¹ Kwatsi Jesu sekacedzile kufundzisa bafundzi bakhe labalishumi nakubili, wahamba kusuka lapho waya kuyokufundzisa neku shumayela emadolobheni abo. ² Watsi kube eve Johane asejele ngemisebenti yaKhristu, wase umtfumelela umlayeto ngeba fundzi bakhe wase ³ utsi kuye, ''Kungabe nguwe yini lona lotako noma kumele sibheke lomunye?''. ⁴ Jesu wabaphendvula watsi kubo, ''Hambani niyobikela Johane ngalenikubonako nalenikuvako. ⁵ Labangaboni sebayabona, tishosha setiyahamba, labanebulephelu bayahlanjululwa, labangeva sebayeva, labafilile bayavuswa ekufeni baphile, nelivangeli liyashumayelwa kulabamphofu. ⁶ Ubusisiwe longakhubeki ngami.'' ⁷ Nase ajikile lamadvodza, Jesu wakhuluma nesicuku ngaJohane , ''Niphumele kuyobona ini ehlane-umhlanga lonyakatiswa ngumoya? ⁸ Kodvwa niphumele kuyobona ini vele-indvodza yembetse timphahla letinotfonotfo? Nembala, labo lebembetse timphahla letinhle bahlala etindlini temakhosi. ⁹ Kodvwa naniphumele kuyobonani vele-umphrofethi? Yebo, ngitsi kini, lokukhulu kunemphrofethi. ¹⁰ Nguye lona bekubhalwe ngaye, Bukani la, ngitfumela sitfunywa sami phambi kwebuso bakho, loyo lotakulungiselela indlela yakho phambi kwakho. ¹¹ Ngicinisile ngitsi kini, kulabo labatelwe nguwesifazane kute lomkhulu kuna Johane umbhabhatisi. Kodvwa umuntfu lowedzelelekile embusweni wezulu mkhulu kunaloku langiko. ¹² Kusukela ngemalanga aJohane umbhabhatisi kuze kube nyalo, umbuso wezulu uhlushwa ludlame, nemadvodza eludlame awutsatsa ngenkhani. ¹³ Ngoba bonkhe baphrofethi nemtsetfo besoloku kuphrofetha kuze kufike Johane; ¹⁴ nangabe ke niyafuna kukwemukela, lona ngu Elija lebekumele ete. ¹⁵ Loyo lonetindlebe tekuva, akeve. ¹⁶ Ngingasifananisa nani kepha lesitukulwane ? sifana nebantfwana nabadlala emakethe, labahlala bamemetana ¹⁷ batsi, 'Sanishayela umntjingozi kepha azange nigidze. Salila kepha azange nikhale.' ¹⁸ Ngoba Johane akafikanga adla sinkhwa noma anatsa liwayini, batsi, 'unelidimoni.' ¹⁹ Indvodzana yemuntfu yefika yadla yanatsa batsi, 'Bukani, usidli sendvodza futsi usidzakwa, ungumngani webatselisi netoni!' Kodvwa kuhlakanipha kutiveta kulungile ngemisebenti yako.'' ²⁰ Jesu wabese ucala usola emadolobha lebekente kuwo imisebenti yakhe lemikhulu, ngoba bebangaka phendvuki. ²¹ ''Maye kuwe, Khorazini! Maye kuwe, Bethsayida! Kube lemisebenti lemihle leyenteke kuwe beyenteka eTire nase Sidoni, ngabe kadze baphendvuka bembatsa timphahla temasaka batitsela ngemlotsa. ²² kodvwa kuyawuba ncono kuyo iThire ne Sidoni kunani ngelilanga lekwahlulelwa. ²³ Wena, Khaphanawume, ucabanga kutsi utawuphakanyiselwa ezulwini yini? Cha, uyowehliselwa eHayidesi. Ngoba kube lemisebenti lemikhulu leyenteka kuwe yenteka eSodoma, ngabe solo ikhona kuze kube kulamuhla. ²⁴ Kodwva ngitsi kuwe kuyawuba lula eveni lase Sodoma ngelilanga lekwahlulela kuna kuwe. ²⁵ Ngaleso sikhatsi Jesu watsi, ''Ngiyabonga, Babe, Nkhosi yase zulwini nase mhlabeni, ngobe ukufihlile loku kulabahlakaniphile nalabanekucondza wakwembula ebantfwaneni labancane. ²⁶ Yebo, Babe, ngoba loku bekukujabulisa emehlweni akho. ²⁷ Tonkhe tintfo ngitinikwe nguBabe; futsi kute loyatiko iNdvodzana ngaphandle kweYise, kantsi futsi kute lowati uYise ngaphandle kweNdvodzana nalowo iNdvodzana lekhetsa kumembulela. ²⁸ Wotani kimi, nine nonkhe lenikhatsele nalenisindvwa yimitfwala, ngitaniphumuta. ²⁹ Bekani lijoko lami kini nifundze kimi, ngoba ngimnene ngitfobekile ngenhlitiyo, futsi nitawutfola kuphumula kwemiphefumulo yenu. ³⁰ Ngoba lijoko lami lilula nemtfwalo wami awusindzi.''