¹ Nyalo ke kwase kusondzele umkhosi wesinkhwa lesingenamvubelo, lobitwa ngekutsi liphasika. ² Baphristi labakhulu nebabhali babonisana ngekutsi bangambulala kanjani Jesu, ngobe phela babesaba bantfu. ³ Lapho Sathane, asangenile kuJudasi Iskhariyothi labengulomunye walabalishumi nambili. ⁴ Judasi waya kubaphristi labakhulu nakubaphatsi bemabutfo wayakuyobonisana nabo kutsi angamnikela kanjani Jesu kubo. ⁵ Bajabula bavumelana kumnika imali. ⁶ Wavumelana nabo wase ubuka litfuba lekumnikela kubo lapho sicuku singekho. ^{7 8 9} Lase liyefika lilanga lesinkhwa lesingenamvubelo, lekufanele kunikelwe ngalo liwundlu lephasika. Ngako Jesu watfumela boPhetro naJohane, watsi, "Hambani niyewusilungisela sidlo seliphasika, kute sitolidla." Batsi kuye, " Ngukuphi lapho ufuna sente khona emalungiselelo?" ¹⁰ Wabaphendvula, "Bhekani, naningena edolobheni, umuntfu lowetfwele imbita yemanti utawuhlangana nani. Mlandzeleni ate afike kulendlu latawungena kuyo. ¹¹ Bese nitsi kulomnikati wendlu, ' Umfundzisi utsi kuwe, "liphi likamelo letihambi, lapha ngitawudlela khona liphasika nebafundzi bami?" ¹² Utanibonisa likamelo lelikhulu lelisetulu lelilungisiwe. Lungiselani lapho." ¹³ Bahamba ke bakhandza kunjengobe abeshito kubo. Base balungisela liphasika. ¹⁴ Kwatsi nase sikhatsi sifikile, wahlala phansi nebaPhostoli. ¹⁵ Wase utsi kubo, "Bengilangatelela kakhulu kutsi ngidle nani leliphasika ngaphambi kwekutsi ngihlupheke. ¹⁶ Ngobe ngitsi kini, angeke ngiphindze ngilidle lite ligcwaliseke embusweni waNkulunkulu." ¹⁷ Jesu watsatsa inkomishi, emva kwekubonga, watsi," Tsatsani loku, bese niyanatsisana. ¹⁸ Ngobe ngitsi kini, angeke nginatse futsi kwesitselo semvini kute kufike umbuso waNkulunkulu." ¹⁹ Wabese utsatsa sinkhwa, nasabongile, wasihlephula, wabanika, atsi, '' Lona ngumtimba wami, lonikelwe nine. Kwenteni loku kute kubesikhumbuto ngami. '' ²⁰ Watsatsa inkomishi ngendlela lefananako emva kwekudla, atsi, '' Lenkomishi isivumelwano lesisha engatini yami, letfululelwe nine. ²¹ Kepha nakani. Loyo longitsengisako unami kulelitafula. ²² Ngoba Indvodzana Yemuntfu vele ihamba njengoba kwamiswa. Kodvwa maye kuloyomuntfu leyawutsengiswa ngaye! '' ²³ Bacala bacoca babodvwa ngekutsi ngumuphi kubo lokungaba nguye longenta loku. ²⁴ Kwase kuphakama nekuphikisana emkhatsini webaphostoli ngekutsi ngumuphi lotaba mukhulu kunabo bonkhe. ²⁵ Watsi kubo, '' Emakhosi etive abaphatsi etikwebantfu babo, futsi labo labanemagunya etikwabo babitwa ngekutsi ngulabo labenta lokuhle ebantfwini babo. ²⁶ Kodvwa akukameli kutsi kube kanjena kini. Lokungenani, loyo lomkhulu kakhulu emkhatsini wenu afanane nalomncane kakhulu, futsi loyo lomcoka kakhulu afanane nesisebenti. ²⁷ Ngoba ngubani lomkhulu kakhulu, lolohlala etafuleni, noma lolosisebenti? Akusiye yini lolohlala etafuleni? Kodvwa mine ngisemkhatsini wenu njengesisebenti. ²⁸ Kodvwa ngini lenichubeke nahlala nami etikhatsini tami tekulingwa. ²⁹ Ngininiketa umbuso, njengoba Babe wami anikete umbuso kimi, ³⁰ kutsi ningadla niphindze ninatse etafuleni lami embusweni wami, futsi nitohlala etihlalweni nehlulele tive lengu-12 taka Israyeli. ³¹ '' Simoni, Simoni, Sathane sewucele kunivivinya, khona atonela njengemabele. ³² Kodvwa sengikuthantazele, kutsi kukholwa kwakho kungehluleki. Uma sewuphendvukile futsi, cinisa bomfowenu.'' ³³ Phetro watsi kuye, '' Nkhosi, ngilungele kuhamba nawe ngisho ekuboshweni nasekufeni.'' ³⁴ Jesu waphendvula, '' Ngiyakutjela, Phetro, lichudze angeke likhale kulelilanga, ungakaphiki katsatfu kutsi uyangati. ''' ³⁵ Wabese Jesu utsi kubo, '' Nanginitfume ngaphandle ningenatipatji, noma ticatfulo, kukhona yini lenakweswela?'' Baphendvula, ''Kute.'' ³⁶ Wabese utsi kubo, ''Kodvwa nyalo, loyo lonesipatji, akasitsatse, kanye nesikhwama sekudla. Loyo lote inkemba akatsengise lijazi lakhe ayitsenge. ³⁷ Ngoba ngitsi kini, loko lokubhaliwe ngami kufanelwe kugcwaliswe, 'Wabalwa kanye nalabaphula umtsetfo.' Ngoba loko lokwabhalwa ngami kuyagcwaliseka. '' ³⁸ Babese batsi, '' Nkhosi, buka! Nati tinkemba letimbili. '' Watsi kubo, '' Sekwanele.'' ³⁹ Jesu wahamba, njengenhlalayenta, waya entsabeni yemincumo, bafudzi bakhe bamlandzela. ⁴⁰ Nabefika, watsi kubo, '' Thandazani kute ningangeni ekulingweni. ''' ⁴¹ Wasuka kubo wachubeka libanga ngangemjiko welitje, waguca phasi wathandaza, ⁴² atsi, '' Babe, nawutsandza, susa lenkomishi kimi. Noko kungabi yintsandvo yami, kodvwa akwenteke yakho. '' ⁴³ Kwase kutsi ingilozi yasezulwini yabonakala kuye, yamcinisa. ⁴⁴ Ngelusizi, wathandaza ngekucinisela, umjuluko wakhe waba njengematfonsi lamakhulu engati awela phasi. ⁴⁵ Nakasuka emthantazweni wakhe, weta kubafundzi wabakhandza balele ngenca yekukhatsala kwabo ⁴⁶ wababuta, '' Nilele leni? Sukumani nithantaze, khona ningatongena ekulingweni.'' ⁴⁷ Asakhuluma, kwavela sicumbi, kanye naJudasi, munye walaba labangu-12, abahola. Wasondzela dvutane naJesu kutsi amange, ⁴⁸ kodvwa Jesu watsi kuye, '' Judasi, ngabe utsengisa Indvodzana Yemuntfu ngekuyanga? '' ⁴⁹ Labo labebagegeletele Jesu bakubona lobekwenteka, batsi, '' Nkhosi, sigadle yini ngalenkemba? '' ⁵⁰ Kwase kutsi munye wabo wagadla sisebenti semphristi lomkhulu, wajuba indlebe yakhe yangesekudla. ⁵¹ Jesu watsi, '' Sekwanele!'' Watsintsa indlebe yalesisebenti, wayiphilisa. ⁵² Jesu watsi kubaphristi labakhulu, nakaputeni welithempeli, kanye nalabadzala lebebatele kumelana naye, ''Niphuma kutsi nitomelana nesigebengu, ngetinkemba netagila? ⁵³ Lesikhatsi nginani malanga onkhe ethempelini, anisibekanga sandla senu kimi. Kodvwa leli lihora lenu, kanye nemagunya asebumnyameni. '' ⁵⁴ Bambopha, bamhola bamletsa endlini yemphristu lomkhulu. Kodvwa Phetro walandzela bucalu. ⁵⁵ Nase babase umlilo emkhatsini kwelibala lenkantolo futsi sebahleli phasi ndzawonye, Phetro wahlala kanye nabo. ⁵⁶ Intfombatana leyayisisebenti yambona asahleli ekukhanyeni kwemlilo yambuta ngco yase itsi, '' Lendvodza lena nayo yayinaye. '' ⁵⁷ Kodvwa Phetro waphika, atsi, '' Ntfombatana, angimati. '' ⁵⁸ Emva kwesikhashana lomunye wambona, wase utsi, '' Nawe ungulomunye wabo. '' Kodvwa Phetro watsi, '' Ndvodza, angisuye. '' ⁵⁹ Nasekuphele lihora linye indvodza yambelesela ngemandla yatsi, ''Ngempela lendvodza yayinaye, ngoba ungumGalile.'' ⁶⁰ Kodvwa Phetro watsi, ''Ndvodza, angikwati loku lokushoko.'' Masinyane, asakhuluma, lichudze lakhala. ⁶¹ Igucuka, Inkhosi yambuka Phetro, Phetro wase uyakhumbula emavi eNkhosi, nakatsi kuye, '' Lingakakhali lichudze namuhla utangiphika katsatfu. '' ⁶² Phetro waphumela ngaphandle wakhihla sililo kabuhlungu. ⁶³ Kwase kutsi lamadvodza labekagadze Jesu ahlekisa ngaye aphindze amshaya. ⁶⁴ Bamvala emehlo bambuta, batsi, '' Phrofetha! Ngubani lolokushayile? '' ⁶⁵ Bakhuluma tintfo letinengi bamelana naJesu, bametfuka. ⁶⁶ Ekuseni lokwa ngelilanga lelilandzelako, labadzala balabantfu bahlangana ndzawonye, baphristi labakhulu kanye nebabhali. Bamholela ekomidini yalabadzala ⁶⁷ base batsi, '' Nangabe unguKhristu, sitjele. '' Kodvwa watsi kubo, '' Nangabe nginitjela, angeke ningikholwe, ⁶⁸ futsi nanginibuta, angeke niphendvule. ⁶⁹ Kodvwa kusukela manje, Indvodzana yemuntfu iyawuhlala ngasekunene semandla aNkulunkulu. '' ⁷⁰ Bonkhe batsi, ''Ngaloko Uyindvodzana yaNkulunkulu? ''' Jesu watsi kubo, '' Niyasho kutsi ngingiyo. '' ⁷¹ Babese batsi, '' Sisamdzingelani fakazi? Ngoba tsine ngekwetfu sitivele ngemlomo wakhe. ''