¹ Nalyumfwile ishiwi ilikalamba ukufuma mwi tempele nokulanda kuli bamalaika cinelubali ukweba ati, "kabiyeni muye mwitile pa chalo inweno cine lubali ishabukali bwakwa Lesa ² Malaika wakubalilapo alitile iifyamu lunweno lwakwe pa chalo; ifibenga ifyabubi ifikali fyaliponene pa bantu abakwete ululembo lwa ciswango, abo abapepele icimpasho caciko. ³ Malaika wabutatu alitile ifya mulunweno lwakwe muli bemba. Yalyalukile umulopa kwati mulopa wamuntu uufwile. Kabili nefya mweo fyonse mulibemba fyalifwile. ⁴ Malaika wabutatu alitile ifyamu lunweno lwakwe mumimana namutu mfkumfuku twa menshi, kabili fyalyalukile umulopa. ⁵ Nalyumfwile malaika wa mumenshi akolanda ati, "muli bakulungama, mwebalipo kabili mwebabapo, mweba mushilo pantu mulipingwile ifi fintu. ⁶ Pantu balitile umulopa wa bantu abashila naba kasesema ba kwa Lesa, mulibapele umulopa kukunwa baliwaminwe ukucitweci." ⁷ Nalyumfwile ne cakufuntumwinapo cikoasuka ëe, shikulu Lesa wamaka yonse, ifyabupingushi bwenu fya cine kabili fya bulungami." ⁸ Malaika wakulenga bune aitile ifya mulunweno lwakwe pakasuba, kabili kalipelwe isambu shakoca abantu no mulilo. ⁹ Balipile necikabilila icikalamba, kabili balipontele ishina lyakwa Lesa, uwali namaka pali ifi finkunka. tabalapile nangu ukumupela ubucindami. ¹⁰ Elyo malaika wakulenga basano aitile ifya mulunweno lwakwe pa cipuna ca bufumu bwa ciswango, kabili imfifi yaponene pa bufumu bwaciko. Balisumiine indimi shabo pamulandu wabukali. ¹¹ Balipontele Lesa wa mumulu pamulandu wabukali ne filonda, nalyo line balikene ukulapila kumubele yabo. ¹² Malaika wakulenga mutanda aitile ifya mu lunweno lwakwe mumumana uukalamba Yufrate. Amenshi yauko yalyumine pakupekanya inshila yaba shamfumu abo abali nokufuma kukabanga. ¹³ Nalimwene imipashi yakukowela itatu iyo iyamonekele kwati niba cula bakofuma mutunwa twa cingwena, utwa ciswango, elo naba kasesema wa bufi. ¹⁴ Pantu mipashi yafiwa iicite fishibilo fyakupapisha. Balimukufuma ukuya ku shamfumu she sonde lyonse pakwebati balongane pamo pa bulwi bwa pa bushi ubukalamba bwakwa Lesa wamaka yonse ¹⁵ ("mona! nkoisa ngo mungo! alishuka uulola, uufwala amalaya yakwe pakwebati tendele ubwamba pakwebati tabamwene ifyansoni shabwamba bwakwe.") ¹⁶ Balibaletele pamo pa cifulo icitwa Armagedone muci Hebele ¹⁷ Elyo malaika wakulenga cinelubale aitile ifya mu lunweno lwakwe mumwela. Elyo ishiwi likalamba lyafumine mwitempele na ku cipuna ca bufumu, likoeba ati, "cilicitilwe." ¹⁸ Kwali no kumyensha kwa nkuba, namashiwi ukushenkana kwamibulukuto, elyo ne cinkukuma icikalamba-icinkukuma icikalamba ukucila pali fyonse ifyacitika ukufuma apo umuntu abela pe sonde, efyo cakulile ici cinkukuma. ¹⁹ Umusumba ukalamba baliwakenye mufiputulwa fitatu, nemisumba yamu fyalo yaliwile. Elyo Lesa aitile ukusakamana Babele umukalamba, kabili alipele ulya musumba ulunweno ulwaisushiwamo umwangashi uwapangilwe ukufuma ku bukali bwakwe. ²⁰ Icishi conse califuminepo, elyo ne mpili tashasangangilwe. ²¹ Amabwe ayakalamba, ayafinine kwati litalanta, yafumine mumulu nokuponena pa bantu. balipontele Lesa pa cinkuka camabwe pantu cilya cinkuka calibipishe.