¹ Elyo mumulu mwa moneka icishibilo cacipesha amano; umwanakashi ali afwele akasuba, amakasa yakwe ya nyantile pa mweshi kabili kumutwe wakwe afuele icilonge ca ntanda ikumi limo na shibili. ² Ali mitile, elyo alikulila pakukwata umwana mu bukali, mubukali bwa kukwata umwana. ³ Elyo nakabili icilangililo camoneke mumulu; Mona! kwaliko icosoka icikulu icakukashika icakwete imitwe cine lubali na nsengo ikumi, kabili kwaliko ne filengo pa mitwe cine lubali pamitwe shaciko. ⁴ Elyo umucial wakululwile intanda lwa citatu mumulu noku filampula panshi mucalo. Kabili icisoka caliminine kuntanshi ya mwanakashi wali mupepi mukupapa, pakweba ati nga apapa, cimulile umwana wakwe. ⁵ Umwanakashi alipapile umwana umwaume, umwana mwaume uwa kwisa kuteka ifyalo fyonse ne nkoto ya cela. umwana wakwe baisa ku musompola kuli Lesa ku cipuna cakwe. ⁶ Elyo umwanakashi afulumukila mumatololo, kuncende uko Lesa amupekanisishe, pa kweba ati alingilwe ukusungwako panshiku ikana limo ne myanda ibili na makumi mutanda. ⁷ Nomba mumulu namo mwalimine ubulwi. Mikaeli na bamalaika bakwe balikulwisha icisoka, kabili icisoka na bamalaika baciko balalwisha ukubwekeshamo. ⁸ Lelo icisoka tacali namaka ayengi ayaku comfya, tacatalile acikwatapo cifulo mumulu cena na bamalaika baciko. ⁹ Icisoka icikulu-cilya cisoka cikote icitwa ciwa nangu kasebanya, icalufya icalo conse-bacifwitile pesa,mba iya calo bamalaika baciko bamfwile pamo naco. ¹⁰ Elyo naumfwile ishiwi likalamba mumulu; "nomba ipusukilo iyaisa na maka nensambu shakwa Kristu wakwe. Pantu uwali kubepesha bamuninane, alimfwintwa panshi, uwali kuba bepesha ku cinso cakwa Lesa akasuba no bushiku. ¹¹ Kabili bene balimucimfishe kumulopa wa mwana wampangana kubunte bwa cebo cabo, bena tabali kutina kulufya myeo yabo mpaka nemfwa. ¹² Eico sekeleleni, mwe myulu na mwebo mwebekalamo! Lelo kalanda ku calo na kuli bemba, pantu ciwa alishile kuli mwebo; alifililwe sana alishibe ukweba ati alishilefye ne nshita iyi nono! ¹³ ilyo icisoka caishibile ukweba ati balicifwintile panshi calo, cali kukonkaishafye ulya umwanakashi uwafyelke umwana umwaume. ¹⁴ Lelo umwanakasshi epakupelwa amapindo yabili ayakalmba aya kwa kapumpe ayo kuti apupukileko ukuya kucende iya pekanishiwe kuli ena mumatololo. Iyi incende iyakusingilwamo ena, kunshita, inshita kabili cinika wa nshita-ukufuma kucinso ca cisoka. ¹⁵ Ne cisoka ca pongolwele amenshi ukufuma mukana kaciko kwati mumana pakweba ati cipange umukuku wa menshi ukuti cimukungule. ¹⁶ Lelo calo ca yafwilisheko umwanakashi. Icalo cayasamuna akanwa kaciko ukumina umumana uyo icisoka capongolwele ukufuma mukanwa kaciko. ¹⁷ Icisoka epakufulilwa umwanakashi caima caya na kukulwisha abana ba mwanakashi bambi bonse aba bantu abo bonse abalama ifipope fyakwa Lesa kabili abasunga ubuunte bwa kwa Yesu. ¹⁸ Elyo icisoka caiminina pa mucanga ku lulamba lwa cimana