¹ Elyo ubushiku bwe Sabata bwapitile Mariya mandalena na Mariya nina Yakobo, na Salome ashitile amafuta nokwisa suba umubili wakwa Yesu. ² Lucelo celo pabushiku ubwakubalilapo mu mulungu, baile kunshishi elyo ninshi akasuba kaletula. ³ Bayambile ukulanshanya, cila umo na umo, ''Ninani alatuseseshapo ilibwe pamwinshi?'' ⁴ Elyo bainwine amenso bamwene ilibwe nalikunkulukapo, pantu calikulile nganshi. ⁵ Baingile munshishi bamona umulumendo nafwala insalu yabuta, naikala nakukuboko kwakukulyo, kabili balipapile. ⁶ Abebele ati, ''Mwitina. Mulefwaya Yesu, umwina nazaleti, uwatanikwe. Nabuka! Talimuno. Monenipo pantu bamulalike. ⁷ Nomba muye, mwebe abasambi bakwe elyo na Petelo ati namitangilila ali ku galileya. Eko mwalaya mumona, ngefyo amwebele.'' ⁸ Balifumineko nokubutuka ububilo ukufuma kunshishi; baletutuma kabili balipapwike. Tabaebelepo umuntu nangu umo pantu baletina. ⁹ Uluce mubushiku bwakubalilapo mumulungu, panuma abuka, abalilepo ukumonekela kuli Maliya mandalena, untu afumishe ingulu cine lubali. ¹⁰ Aimine nokweba abo abali naena, abalelosha nokulila. ¹¹ Bena pakumfwa ati Yesu nabuka kabili amonekele kuli wene, tabasumine. ¹² Panuma yaifi fyonse amonekele mumusango umbi ku bantu babili abaleya mumpanga. ¹³ Baile nokuyaeba abasambi abasheele, lelo bena tabashininkishe kufyo babebele. ¹⁴ Panuma Yesu amonekele kube kumi limo na umo abalelya pa cintamba kabili abakalipila palwabunkosa mitima bwabo, pantu tabasumine abo abamumwene panuma yakushukuka kubafwa. ¹⁵ Abeba ati, ''Kabiyeni mu calo conse, nokubila imbila nsuma kufibumbwa fyonse. ¹⁶ Uwacetekela kabili nokubatishiwa akapusuka, kabili uyo onse uushakacetekele wene akasulwa. ¹⁷ Nefishibilo fikaya nabo abasumina: Mwishina lyandi bakalafumya ingulu. Bakalalandila mundimi shipya. ¹⁸ Bakalaikata insoka kuminwe shabo, kabili nangu bengalya ifyakubepaya, tafyakabacite akantu. Bakalatambalika amaboko yabo pabalwele, kabili bakaba nobumi.'' ¹⁹ Panuma shikulu alandile nabena, Ena alisendelwe mu mulu nokwikala ku kuboko kwakulyo kwakwa Lesa. ²⁰ Abasambi balishele nokwamba ukusambilisha mucende shonse, libe shikulu alebomba nabo na mukukoselesha icebo mufishibilo ifyo baile nafyo.