¹ Ngalelo langa Debhora naBharaki indvodzana yemu-Abhinoyami bahlabela nayi ingoma: ² ''Baholi nabasihola ka-Izrayeli,nebantfu balandzela ngentsandvo kuya emphini- siyakudvumisa Simakadze! ³ Lalelani, nine makhosi! Caphelani, nine baholi!, ngitohlabelela kuSimakadze ; ngihlabele ngidvumise Simakadze, Nkulunkulu wema Izrayeli. ⁴ Simakadze, nawuphuma eSeyi, nanitomasha nisuka eDomi, umhlaba watamatama, nesibhakabhaka sakhala; nemafu acitsela emanti phasi. ⁵ Tintsaba tatamatama ebusweni baSimakadze; ngisho nentsaba iSinayi yatamatama ebusweni basimakadze, Nkulunkulu wema Izrayeli. ⁶ Ngesikhatsi saShamuga (indvodzana ya-Anathi), ngesikhatsi saJayeli, bantfu bayekela kuhamba ngemigwaco, nalabo labachubeka kuhamba bebasebentisa tindlela letincane. ⁷ Bebabancane bantfu besidzala e-Izrayeli, kwabita kutsi mine, Debhora, ngivele-ngivele njenga make ku-Izrayeli! ⁸ Ngesikhatsi bakhetsa bonkulunkulu labasha, bekunekulwa edolobheni phindze bekute emahawu nobe tikhali betibonakala kulenkhulunggwane beyikhona ka-Izrayeli ⁹ Kubongwa kwami kuya kubaholi baka-Izrayeli, nalabantfu labatinikela- sibonga Simakadze ngabo! ¹⁰ Cabanga naku- wena logibele imbhongolo lemshophe esihlalweni sekhaphethi, nawe wena lohamba phasi ngetinyawo. ¹¹ Lalelani labo labahlabela etindzaweni temitfombo yemanti. Kulapho labatonitjela khona phindze ngemisebenti lemihle yaSimakadze, tento letilungile ¹² Vuka, vuka, Debhora! hlabela ingoma! Sukuma, Bharakhi, bamba titsa takho, ndvodzana ya-Abhinoyami. ¹³ Abese ema-Izrayeli lasindzaa ehlela ngentasi etikhulwini; bantfu baka-Izrayeli behla beta kimi bahamba naDebhora. ¹⁴ Bachamuka ku-Efrayimu, situkulwane sa-Amaleki; bantfu bakaBhenjamini babalandzela. Labachamuka eMakhi baholi nabo behla, kaZebhuluni kwehla baholi bemphi labaphatsa tindvuku. ¹⁵ Tinkhosana tami tase-Issakha besihlanganyele nato; nesive saka-Issakha besina Bharaki kugijinywa baholwa nguye. Incenye yabo bekusive sakaRewubheni lebesisedidekile kutsi sente njan. ¹⁶ Nihlaleleni emakhaya emililweni, nilalela belusi badlala timfiliji belusile? Sive sakaRewubheni kwaba nekutihlolisisa etinhlitiyweni. ¹⁷ BakaGiledi bahlala ngesheya kweJodan; nebakaDeni, kepha bebentiwa yini kuzulazula ngasemikhunjini? Baka-Asher bachubeka bahlala elutsetntseni lwelwandle. ¹⁸ BakaZebhuluni bekusive lebesitinikela ngekuphelela nakuliwa, nebakaNafutali, nabo, bebatimisela kanjalo. ¹⁹ Emakhosi eta, alwa; emakhosi aseKhenani alwa eThanakhi ngasemitfonjeni yaseMegido. Kepha abatsatsanga lisiliva ngenkhani. ²⁰ Nasemazulwini sibhakabhaka salwa, tinkhanyeti ngekucondzana kwato nato talwa naSisera. ²¹ Umfula iKhishoni yabakhukhula, lomfula lomdzala, umfula ikhishoni. Hambani ngesibindzi sami, nicine! ²² Imisindvo yemasondvo emahhashi avakala- agalopa, kugalopa kwemahhashi aDebhora. ²³ Calekisani iMerozi!' kusho ingilozi yaSimakadze. Ucalekise bantfu bakhona!- ngoba abaketi kutosita Simakadze- kusita Simakadze emphini alwa nalabanemandla.' ²⁴ Jayeli ubusisiwe kwengca labanye bafati, Jayeli(umfati waHebha umkhenani), ubusisiwe kwengca bonkhe bafati emathendeni. ²⁵ Lendvodza yacela emanti; wayinika lubisi lolunongiwe kamunandzi ngatsi letinkhosana. ²⁶ Jayeli wabamba sikhonkwane selithende, ngesandla sekudla aphetse sandvo; ngalesandvo washaya Sisera, wamphihlita inhloko. Jayeli wamphilhita sikombo saba tincetu nakashayela lesikhonkwane emhlatsini. ²⁷ Sisera wawela etinyaweni taJayeli, wawa walala lapho. Emukhatsini wetinyalo taJayeli walala wanganyakati. Lalawela khona wafela khona. ²⁸ Ngelifasitelo- unina waSisera wahlola ngelifasitelo lelithende wakhuluma advumatekile, 'Leni atsatse sikhatsi lesidze kuta? Angiwuva leni umsindvo wencola yakhe kutsi uyeta?