, pantu tabatemenwe ubwikashi bwabo ukufika kumfwa. ¹² Kanshi sekeleleni, mwemyulu elo nabonse abekalamo! Lelo kalanda pesonde elo nakufimana, pamulandu wakweba ati ciwa aposwa panshi pali mwebo! Alisushiwemo nobukali elo alishibile ukweba ati akwetefye inshita iinono! ¹³ Uluntu iciswango caibukishe ati ciliposelwe pesonde capepekele umwanakashi uwapapile umwana umwaume. ¹⁴ Lelo umwanakashi alipelwe amapindo yabili ayakwa cembe pakweba ati engapupuka kuncende iyo bamupekanishishe mumatololo. Iyi yali nincende umo ali nokusungwa, inshita imo, nenshita shimbi elo nacitika wanshita- ukufuma munceni yacisoka. ¹⁵ Icisoka caishile kupongolola amenshi ukufuma mukanwa kaciko kwati mumana pakweba cipange ilyeshi lyakusenda umwanakashi. ¹⁶ Lelo isonde lyaafwile umwanakashi.Lelo isonde lyaasamwine akanwa nokumina umumana uo iciswango calikupongolola ukufuma mukanwa kaciko. ¹⁷ Eluntu iciswango caishile kumfwa icipyu pamwanakashi elo caishile kufumapo nokuya kukuya nolupwa ulwashala, abo bomfwila amafunde yakwa Lesa nokwikatilila kubunte pali Yesu. ¹⁸ Eluntu iciswango cataleme pamucanga wamumbali yabemba.