¹ Jesu watsi uyabuka wabona tinjinga tifaka iminikelo yato esitjeni semnikelo. ² Wabona umfelokati lotsite afaka tinhlavu letimbili temali. ³ Wase utsi, " Ngicinisile ngitsi kini, lomfelokati lophuyile unikele kubedlula bonkhe. ⁴ Bonkhe laba banikele batsatsa kulokunyenti. Kodvwa lomfelokati, ekwesweleni kwakhe, unikele ngako konkhe labengaphila ngako." ⁵ Labanye bakhuluma ngelithempeli, kutsi belihlotjiswe njani nematje lamahle neminikelo, watsi, ⁶ ''Letintfo leti lenitibonako, emalanga ayeta lapho kuyawubate ngisho linye litje liyobe lisele kulelinye lawo langeke adzilitelwe phasi.'' ⁷ Base bayambuta, batsi, "Mfundzisi, letintfo tiyakwenteka nini? Siyakuba yini sibonakaliso kutsi sekutakwenteka? ⁸ Jesu waphendvula, "Caphelani kutsi ningayengwa . Ngobe labanyenti bayawufika ngelibito lami, batsi, ' nginguye', futsi, 'Sikhatsi sesisondzele.' ningayi kubo. ⁹ Naniva ngetimphi netiphitsiphitsi, ningetfuki, ngobe letintfo timele kwenteka kucala, kodvwa kuphela kuyawube kusengakafiki," ¹⁰ Wabese utsi kubo, ''Sive sitawuvukela lesinye sive, futsi nembuso uvukele umbuso. ¹¹ Kuyawuba nekutamatama kwemhlaba lokukhulu, bese etindzaweni letehlukene kuyawuba nendlala netifo letingelapheki. Kuyawuba netigameko lesabekako netibonakaliso letinkhulu tivela ezulwini. ¹² Kodvwa ngaphambi kwako konkhe loku, bayawuniphatsa ngetandla banitingele, baninikele emasinagogeni nasemajele, banimikise phambi kwemakhosi nakubabusi ngenca yelibito lami. ¹³ Loko kuyawuniholela etfubeni lebufakazi ngami. ¹⁴ Ngako ke titjeleni etinhlitiyweni tenu kutsi ningatilungiseleli kutivikela sikhatsi singakafiki, ¹⁵ ngobe ngiyawuninika emagama nenhlakanipho lekuyawukutsi bonkhe labalwa nani bangakhoni kuwabalekela nekuwaphikisa. ¹⁶ Kepha niyokhashelwa ngisho nabatali, bomnakeni, tihlobo, nebangani, futsi batawufaka labanye benu ekufeni. ¹⁷ Nitawenyanywa nguwo wonkhe umuntfu ngenca yelibito lami. ¹⁸ Kepha ngisho nelunwele lwenhloko yeni ngeke lubhubhe. ¹⁹ Ekubeketeleni kwenu nitawuzuza imiphefumulo yenu. ²⁰ Nanibona iJerusalema itungeletwa titsa, nibokwati kutsi kubhujiswa kwayo sekusondzele. ²¹ Labo labaseJudiya ababalekele etintsabeni, kutsi labo labasedolobheni baphume kulo, labo labasemaphandleni bangasangeni edolobheni. ²² Ngobe lawo ngemalanga emphindziselo, kute kutsi tonkhe tintfo letibhaliwe tigcwaliseke. ²³ Maye kulabo labakhulelwe nakulabo labamunyisako ngalawo malanga! Ngoba kuyawuba nelusizi lolukhulu kulendzawo, nentfukutselo kulabantfu. ²⁴ Batawubulawa ngenkemba, futsi batawentiwa titfunjwa etiveni tonkhe, neJerusalema betive batayigcobagcoba kuze kugcwaliseke tikhatsi tebetive. ²⁵ " Kuyawuba khona tibonakaliso elangeni, enyangeni, nasetinkhanyetini, nasetikwemhlaba. Tive tiyawuba selusizini, tikhatsateke ngenca yekudvuma kwelwandle nemagagasi. ²⁶ Emadvodza ayawuculeka ngenca yekwesaba nangenca yekulindzela tintfo letitawufikela umhlaba. Ngobe emandla emkhatsi ayawunyakatiswa. ²⁷ Bayawubona iNdvodzana yeMuntfu ita ngelifu ngemandla nangenkhatimulo lenkhulu. ²⁸ Kodvwa ngesikhatsi letintfo ticala tenteka, sukumani niphakamise tinhloko tenu, ngobe kukhululeka kwenu sekusondzele." ²⁹ Jesu wabatjela umfanekiso, "Bukani sihlahla semkhiwa, nato tonkhe tihlahla. ³⁰ Natihluma, niyaye nitibonele ngekwenu futsi nati kutsi lihlobo selisondzele. ³¹ ngako ngalokunjalo, nanibona letintfo tenteka, niyati kutsi umbuso waNkulunkulu sewusondzela. ³² Ngicinisile ngitsi kini, lesitukulwane lesi singeke sendlule tize tonkhe letintfo leti tenteke. ³³ Lizulu nemhlaba litawendlula, kepha emavi ami angeke endlule. ³⁴ ''Kepha ticaphelisiseni, khona tinhlitiyo tenu tingasindva kunatsa kakhulu lokudzakanako netinkhatsato temphilo, futsi lelo langa linganifikeli njengelugibe. ³⁵ Ngoba litawufika tikwa wonkhe muntfu lophila ebusweni kwawo wonkhe umhlaba. ³⁶ Kodvwa lindzani ngetikhatsi tonkhe, nithantazele kutsi nibe ngulabacinile ngalokwenele kutsi niphunyule kuto tonkhe letintfo letitakwenteka, nekutsi nime phambi kweNdvodzana yeMuntfu." ³⁷ Kwatsi emini abefundzisa ethempelini, ebusuku aphume ayewuhlala entsabeni yemincumo. ³⁸ Bonkhe bantfu beta ekuseni ngeluvivi kutemlalela ethempelini.