¹ alifuminemo mulya. elyo nokuya mumusumba wakwe, nabasambi ninshi naba mukonka. ² Elyo ubushiku bwa sabata bwafikile alyambile kufunda imbilansuma mu Sinagoge. Abantu abngi balyambile ukumun=mfwa kabili balyambile ukumumfwa elyo nokusunguka elyo batile abati, "Nga nikwisa afumishe amasambilisho?" "Ngaya mano aya pelwa kuli wene?" ³ "Bushe ngefi fisungusho alecita kumimwe yakwe?" "Bushe teuyu kabasa wambao, umwana wakwa Matia kabili munyina wakwa Yakobo na Yose na Yuda na Simoni?" Bushe bankanshi bakwe tuli nabo?" Balikalifishiwe kuli Yesu. ⁴ Kabili Yesu aladilekuli bena, "Kasesema tabulwa mucinshi, kanofye kumusumba ku mwabo na mubantu bakwe," naba ng'anda yakwe. ⁵ Tabombelepo umulimo uli onse kanofye mumaka ukutambalika amaboko yakwe pabantu abanono abalelwale kabili kubalenga baba no bumi. ⁶ Kabili alisangwike pamulandu wakukana tetekela kabili aile mumishi alelanda imbila nsuma. ⁷ Kabili aitile abasambi ikumi limo nababili nokubatuma bali bali, kabili alibapela amaka ayakucimfya imipashi yakowela. ⁸ Kabili nokukanya ukusendapo ngagu cimo mulwendo lwabo, ukufumyakofye inkonto takwali kusenda umukate, takuli ukusenda ifyola kabili takuli ukusenda ulupiya mumishipi yabo. ⁹ NOmba mufwile mwafwala insapato, kabili takuli kufwala nemingila ibili. ¹⁰ abeba ati," Yonse ng'anda mukengilamo, emo mukekale mpakafye mukafumeko. ¹¹ Nga cakweba ati muncende mukengelamo muleya tabalemipokelela nangu ukumyamwila, elyo mukasha ilyo ncende mukashe mwakunta lulukungu kumakasa yenu pakubente kuli bena. ¹² kabili baile baletanda imbila kubantu ukutila ati lapileni. ¹³ Bafumishemo ingulu, nokusha babasuba namafuta abalwele no kubaposha. ¹⁴ Imfumu Herodi yaumfwa, inshina lyakwa Yesu lyaishibikwa sana. Bambi baleti, "Ni, Yoane kabatisha abuka kubafwa, emulandu wine namaka yakucita ifipapushomakwatile." ¹⁵ Bambi nabo abati, "NI Eliya kabili bambi batile, ni kasesema nga umo pali bakasesema baliko munshinta shakale. ¹⁶ Nomba elyo imfumu Herodi taumfwile ifi yalandile aiti, "Yoane uo naputwele umutwe ewabuka." ¹⁷ Herodi imfumu yatwele Yoane kukukakwa bamubika na mucifungo pamulandu wakwa Herodiasi [ Mukamunyina Filipu], pantu alimupile. ¹⁸ Yoane aeba imfumu Herodi, ''tacasumishiwa ukupa mukamunonko.'' ¹⁹ Nomba Herodiasi amufulilwa nokufwaya ukuti amwipaye, nomba tacitile iyo, ²⁰ Pantu Herodi aletina Yoane, aishibe ukweba ati mulungami kabili wamushilo, kabili alamusunga nomba bwino. Mumfwileni nokumulenga ukufulwa apakalamba, amumfwile nasansamuka. ²¹ Kabili elyo ubushiku bwa kufyalwa kwa kwa Herodi bwafikile balipekenye icakulya kunkonkani nakuntungulushi shaba shilika ba mu Galile. ²² Umwana, umwanakashi wakwa Herodiasi aingila mukati nokwamba ukucinda, kabili asansamwishe Herodi pamo nabashiimucindikwa abali kuli aya malila. Kabili imfumu yalanda kumukashana, "Upusha fyonse ifyo ulefwaya nalakupela." ²³ Kabili alapile uku wene, "Fyonse ifyo walalomba kuli inenalakupela, mpaka napakati kabufumu bwandi." ²⁴ Kabili aile panse nokuyaeba nyina, "Bushe finshi nalalomba kuli batata?" Nyina alandile ati, " umutwe wakwa Yoane kabatisha." ²⁵ Apopene abwelelemo mukwangufyanya ku mfumu, kabili aipusha, nokusosa, Ndefwaya umpele, ililine umutwe wakwa Yoane kabatisha pambale yacimuti." ²⁶ Nanguline ici cakalifye mfumu apakalamba, tayakene fyonse ifyo aleipusha pantu yalilaile kantanshi yabantu alalike ku amalila. ²⁷ Nomba mfumu yatuma umushilika nokumweba ukutleta umuntwe wakwa Yoane. Malonda aya kucifungo nokuya muputula umutwe wakwa Yoane. ²⁸ Aleta umutwe pambale nokupela umukashana, nao apele nyina. ²⁹ Elyo abasambi baufwile ifi balishile nakwisasenda umubili wakwe nokuyashika. ³⁰ Kabili abasole baisa na Yesu nokumweba fyonse ifya babombele no kusambilisha. ³¹ Kabili atile kuli bene, ''Iseni kuno kuncende ukwaba amatololo no kutusha panono.'' Bambi baleisa nabaleya eico tabakwetepo nenshita yakweba ati bengalya ifyakulya. ³² Kabili baile no bwato kuncende ya ciswebebe abene. ³³ Balibamwene baleya nabengi balibeshibe, kabili babutukile capamo pamakasa ukufuma mumisumba yonse, kabili balifikilepo bwangu pali bena. ³⁴ Ilyo baishile ku cabu, amwene ibumba ilikalamba abakwatile inkumbu pantu bali ngempanga shabula kacema. Kabili ayambile nokubafunda ifintu ifingi. ³⁵ Ilyo nshita tapwile abasambi bakwe balishile kuli wene nokulanda ati," ici ciswebebe kabili nenshita naipwa kale." ³⁶ Batumeni ukutalwikeko pakweba ati," bengashita ifyakulya." ³⁷ Nomba alibaswike nakubeba ati," Bapeni ifyakuti bengalya." Balanda kuli wene, " twaya nokuyashita umukate uwakufika kumyanda iibili nokubapela pakweba ati banyalya." ³⁸ Abeba ati," mukwete imikate inga? Kabiyeni kamoneni." Elyo bafwailikishe balandile abati, "imikate isano elyo na isabi libili." ³⁹ Elyo abeba ati, lekeni abantu bonse bekale mumabumba mumulemfwe. ⁴⁰ Baikele mumambumba mumabuma na cilembumba, paleba umwanda umo na makumi yasano. ⁴¹ Abulile umukate usano ne sabi libili, kabili aloleshe kumulu nokufipala nokupandaula umukate nokupela abasambi ukuti bapele abantu kabili aakenye isabi libili kuli bonse. ⁴² Bunse balile nokwikuta. ⁴³ Bakololonganike imikate yabufungau imiseke ukumi limo na ibili iyaisula, kabili nokufungau bwesambi. ⁴⁴ Kabili balile umukate bonse abaume abalile amakana yasano. ⁴⁵ Apopene aebele abasambi ukwingula na mubwato nokwamba ukuya kwishilya ku Betsaida, libe natamfya icintubwingi. ⁴⁶ Ilyo baile, aile nkumpili mukupepa. ⁴⁷ Nokufita payamba ukufita ninshi nabaleya mu cibwato elyo bafika pakati ka cimana, naena ninshi alifye eka mumpanga. ⁴⁸ Elyo abamwene balecushiwa pakoba, ninshi necimwela cilepupa. Kuntanshi aile kuli bene aleenda pali bemba, kabilil alefwaya abapite mumbali. ⁴⁹ Nomba lintu bamumwene aleenda pali bemba, batontonkenye ukuti ciwa ekwisapunda, ⁵⁰ pantu apopene bamumwene alicushiwe. Pakumona alnda kuli bena nokubeba ati, shipeni! nine mwitina!" ⁵¹ Kabili angile mubwato muntu bali, nishi necimwela cilepupa. Bonse bali papwike. ⁵² Pantu tabaishile lwa pa mikate, eico, imitima yabo ali yakosa. ⁵³ Ilyo bacilwike, baishile mumpanga ya Gensemani nokukaka ubwato. ⁵⁴ Elyo bafuminefye mu bwato, abantu bamwishiba. ⁵⁵ Bonse epakubutukila mumpanga kabili bambi balyambile nokulwala pamatanda mpakafye bayafika ukobaumfwile ukuti eco ali. ⁵⁶ Onse umushi aingilamo, nangula mushumba, ukubikapofye nencende shikalamba, balyambile ukuleta amalwele yabo. Nokwamba ukupapata ukuti, bengakumyakofye kunsalu yakwe, kabili nabonse abamukumishemo baliposhiwe.