¹ Kabili nalimwene mukuboko kwa kulyo kwa umo uwaikele pa cipuna ca bufumu umufungilo walilembwapo ku ntanshi nakunuma, walikakatikwapo nefikakatikiloko fine lubali. ² Nalimwne malaika uwamaka sana akobilikisha ne shiwi ilikulu, "Ninani uwawamiminwa ukuisula umufungilo noku kontaula ifikakatikilo?" ³ Tapali nangu umo mu mulu nangu pa calo nangu panshi ya calo uwalingile ukwisula umufungilo nangu ukuubelenga. ⁴ Nalililile sana pantu tapasangilwe nangu umo uwa waminwe ukwisula umufungilo nangu uku ubelenga. Lelo umo uwapabakalamba alinjebele ati, "Wilekulila. ⁵ Lolesha! Inkalamo yamu mukowa wakwa Yuda, umushashi wakwa Dadid, ali cimfya. Alilingile ukwisula umufungilo ne fikakatikilo fya uko cinelubali." ⁶ Nalimwene umwana wa mpaanga aliminine mukata ka lubansa lwa ciuna cabufumu pafibumbwa fine ifyamweo kabili; pakuti kaba kalambwa. Amonekele kubati untu aipaiwe. Alikwete amasengo cine lubali na menso cine lubali, iyo iili mipashi cine lubali iya kwa Lesa iyo iyabatuma monse mu calo. ⁷ Alile nokuya kubula umufungilo ukunfumya mu kuboko kwa kulyo kwa waikele pa cipuna cabufumu. ⁸ Ulo abulile umufungilo, ifibumbwa fya mweo fine nabakalamba amakumi yabili na bane balilwile panshi ku menso yamwana wa mapnga. Cila umo alikwete isese ne bakuli lya golide liliswilemo paa ifyacena cabune ifyaba emapepo yaba bantu bamushilo bakwa Lesa. ⁹ Balimbile no lwimbo ulupya: "Waliwaminwa ukubula umufungilo nokwisula ifikakatikilo. Pantu wali paiwe, naku mulopa obe walishitile Lesa abantu ukufuma konse ku mikowa, indimi, abantum ne nko. ¹⁰ Mwalibalenga ukuba ubufumu na bushimapepo ukule kubombela Lesa wesu, kabili bakateka pa calo." ¹¹ Elo naliloleshe nalyumfwile iciunda ca ba malaika abashingulwike icipuna cabufumu ne fibumbwa ifya mweo nabakalamba. Impendwa yabo yonse pamo yali amakana ye ikumi ya makana ikumi na makana ya makana. ¹² Mwishiwi ilikulu balandile ati, "Aliwaminwa umwana wa mpanga, uwaipaiwe, ukupokelela amaka, ubukankala, amano, ubukose, umucinshi, ubukata, no lulumbi." ¹³ Nalyumfwile ifyabumbwa fyonse ifyali mumulu napa calo napanshi ya calo na muli bemba - fyonse ifyabamo - fikoeba ati, "Kuli uyo uwaikala pa cipuna ca bufumu naku mwana wa mpanga kube ululumbi, umucinshi; ubukata, no buteko umuyaya umuyaya." ¹⁴ Ifibumbwa fya mwebo fine fyaebele ati, Amen!" nabakalamba baliwile panshi nokushinshimuna.