¹ Nin barikan Festus lalama wilayah na'an,katalung asoa ian tangkat dari Kaisarea manik jo Yerusalem. ² Pamimpin Imam nana toa-toa'a ara Yahudi mawa tiang palonia malawan Paulus jo Festus. ³ Arinan mamina mamita jo Festus supaya inje yg mambalasangan manyangkut jo Paulus-supaya ian dapat manyuro katin jo Yerusalem mato munda'a muno joan jo dalanan. ⁴ Dabarikan Festus bada kalau Paulus itahan jo Kaisarea,ian pun to' mole balik katin. Kolea inan tika yang dapatan,'' kaloa, ''harus tamba katin nan'nam. ⁵ '' Kalau injen yang sala'an jo arinan, ingkinan harus kin paloni joan.'' ⁶ Mamina la'lako salama' lapan atau sapulo' aso pi,ian tangkat katin jo Kaisarea. Mamin aso na'an ian duduk jo bangku pakaradan mamarintah supaya Paulus dawa joan. ⁷ Jo mondokan urang Yahudi dari Yerusalem langsung kadeng biringan, nana mawa ambat tuduhan abarat yang injun dapat dabuktikan. ⁸ Paulus mambela diri'a maminan bada, ''iakan injuak mona sala' malawan ukuma urang Yahudi atau malawan Bait Allah, atau malawan Kaisar.'' ⁹ Barikan, Festus to' bauntung dari urang Yahudi,barikan ian manyuti jo Paulus maminan bada, '' Apakah to' katin ko jo Yerusalem barikan kuhakimi ko nana yang jo kate ninan injen? ¹⁰ sut'a Paulus, '' Iakan kadengak idapana bangku pakara Kaisar tuju kuk harus iadili. Iakan injuak sala' jo urang Yahudi lalam aika pun, kate yang ikatawangan ingko nana mam'an ¹¹ Pabila injen jo sala jo ku'un barikan iakan barbuat yang manyuro mate jo ku'un,iakan injuak manolak mate. Tapi kalau jo dapaloni arinaan inju totong tikapun inju pande manyerahkan joku'un jo arinan. Ku kalong Kaisar'an.'' ¹² Mamin Festus bada jo anggota Mahkamah, ian bada, ''Malong jo kaisan ko, ingkon akan madap jo Kaisar!'' ¹³ Unsa' aso maminan, mondok Raja Agripa nana Bernike jo kaisaran to' melamba'i karaja jo Festus. ¹⁴ Mamina isaso nan iaan injen, Festus padampeang kasusa i Paulus jo raja; iaan pun bada, " Indie inje sera tahanan yang da rantangan kolea i Feliks jo waktu lambaan. ¹⁵ Waktu jo Yerusaleman'ak, Imam-imam Kapala' nana tamatoa-tamatoa urang Yahudi, padampeang jokuun jalu yang dapalonangan jo tuun naan, dapita manto'tuun naan idukuma. ¹⁶ Kusuuti kupadaang iniin boan kebiasaana urang Romawi malapas tuu kole' mamma; tuu yang ipaloniin naan harusan imeang waktu sidua' nana tuu yang mamaloniin joan manto' dapat lapasang kalea. ¹⁷ Katenanna, arinaan mondok sirarak indi'e, inju kudenang, tapi kaminaan, dudukak jo korosi penghakimanan barik tu'un naan dawa jokuun. ¹⁸ Barik ara yang palonin naan kadeng nyadi badaan, kupikir anjau jau ba' ken-ken yang dapadangan kole' ari naan. ¹⁹ sebalikan, nyadi pasi tantangang agamaan nana yang mangana'i jo Yesusan, yang mamin mateen, yang daparasaya'in kole' i Paulus kalu Iaan tio' balik. ²⁰ Apais ulukuun lo'aika'ak manyalidiki kasusan niin, kutanya' joan to' aka lamba' jo Yerusaleman manto' iadelia injene ²¹ Waktu to' dakalongaan kole' ara penjagaan nan dapadang kaputusan Kaisar, badaak joan tetapbo itahan sampai iak kadiri mangiriman jo Kaisaran. ²² " Agripaan maminna bada jo i Festusan,"to'ak busi manantalinga kadaa tu'un niin." "Mina' ." Lo'a i Festus," Ingkoon mandalingako jau dapadaang." ²³ Kamina'an, nyadi tuu manyambut mondoka i Agripaan nana Bernike; siarak-arak mintama jo isaluana langkoon nana ambat perwira militeran nana ambat tuu dakilala tu'un. I Festusan mamarinta, i Paulusan iawa joan. ²⁴ I Festusan bada,"Raja Agripa, nana ingkin yang simalo'on nannam, belena baba'an niin; ambat urang Yahudiin batanya' joku'un jo Yerusaleman nana indi'in, barik dook joku'un manto' iduno'a. ²⁵ Mamina kuparajani anjau busi jau bua' ken-ken manyuro' iduno'ang joan; tapi iaan malong jo kaisaran, barik kuputuska mangirim joan. ²⁶ Tapi injuak muna' kepastian aika to' kutulisan jo Kaisaran. Alasan iniinna, kuawa tuun niin joninan, terutama jonuun, Raja Agripa, manto' injena jau kutulis mangana'i tuun niin. ²⁷ Injuak muna' alasan to' mangirim joan kalau anjalu jau ipalonang joan.