¹ Lelo mwaliko umuntu umo mu musumba wa Kaisarea, Konerli e shina lyakwe, uwali umukuli wa bashilika ba nkondo mu Italy. ² Ali umuntu uwaishibile Lesa nganshi pamo nabonse abamu ng'anda yakwe, iwalikupelesha indalama kubalikukabila, elo alikupepa kuli Lesa inshita yonse. ³ Pa nshita iyakulenga pabula mu nshita yakasuba, alibwene fye bwino bwino mu cimonwa malaika wakwa Lesa aleisa kuli ye. Malaika alandile kuli ye ati, ''Konelio!'' ⁴ Konelio alolekeshe malaika elo alitutumine elo alandile ati, ''Findo mukwai?'' Malaika alandile kuli ye ati, ''Ukupepa kobe elo ne fyabupe fyobe ku balanda fililemene ukubati cabupe cakwibukisha filifikile ku menso yakwa Lesa. ⁵ Ino ine nshita tuma abantu ku musumba wa Yoppa nokuya kuleta umuntu uweshina lya Simoni uo bakuta ati Petelo. ⁶ Aleikala na kaluka uweshina lya Simoni, uo ing'anda yakwe yabela kumbali ya bemba.'' ⁷ Uluntu fye malaika uwalikulanda naye aile, Konelio alikutile babili pa babomfi bakwe aba mung'anda, elo no mushilika uwapikintika ukufuma pali abo abali kumubombela. ⁸ Konelio alibebele ifintu fyonse ifyacitikile elo alibatumine naku Yoppa. ⁹ elo pa bushiku bwakonkelepo ukulosha ku nshita yakulenga mutanda, ulo bali pa lwendo elo ninshi baya balepalamina ku musumba, Petelo aile pa mulu wa ng'anda mu kupepa. ¹⁰ Eluntu aumfwile insala elo alikufwaya ifilyo, nomba ulo abantu balikwpika ifilyo, bali mupele icimonwa, ¹¹ elo amwene umulu waisuka elo ne cipo cimo ciletentemuka ukufuma ku mulu, cali ukubbati cisalu icikulu cileisa pa calo, ciliketwe ku fifutu fine. ¹² Muli ico cipe inama shonse ishakupusana pusana ishakwata amolu yane elo nefisenya pa calo, elo ne fyoni fya mu mulu. ¹³ Eluntu ishiwi lyalandile kuli ye ati, ''Alamuka, Petelo, ipaya elo ulye.'' ¹⁴ Nomba Petelo ayasukile ati, ''Ifyo tefyo, Shikulu; pantu nshatala ukulyapo incintu icili conse icakukowela elo icishili cakusanguluka.'' ¹⁵ Nomba ishiwi lyaishile kuli nakabili umuku wabubili ati: Ico Lesa asangulwile, webo wicikuta ati cakukowela.'' ¹⁶ Neci cacicitikile imiku itatu; eluntu icipe apopene balicipitile ukubwelelamo ku mulu. ¹⁷ Lelo ulo Petelo acili aletontonkanya umwalolele icimonwa amwene, moneni, balya bantu abo batumine kuli Konelio bataleme pa mwenshi wa mpongolo, elo panuma baipwishe ifyakuya ku ng'anda. ¹⁸ Balikutile elo nokwipusha nga cakuti Simoni, uo bakuta Petelo, alikwikala palya. ¹⁹ Ulo Petelo alikutontonkanya palwa cimonwa, Umupashi wa Mushilo walandile kuli ye ati, Mona, abaume batatu balekufwaya. ²⁰ Pintimuka elo nokuya panshi elo ulekuya nabo. Wiwayawaya ukuya nabo, pantu Nine mbabatumine.'' ²¹ Eico Petelo alikile panshi kubantu balya elo nokubeba ati, ''Enine uo mulefwaya. Bushe cindo mwaishila?'' ²² Nabo balandile kuli ye ati, ''Mukulu waba shilika uweshina lya Konelio, umuntu umololoke elo umuntu uutina Lesa, elo balamulandila ifyaune abamu calo conse ica Yudea, balimwebele kuli malaika wakwa Lesa uwa mushilo ukwisa kukupita nokukutwala ku ng'anda kwakwe, pakweba ukuti omfwikishe imbila ukufuma kuli webo.'' ²³ Eico Petelo abengishe pakuti bekale nabo. Ubushiku bwa konkelepo ulucelo alyalamukile elo nokuya nabo, elo bamo pali ba munyina abafumine ku Yoppa alimukonkele. ²⁴ Pa bushiku bwakonkelepo balifikile ku Kesalia. Konelio alikumupembela; alikutile pamo balupwa bakwe elo nabakwe bonse abali naye mupepi. ²⁵ Ifyacitikile fyakuti uluntu fye Petelo aingile, Konelio alimukumenye elo nokuwila pa makasa yakwe nokumupepa. ²⁶ Nomba Petelo alimwafwile nokumwimya, nokumweba ati, Talama! Nandi wine ndi muntu fye.'' ²⁷ Ulo Petelo alikulanda naye, aingile mukati nokuyakusangana abantu abengi balilongene pamo. ²⁸ Alandile kuli bo ati, ''Mwebo mwebene mulshibile ukuti tacasuminshiwa mu mafunde umu Yuda ukusankana nangu ukutandalila umuntu umwina fyalo. Nomba Lesa umwine alinangile ati ntalingile ukukuta umuntu uuli onse uwakukowela nangu uushashasanguluka. ²⁹ Ecilengele ukuti njise ukwakubula ukutalika, uluntu bacintuma ukwisa kuli mwebo.'' ³⁰ Konelio alandile kuli ye ati, ''Inshiku shine e shapitapo pa nshita nga ino ine pa nshita iyakulenga pabula mu ng'anda mwandi; elo mona, umuntu aiminine ku ntanshi yandi ne fyakufwala ifyakubuta. ³¹ Alandile ati, 'Konelio, ukupepa kobe kulyumfwikile kuli Lesa, elo ne fya bupe fyobe kubalanda filibukishe Lesa pali we. ³² Eico kanshi tuma umuntu ku Yoppa, elo aye akukutile umuntu uweshina lya Petelo. Aleikakala mu ng'anda yakwa kaluka uwe shina lya Simoni, uwikala ku mbali ya ya mumana. ³³ Eico lulya lwine fye nalitumine abakukupita. Ulicitile bwino pakwisa. Lelo, kanshi fwebo bonse epo tuli pa menso yakwa Lesa pakuti tumfwe fyonse ifyo bakwebele kuli Shikulu ukulanda. ³⁴ Eluntu Petelo ayasamwine akanwa kakwe elo nokutampa ukulanda ati, ''Icine fye nakututuluka ukuti Lesa takwata umuncishanya. ³⁵ Kanshi, mu calo conse uuli onse uumutina elo nokucita ifintu ifyakulungama ye alapokelelwa kuli Lesa. ³⁶ Mwebo mwalishiba imbila iyo atumine ku bena Israeli, uluntu abailile imbila nsuma iyamutende ukupitila muli Yesu Kristu, uyo uuli e Shikulu wa ³⁷ bonse--mwebo bene mwalishiba ifyacititikile mu Yudea monse, ukutampila mu Galililee, panuma yalubatisho ulo Yoani asambilishe; ³⁸ ifintu fyacitikie palwa Yesu umwna Nazareti, nefyo Lesa amusubile no Mupashi wa Mushilo elo na maka. Aile aleshinguluka nokulekucita ifintu ifya bune elo nokuposha bonse abatitikishiwe na Satana, pantu Lesa ali ye. ³⁹ Fwebo tuli bakambone ba fintu fyose ifyo Yesu acitile, monse mu calo caba Yuda elo namu Yelusaleemu. Balimwipeye ukumutanika pa cimuti ca lupanda, ⁴⁰ nomba Lesa alimubushishe pa bushiku bwakulenga shitatu elo alimulengele noku moneka, ⁴¹ teku bantu bonse, nomba nikuli bakambone abo abasalilwe na Lesa ulo inshita tailafika--kuli fwebo fwebalile elo nokunwa naye panuma yakumubusha ku bakufwa. ⁴² Alitukonkomeshe fwebo ukya kubila ku bantu elo no kuba bukambone ubwakuti ni uyu wine uwasalwa kuli Lesa ukba kapingula wabakulola elo nabakufwa. ⁴³ Kuli yee eko naba kasesema bapele bu kambone, pakuti uyo onse uwasumina ukabelelwa uluse ku masambi ukupitila mwina lyakwe.'' ⁴⁴ Ulo Petelo ali alelanda ifi fintu, Umupashi wa Mushilo waponene pali bonse abo abalikumfwa ku cebo cakwe. ⁴⁵ Abo abantu abali mwi bumba ilyabasumina mukusembululwa--nabo bonse abaishile pamo na Petelo--balipapukile, pantu icabupe ica Mupashi wa Mushilo calipongolokele napa bena Fyalo nabo. ⁴⁶ Pantu balyumfwile uko aba abena Fyalo balikulanda mu ndimi shimbi elo noku lumbanya Lesa. Eluntu Petelo ayasukile ati, ⁴⁷ ''Bushe ninani uwingakanya aba bantu ukuti be batishiwa mu menshi, ab bantu abapokelela Umupashi wa Mushilo ukubati nifebo?'' ⁴⁸ Eluntu abakonkomeshe ukuti ba batishiwe mwi shina ilyakwa Yesu Kristu. Eluntu bamwipwishe ukuti ekale nabo pa nshiku ishingi.