¹ Panuma ya ifi fintu namwene malaika akoikila ukufuma ku muulu. Alikwete insambu ishikalamba, na icalo cali butile ku bukata bwakwe. ² Abilikishe na ishiwi bulamba, ukweba ati, "nawa nawa babele mukalamba! Alisangwike incende yakwikalamo ingulu, icifungo ca kwikalamo imipashi iyakukowela, ne cifulo ca cuni conse icakukowela ne camuselu. ³ Na inko shonse shalimweneko umwangashi wa cipyu cabulalelale bwakwe. Ishamfumu sha pano isonde balinonkelemo ukufuma mu maka ya bupulumushi bwa bwikashi bwakwe.'' ⁴ Kabili nalyumfwile ishiwi na limibi ukufuma kumulu likolanda ukweba ati, "Fumeni muli ena, mwe bantu bandi, pakweba ati mwikumako ku membju shakwe pakuti mwikapokelelako nangu cimo icinkunka cakwe. ⁵ Imembu shakwe shalitulikwe ukulingana ne ngulu, na Lesa alibukishe ifya bubife bwakwe. ⁶ Mulipileni ngefyo alipile bambi abafumineko, kabili mumulundilepo na pafyo abombele imiku ibili mu lukombo asankanishemo, sankanishenimo imiku ibili ifya cipendo fyakwe ⁷ Alicindamika umwine na ukwikalsa mu busuma, mu cusheni sana na ukumulisha. Efyo alanda mu mutima wakwe, 'naikala nga na mfumu; nshili mukamfwilwa, nshakatale mona ukulosha.' ⁸ Na pali ci mu bushiku bumo ifinkunka fyakwe filino kwisa: imfwa, ukulosha, ne cipowe. Ali no kuliwa no mulilo , pantu shikulu Lesa wabulamba, kabili ni kapingula wakwe ⁹ Ishamfumu sha pani calo abo abalikucita ubulalelale na ena bakalosha na ukumulilila ubulanda ilyo bakalekumona icushi ilyo akalekupya. ¹⁰ Balinookwimina akatalamukila, ukutina uku lungulyka kwakwe, bakalekulanda ati, "Kalanda ku musumba ukalamba Babele umusumba wa maka! Pantu ni munsa imo emo ukupingulwa kobe kwishile. ¹¹ Bashimakwebo bapano calo bakomulila na kumulosha, ico taku;li nelyo umo ukashita ubunonshi bwakwe na kabili, ¹² ubunonshi bwa golide, silufere, amabwe yamutengo, ifdyakubeka, insalu ishisuma, ishakukashikila, ishakukashika ce, umusngo onse uwa mbao shakununkila, conse icipe ca mukuba, conse icipe icapangwa ku mbao shamutengo, na ifya butale, na icela na mabele. ¹³ Kinamone, amomlo, ifyanunkila, muri, ububani, umwangashi, amafuta, ubunga bwa kupeleka bwino, ingano, ingombe, impanga, bakabalwe na amaceleta na basha na imyeo ya bantu ¹⁴ Icisabo wali kukabila na ubjulamba bobe nacifuma kuli webo. Ifyabusuma bobe ne ifya kunalabata fyobe nafifumapo, tawakasange ¹⁵ Bashimakwebo baifi fipe abaishile kunonka ukupitila muli ena balinokwiminina akatalamukila ukufuma kuli ena pamulandu wamwenso wa kulunguluka kwakwe, ukutila na ukulosha kwa kupunda. ¹⁶ Bakatila ati, "kalanda, kalanda kumusumba ukalamba uyo uwali k,ufwala insalu shisuma, isha kukashikila ce, ne shakukashikisha, no kuwamishiwa na golide, amabwe ayasuma, ne fyakubeka. ¹⁷ Mu nsa imlo ifya bunonshi bwabo fyalyonamwilwe."cilakangalila wa bwato, nabenda mu mato bonse, na ba coba bonse, na bonse abalikumwena ubwikalo pali bemba baliminine akatalamukila ¹⁸ Balilile ilyo bamwene icushi cakupya kwakwe. balandole ati, "Musumba nshi waba ngo musumba ukalamba?" ¹⁹ Baliposele ulukungu pa mitwe yabo, no kupunda ukulila no kulosha. "Kalanda, kalanda ku musumba ukulamba kuli bonse abakwete amato kuli bemba balinonkele ukufuma kufyuma fyakwe. Ni munsa imo umo aonaulwa." ²⁰ "Sekeleleni pali ena, mwe myulu, mwebo mwe bamushilo na batumwa na bakasesema, pantu Lesa aliletele ubupingushi pali ena! ²¹ Umungeli wabulamba alibilile ilibwe ilyakuba nge mpelo ikalamba na ukuposa pali bemba, akolanda ati, "muli uyu musango, Babele, umusumba ukalamba, umo ukaposwa panshi mu lukakala tawamoneke na kabili. ²² Icongo calikupanga aba masese, ba kemba, ba kalisha wa fi mpeta, na bamapenga tabakomfwike nakabili muliwebo. Takuli katukuta wafya kupanga konse ukamoneka muli webo. Takuli icongo ca mpelo icikomfwika muli webo nakabili. ²³ Ulubuto lwa ngali talwakla bengeshime muli webo nakabili. Amashiwi yakwa shibwinga na nabwinga tayakomfwike muli webo nakabili, pantu abamakwebo bobe ebali banamfumu pa calo, na inko shonse shalilufiwe mu buloshi bobe. ²⁴ Ni muli ena emo basangile umulopa waba kasesema na bantu bamushilo abakwa Lesa, na umulopa wa onse uwaipaiwe pano calo.