¹ Cilya bwaca ulucelo, bashimapepo mukalamba bakolongene pamo nabakalamba na bakalemba elyo nabonse ba filolo bamu Yudeya. Kabili ba mukakile Yesu no kumofunyapo. Bamwikete nokuya kuli Pilato. ² Pilato aipusha wene, ''Bushe ulimfumu yaba Yuda?'' Amwaswike ati, ''Nausosa.'' ³ Naba shimapepo mukalamba balamutunganya nakufintu ifingi. ⁴ kabili Pilato aipusha wene ati, ''tawaasukepo nangula kamo? Mona nifinga ifintu ifyo balekutunganyamo!'' ⁵ Lelo Yesu tewakwasukapo nangu cimo kuli Pilato, awe camupesha amano. ⁶ Nomba pakashita kakusefya ipasaka, Pilato alebakakwilapo umufungwa umo, uo balefwaya abantu. ⁷ Kabili kwali umuntu uweshina lya Balabasi uwali mu cifungo nabanankwe abo baipeye abantu ilyo balelwisha ubuteko. ⁸ Abantu abengi baishile kuli Pilato nokutampa ukumwipusha ukutila acite ifyo abacitila kunuma. ⁹ Pilato abaswike nokulanda ati, ''Bushe mulefwaya mikakwile imfumu yaba Yuda?'' ¹⁰ Pilato alishibe ukuti nikumufimbilafye bashimapepo bamuletelafye Yesu kuli ine. ¹¹ Nomba bashimapepo mucindami balesoka ibumba ukutila bakule Balabasi. ¹² Pilato abaswike nokulanda nakabili ati, ''Bushe finshi ndingile ukucita ku mfumu ya ba Yuda?'' ¹³ Babilikishe nakabili. ''Mutanikeni!'' ¹⁴ Pilato alandile kuli bena ati, ''Bubinshi mwasangamo?'' Lelo balebilikishafye saana sana ukutila, ''Mutanikeni.'' ¹⁵ Pilato alefwaya ukusekesha abantu, eico abakakwilile Balabasi. Abeba ukuma Yesu kabili nokumutanika. ¹⁶ Abashilika bamutwele mukati kalubansa (umo uwali mumusumba wakamfulumende), kabili baitile abashilika bonse pamo. ¹⁷ Bamufwika Yesu nensalu yakashika, kabili baleema icisote camyunga ba mufwika na kumutwe. ¹⁸ Batendeka no kumuposha abati, ''Kanabesa, Imfumu yaba Yuda!'' ¹⁹ Balamufupaula netete kumutwe kabili balamusakila amate. Elyo balamufukamina pakumutotela. ²⁰ Panuma yakumupumya, bamufula umwingila wakashika noku mufwika insalu, kabili ba mutwele mukumutanika. ²¹ Umulumendo umo, simoni cileni, aleisa ukufuma mu musumba ali niwishi wakwa Alexanda na Rufusi, kabili balimupatikishe uku mwafwako ukusenda ulupanda. ²³ Abashilika baletele yesu kuncende ya Gologota (emukutila, ''Icipaga''). ²² Bamupele umwangashi uwakantuka, leelo twanwine ilyo. ²⁴ Awe bamutanika kabili balaputaula ne nsalu yakwe pakweba ukutila bonse abashilika basalepo iyo engasendapo. ²⁵ Panuma yansa shitatu ukufuma apo bamutanikile. ²⁶ Pacipampa palembelwe ati, ''Iyi nimfumu yaba Yuda. ²⁷ Yesu atanikilwe pamo nabakabolalababili, umo kukuboko kwaku kulyo elyo umbi ku kuboko kwakukuso. ²⁸ Epakufikilisha amalembo yalembwa, kabili apendelwe pamo ne fipondo. ²⁹ Nomba bonse abalepitapo balemutuka, nokupukunya imitwe yabo nokulanda ati, ''Eya! Teiwe walecila nkabongolola itempele no kukula panshiku shitatu. ³⁰ Ipusushe wemwine nokuifunya palupanda wemwine!'' ³¹ Pashila imo ine bashi mapepo mukalamba balemupumya umo na umo , pamo naba kalemba, nokulanda ati, ''Alepususha bambi, leelo nafilwa ukuipususha umwine. ³² Lekeni Kristu, imfumu yaba Israeli, afume palupanda iililine, tumone no kucetekela.'' bonse abatanikwe pamo nankwe nabo balamusalula. ³³ Pansa mutanda, nemfimfi yaishile nokufimba impanga yonse ukufikafye nensa pabula. ³⁴ Pansa pabuula yesu alililile neshiwi ilikalamba, '' Eloi, Eloi lama sabakatani?'' Icapilibwila ukutila, ''Mwe Lesa wandi, mwe Lesa wandi, ninshi mwanshila ine?'' ³⁵ Bamo abaimanine baumfwile ishiwi lyakwe alelanda ati, ''Lolesha, aleita Eliya.'' ³⁶ Umuntu umo abutwike, nokutumpika umwepu mu mwangashi walula, nokubika kwitete nokumupela ukuti anwe. umwaume atile, ''Natumone ngacakutila Eliya kuti aisa mwikisha pashi,'' ³⁷ kabili yesu aliile ishiwi ilikalamba kabili nokufwa. ³⁸ Nensalu batanike mwitempele na yalepwike pakati ukufuma kuntampilo ukufika na kwisamba. ³⁹ Elyo mushika aimanine pamulola na Yesu pakumona ukuti aleka umweo munshila yakwe, atile ukuti, ''Icine cine uyu muntu ali mwana wakwa Lesa.'' ⁴⁰ Kwali abanakashi abalelolesha abali katalamukila. Pali ababene pali na Mariya Mandalena, Mariya (nina wakwa Yakobo mwaice Yosesi), na Salome. ⁴¹ Elyo ali mu Galileya balemukonka nokumubela. Abanakashi bamo abengi balishile nao mu Yerusalemu. ⁴² Elyo icungulo caishile, pamulandu bwali bushiku bwakupekanya, ubu ebushiku bwantanshi libe Isabata talilafika, ⁴³ Yosefu wa ku Alimeteyo aishile kulya. Ali nishimuncindikwa kuli bacilolo uyo uwalelolela ubufumu bwakwa Lesa. Aya uwapama kuli Pilato nokumwipusha umubili wakwa yesu. ⁴⁴ Pilato alisungwike ukuti Yesu nafwa kale; aitile umushilika nokumwipusha ngacakuti yesu nafwa. ⁴⁵ Elyo Pilato asambilile ukufuma kuli ukufuma kuli mushika ukuti yesu nafwa, apele umubili kuli Yosefu. ⁴⁶ Yosefu ashitile insalu yabuta. kabili asamwine umubili wakwa Yesu palupanda, nokumupomba insalu, nokumutwala kunshishi iyo baimbile mumabwe. Aiswile ilibwe ilyali pa mwinshi wa nindi. ⁴⁷ Mariya Mandalena na Mariya nina Yosesi bamwene incende uko bashikile Yesu.