¹ Umo uwamuli bamalaika cine liubali abaikete imweo cine lubili alishile kuli nebo no kulanda kuli nebo ati, "Isa kuno, nko kulanga ukusekwa kwakwa cilende mukalamba uwaikala pa menshi ayengi, ² uo imfumu sha pacalo shacitile nao ubulalelale, na ku mwangashi wabulalelale bwakwe nabekashi bapesonde balikolelwe." ³ Elo malaika ampitile mu mupashi antwele mu matololo, nalimwene umwanakashi alikele paciswango icakukashika ce ico icaiswilemo amashina yamiponto. Ici ciswango calikwete imitwe cine lubili nama sengo ikumi. ⁴ Uyo mwanakashi afwele ifyakashikila ne fya kashika ce no kusama nefya ku bekauka. Alikwete muminwe yakwe ulukombo lwa golide ulwaiswilemo ifyamuselu nefisha sanguluka ifuabulalelale fyakwe. ⁵ Napampumi yakwe pali lembelwe ishina ilya kwete ubupilibulo ubwafiswa: Babele mukalamba, nyina wabacilende ne fintu fyamuselu fyapesonde." ⁶ Nalimwene ukweba ati umwanakashi alikolelwe umulopa wabantu bamushilo abakwa Lesa no mulopa waba kambone bakwa Yesu. ulo namumwene, nalipapile sana. ⁷ Nomba malaika anjebele ati, "Nindo wappapila Nkolondolola ubwamwanakashi necidwango ica musendele, iciswanfo namad=sengo ikumi. ⁸ Iciswango wamwene eko cali, tacilipo nomba, kabili cili mupepi nokwisa ukufuma ku cilindi cabule mpela. Elo cikaya kubonnaushi. Abo abaikala pa calo, abo amashina yabo yatalembwa mwi buku lya mweo ukutula fye napamufula wa calo, bakapapa sana ilyo bakamona iciswango, pantu epo cali, kabili nomba tacilipo, kabili cikesa. ⁹ Ici catutwala nakwitontonkanyo ilyo ilikwete amano. Imitwe cine lubali nimpili apo mwanakashi aikala. ¹⁰ Kabili ni mfumu cine lubali. Imfumu shisano shaliwile, imo epo ili, ne inankwe tailasa, kabili ilyo likesa, iikesa kwikalafye panshita ilya kulinga. ¹¹ Iciswango ico icalipo, kabili nomba tacilipo, lelo nimfumu iya kulenga cine konse nose. Caba kulubali lwa cine lubali kabili kubonaushi eko cikoya. ¹² Amasengo ikumi ayo wamwene ni mfumu ikumi limo isho ishitalapokelela ubufumu, lelo shikapokelela insambu nge mfumu pa nsa imo pamopene neciswango. ¹³ Baba nokutontonkanya kumo kwine kabili bapela amaka ne nsambu shabo ku ciswango. ¹⁴ Shikemya ubulwi pamwana wanpanga. Nomba umwana wampanga akabacimfya pantu ni shikulu waba shikulu kabili ni mfumu ya shamfumu, nabali nao ebaitwa, abasalwa kabili abacishinka." ¹⁵ Malaika alandile ati kuli nebo, "Amenshi wamwene, apo cilende aikele, bantu amabumba, fyalo, ne ndimi. ¹⁶ Amasengo ikumi limo ifyo wamwene, fyena neciswango fikapata uyu cilende. Fikamupomona nokumusho bwamba, fika lya umubili wakwe kabili fikamoca mumulilo ukupwililisha. ¹⁷ Pantu Lesa alibika mutima yafiko ukucita ukufwaya kwakwe mukusuminisha ukupela amaka yafiko kukuteka iciswango mpaka amashiwi yakwa Lesa yakafikilishiwe. ¹⁸ Umwanakashi uo wamwene musumba uukulu sana uwakwata amaka kukuteka ishamfumu shapa calo."