¹ Jesu wakhuluma eticuntjini tebantu nakubafundzi bakhe. ² Watsi, ''Tati temtsetfo nebaFarisi bahleti esihlalweni saMosi. ³ Ngako-ke yentani konkhe labanitjela kona nikugcine. Kodwa ningenti njengemsebenti yabo, ngobe bayakhuluma bangabe basenta. ⁴ Babopha imitfwalo lesindzako, bayibeke emahlombe alabanye bantfu, kepha bona abafuni kuyifukula, ngisho nangemuno wabo ⁵ Konkhe labakwentako kwekutiveta kubantfu. Ngobe la etinhloko tabo sebandzise emabhande lanetikhehle temabhokisana letinemavesi emiBhalo, bese belula emijiva yabo. ⁶ Batsandza tidzawo letingenhla emadzilini, netitulo letisembili emasinagogeni ⁷ Batsandza nekubingelelwa ngenhlonipho etimakethe, bantfu bababite ngekutsi 'Mfundisi'. ⁸ kepha ningabobita muntfu ngeMfundisi,' ngoba munye uMfundisi wenu nine nonkhe nibazalwane. ⁹ Ningabiti muntfu emhlabeni nitsi Babe, ngoba munye uYihlo eZulwini ¹⁰ Ningabiti muntfu 'nangemholi,' ngoba munye umholi wenu ngu Khristu. ¹¹ kodvwa lomkhulu kunani kufanele abe sikhonti ¹² senu.Ngobe umuntfu lotiphakamisako, uyawutfotjiswa, nalolotitfobako uyawuphakanyiswa. ¹³ Maye kini, bafundzisi bemtsetfo nebaFarisi, batentisi! Nivimbela bantfu umbuso weliZulu. Nibe nine ningangeni, nebantfu labafuna kungena anibavumeli kutsi bangene. ^{14 15} Maye kini, bafundzisi bemtsetfo nebaFarisi, batentisi! Ngobe nidla tindlu tebafelokati, nangekutentisa nenta imitsandazo lemidze ngako niyakwemukeliswa kulahlwa lokukhulu. ¹⁶ ''Maye kini, baholi labatimphumphutse, ngobe nitsi, 'lofunga lithempeli akanadzaba kepha lofuna ligolide, utibopha yena ngesifungo sakhe,' ¹⁷ tiphukuphuku letitimphuphutse! Ngukuphi lokukhulu, ligolide noma lithempeli lelingcwelisa legolide? ¹⁸ Lofunga lilati, akanadzaba. Kodvwa lofunga umnikelo losetikwalo, utibopha yena ngesifungo sakhe. ¹⁹ Timphuphutse ngukuphi lokubaluleke kakhulu, sipho nome lilati, lelenta sipho sibe ngcwele. ²⁰ Ngako-ke umuntfu nakafunga lilati ufunga lona kanye nako konkhe lokukulo. ²¹ lofunga lithempeli ufunga kanye nalowo lohlala kulo. ²² Umuntfu lofunga lizulu, ufunga sihlalo saNkulunkulu kanye nalowo lohlala kuso. ²³ ''Maye kini, bafundzisi bemtsetfo nebaFarisi!batentisi! Ngoba nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo; kwehlulela bubele, nekukholwa; loko benifanele kukwenta ngephandle kwekuyela loku. ²⁴ Baholi labatimphumphutse nikhetsa imphungane ekudleni, kodvwa nimite likamela! ²⁵ Maye kini, bafundzisi bemtsetfo nebaFarisi, nibatentisi! Nigeza lingephandle lendzebe nesitja, kantsi ngekhatsi kugcwele buphangi kanye nebumiti, ²⁶ MFarisi loyimphuphutse! Geza kucala lingekhatsi lendzebe yesitja, kuze kutsi lingephandle ligezeke. ²⁷ Maye kini, bafundzisi bemtsetfo nebaFarisi, nibatentisi! nifanana nemathuna lacakaciwe aba mhlophe, abukeka amahle ngephandle kepha ngekhatsi agcwele ematsambo ebantfu labafile nekugcola konkhe ²⁸ Kanjalo nani nibukeka nilungile emehlweni ebantfu, kodvwa ngekhatsi nigcwele kutentisa nekuphambana nemtsetfo. ²⁹ Maye kini, bafundzisi bemtsetfo nebaFarisi, nibatentisi! Ngobe nakha emathuna ebaphrofethi abe mahle, nihlobise netikhumbuto talabo labebalungile. ³⁰ Bese nitsi, 'kube sasiphila ngesikhatsi sabokhokho, sasingayikwenta loko labakwenta ngekubulala baphrofethi. ³¹ Kanjalo nitifakazele nine kutsi ningemadvodzana alababulala baphrofethi. ³² Chubekani-ke nicedzele loko lokwacalwa bokhokho benu! ³³ Tinyoka, ntalo yemabululu! Nitakubalekela njani kulahlwa esihogweni? ³⁴ Ngako nginitjela kutsi; Ngiyawunitfumelela baphrofethi netati, nebafundzis. Labanye babo niyawubabulala,n ibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha; ³⁵ Kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempheli nelilati. ³⁶ Ngicinisile ngitsi kini; konkhe loku kuyawukwehlela etikwalesitukulwane'' ³⁷ Jerusalema,Jerusalema, Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfwa bakho njengesikhukhukati sifukamela ematjwele aso, kodvwa awuzange sewungivumele! ³⁸ Bukani-ke lelidolobha lenu selisele lodvwana, lite bantfu. Ngiyanitjela ngitsi; ³⁹ Ningeke niphindze ningibone nize nitsi; Ubusisiwe lotako egameni leNkosi.'''