¹ '' Mweba wesu na batata , umfeni kukulangilila kwandi uko nkolanda kuli mwe.'' ² Ulo ibumba lyaumfwa Paulo akolanda kulibo muci Hebere, baba tondolo. walandile ati, ³ ''Nebo ndi mu Yuda, ukufyalwa mu Tarsi mu Kilikia, lelo nasambilile muli uno umusumbapa makasa ya kwa Gamaliele. Nalikutungululwa ukulingana ne nshila i shakukosa shamafunde ya fikolwe fyesu, nalibo uwakucincila muli Lesa, ifyo namwe bonse muli lelo. ⁴ Nalikulamata mu nshila yi no kubafisha ku mfwa, ukubakaka no kubatwala mucifungo bonse abaume na banakashi, ⁵ nga shiapepo mukalamba ne nentungulushi shonse kuti shambela inte. Napokele bakalatakuli bo abakuya na bo kuli bawesu mu Damaseke, kabili nalikuyako kulya kukubabwsha ku Yerusalemu abanakwe ukuti bakandwe. ⁶ Cacitikile ukuti uluntu nalikuya no kupalamina ku ma Damaseke, akasuba pakati mkwangufyanya ulubuto ulukulu ukufuma mumulu lwaampile ukubyasha ukunshinguluka. ⁷ Naponene pa nshi elo naumfwile ishiwi likososa kuli ine ati, ' Sauli Sauli, cindo umpakashila? ⁸ Nalyasukile ati, 'Nimwebo banani, Shikulu?' Alandile kuli ne ati, ninebo Yesu wa ku Nazarete, uo webo upakasa.' ⁹ Abo bonse abonali nabo balilumwene ulubuto, lelo tabalyumfwile ishiwi lya untu alikulanda kuli ne. ¹⁰ Nalandile ati, 'Nalacita shani Shikulu?' Shikulu aladile kuli ne ati, 'Ima no kuya mu Damaseke. Uko ukebwa fyonse ifya sontelwa iwe ukucita,' ¹¹ ulo nshalikubona pamulandu wa kubutisha kwa lubuto, no kuti nalekutungululwa kuminwe ya bantu abo nali nabo, nafikile na ku Damaseke. ¹² Kulya nalile kusanga umuntu uwalikukutwa Anania, uupepa Lesa umwabela amafunde kabili uwalikulandilwa icisuma kuba Yuda bonse abekalako. ¹³ Aishile kuli ne, no kulanda kuli ne ati, ' We wesu Sauli, lolesha kabili.' muli iyo ine inshita nalibwene. ¹⁴ Elo alandile ati, 'Lesa wa fikolwe fyesu alikusontele kukwishiba ukufwaya kwakwe, kukubona umulungami, no kumfwa kwishiwi ilikoisa ukufuma ku kanwa kakwe. ¹⁵ Ico ukuba kambone wakwe ku bantu bonse pafintu ifyo wabona no kuumfwa. ¹⁶ Nomba cindo ukololela? Ima, ubatishiwe, no kusambe membu shobe, kukukuta pe shina lyakwe. ¹⁷ Uluntu nabwekele ku Yerusalemu, elo no luntu nalikupepa mwi tempele, calicitikile ukuti nalipelwe icimonwa. ¹⁸ Nalimu bwene akolanda kuline, 'Angufyanya no kusha Yerusalemu bwangu, pantu tabasumine ubunte bobe ubwa paline. ¹⁹ Nalandile ati, 'Shikulu, abene bena balishiba ukuti nali kukaka no kuuma abo abasumina muli mwee mwi Sunagoge lyonse. ²⁰ Ulo umulopa wakwe Stefani kambone wenu walikusuma, nandi wine naliminiko no kusuminishako, elo nalikulonda namalaya ya abo abalikumwipaya . ²¹ Lelo alandile kuli ne ati, 'kabuye, pantu nebo ndi nokukutuma ukutali ku Bena fyalo.''' ²² Balikuufwa kuli ye mpaka pa cebo ico. Elo baimishe ama shiwi yabo no kulanda ati, ''Fumyeni uwabe fi pano isonde, pantu tacimuwamine ukuba no mweo.'' ²³ Ulo balikunda, no kuposaika amalaya yabo, no kukuba ulukungu mumulu, ²⁴ mushika we bumbaakonkomeshe ukutwala Paulo munkambi. Acitile ukuti afwile ukumwipsha pa kumulopaula, pakuti pakuti eshibe umwine ico bakopundila pali ye ifyo. ²⁵ Ulo bamukakile ku nshinga, Paulo alandile kuli mushika uwaimininepo ati, '' Bushe calisuminishiwa kuli mwe ukulopaula umuntu umwina Roma kabili ushilapingulwa?'' ²⁶ Ulo mushika aumfwile fi, aile kuli ushika we bumba no kumweba , alanda ati, ''Cindo mukofwaya ukucita? Pantu uyu muntu mwikashi wa mu Roma.'' ²⁷ Mushika we bumba aishile no kulanda kuli ye ati, '' Ngeba bushe uli mwikashi wa Roma?'' Paulo walandile ati, ''Eee" ²⁸ Mushika we bumba amwasukile ati, "Nikumutngo uukulu eko na bwenne ubukaya bobe." Lelo Paulo walandile ati, ''Nafyelwe ngo mwikashi wa bena Roma." ²⁹ Kabili abantu abalikuya mukumwipusha balimushile ulolwine. Na mushika we bumba nao wine ali no mwenso, ulo aishibe ati Paulo mwina Roma, Pantu alimukakile. ³⁰ Pabushiku bwa konkelepo, ushika webumba alikufwaya ukwishiba icishinka palwa ba Yuda' pakusumina Paulo umulandu. Eico alimukakwile mufikakulo no kweba bashimapepo bakalambane cilye conse ukukumana. Elo amutentemwishe no kumuteka mukati kabo.