¹ Umbuso welizulu ufana nemninisivini, lowaphuma ekuseni ayocasha emadvodza ekusebenta esivinini sakhe. ² Emvakwekutsi avumelane netisebenti takhe kutsi utobaholela denariyo munye ngelilanga, wase ubatfumela esivinini sakhe. ³ Watsi uyaphuma ngeli-awalemfica wabona letinye tisebenti timile emakethe. ⁴ Watsi kuto, 'Hambani nani, niyewusebenta esivinini sami, ngitawuniholela loko loku nifanele.'Ngako bacala basebenta. ⁵ Waphindza waphuma emini ngeli-awa lelishumi nakubili, waphindze wenta njengoba entile ekucaleni. ⁶ Kwakungacishe kube li-awa lesihlanu ntsambama lapho akhandza lamanye emadvodza emile. Wababuta watsi nime leni lana lilanga lonkhe?' ⁷ ''Baphendvula batsi kuye, 'Ngoba kute losicashile.' ''Watsi kubo, 'nani hambani niye esivinini sami.' ⁸ Busuku befika, umnikati wesivinini watsi endvuneni yakhe, 'Bita tisebenti takhe wati ubanike umholo wabo, wacala ngalaba bekugcina.' ⁹ ''Titse natifika leti teli-awa lesihlanu entsambama, watiholela denariyo munye sisinye. ¹⁰ Nabefika laba bekucala, bebacabanga kutsi batabaholela kakhudlwana, kodvwa nabo batfola denariyo munye. ¹¹ Uma sebatfolile umholo wabo, bakhonona kumnikati wesivinini. ¹² Batsi, 'letisebenti tekugcina tona tisebente li-awa linye kodvwa umholo wabo ulingana newetfu, tsine lesisebente kamatima sashiswa nalilanga lapha ensimini.' ¹³ ''Kodvwa umnikati waphendvula watsi kumunye wabo, 'Mnganami, phela angikoni. Angitsi sivumelene ngamunye denariyo? ¹⁴ Tsatsa lokufanele wena uhambe. Ngikhetse ku kuninika umholo lofanako. ¹⁵ Kantsi ngite mine imvumo yekusebentisatintfo tami ngendlela lengiyifunako? Noma unenkinga yekutsi ngibe nemusa?' ¹⁶ Bekugcina batoba bekucala, bese bekucala baba bekugcina.'' ¹⁷ Ngesikhatsi Jesu aya etulu e Jerusalema, wabitela bafundzi bakhe labalishumi nambili eceleni, endleleni watsi kubo, ¹⁸ ''Bukani, siya utulu e Jerusalema, Lapho iNdvodzana yeMuntfu itawunikelwa kubaphristi labakhulu netati temtsetfo. ¹⁹ Batayinikela etandleni tebetive, kuze iphukutwe, bayishaye, bese bayibetsela esiphambwanweni; kodvwa ngelilanga lesitsatfu itawuvuswa ekufeni.'' ²⁰ Unina wemadvodzana aZebedi nalamadvodzana akhe. Wakhotsama embikwa Jesu futsi wacela intfo kuye. ²¹ Jesu watsi kuye, ''ufiseni wena?'' Watsi ku Jesu, tjela emadvodzana ami ahlale, munye esandleni sakho sangesekudla lomunye esandleni sangesencele, embusweni wakho.'' ²² Kodvwa Jesu wamphendvula watsi, ''awati kutsi ucelani. Ningakhona na kunatsa nayi indzebe lengitayinatsa?'' Batsi kuye, ''Singakhona.'' ²³ Watsi kubo, ''nitayinatsa leyo ndzebe. Kodvwa kuhlala ngesekudla sesandla sami nangesencele sesandla sami akusiko kwami kutsi ngiphane ngako, kodvwa kwalabo labalungiselelwe ngu babe.'' ²⁴ Bafundzi baJesu labalishumi uma beva loku, batitfukutselela letelamani letimbili. ²⁵ Kodvwa Jesu wababita watsi, ''niyati kutsi babusi betive babusa tikwato, netikhulu tato titiphetse ngetandla letimatima. ²⁶ Kodvwa akungabi njalo lapha kini, kodvwa wonkhe umuntfu lofuna kuba mkhulu emkhatsini wenu, akabe sikhonti senu, ²⁷ Nalofuna kuba wekucala emkhatsini wenu, akabe sisebenti senu, ²⁸ njengoba iNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe sihlengo salabanyenti.'' ²⁹ Batsi nabaphuma e Jerikho, sicumbi lesikhulu salandzela Jesu. ³⁰ Timphumphutse letimbili, letatihleti elusentseni lwemgwaco, teva kutsi nguJesu lona lowengcako, tase tiyamemeta tatsi: ''Nkhosi, Ndvodzana yaDavide, Sihawukele.'' ³¹ Kodvwa sicumbi sebantfu satitsetsisa batsi atibindze. Kodvwa takhala kakhulu, ''Nkhosi, Ndvodzana yaDavide, Sihawukele.'' ³² Kepha Jesu wema wababita, watibuta watsi, ''nifise kutsi nginentele ini mine?'' ³³ Batsi kuye, ''Nkhosi, sifuna kutsi emehlo etfu avuleke.'' ³⁴ Jesu wase utsintsa emehlo ato, tabona masinyane tamlandzela.