¹ Ngemuva kwekufa kwaJoshwa, bantfu baka Israyeli babuta kuSimakadze, batsi, ''Ngubani lotosihlaselela kucala emaKhenani, asilwele nawo?'' ² Simakadze waphendvula watsi, ''bakaJuda labatonihlasela. Lalelani, ngibanike emandla ekuncoba lelive lemaKhenani.'' ³ BakaJuda batsi kubakaSimiyoni, bomkhaya babo, ''Asambeni siye eveni letfu lesabekelwa lona kanye kanye singawalwisa emaKhenani. Ngaleyondlela sitohamba nani kulelive lenabekelwa lona.'' Ngakoke bakaSimiyoni bahamba nabo. ⁴ BakaJuda bahlasela, Simakadze wabanika emandla bawancoba emaKhenani nemaPerizzites. Bancoba inombolo lelinganiselwa etonkhulungwaneni letilishumi eBerek. ⁵ Bakhandza Adoni-Berek lentsabeni eBerek, phindze balwa naye bawancoba emaKhenani nemaPerzzites. ⁶ Kepha Adoni-Berek wabaleka, bamgijimisa bamukhandza, bamjuba titfupha etandleni nabobhozo bonkhe. ⁷ Adoni-Berek watsi, ''Emakhosi lamashumi lasikhombisa,lesawajuba titfupha nabobhozo, sibadlisa kudla lokuwile ematafuleni etfu. Njengoba bengibenta nami, naNkulunkulu sokwentile kimi.'' Bamuyisa eJerusalema, wafela khona. ⁸ BakaJuda balwa nebantfu baseJerusalema babancoba bayitsatsa iJerusalema. Bahlasela ngetikhali tabo babulala babese bashisa lelidolobha. ⁹ Ngemuva kwaloko, bakaJuda babese behlela phasi kuyohlasela emaKhenani lebekahlala entsabeni phasi, ekhatsi eNegev, phasi kwentsaba. ¹⁰ Juda wachubeka wawahlasela emaKhenani lebekahlala eHebron(Hebron bekanguKiriath Arba ekucaleni), phindze bancoba emaSheshai, Ahiman nemaTalmai. ¹¹ Kusuka lapho bachubekela embili bahlasela sive sase Debir (eDebir bekutsiwa kuse Kiriath Sepher). ¹² Caleb watsi, ''Nobe ngabe ngubani lohlasela bantfu base Kiriath Sepher abancobe phindze ayitsatse lendzawo, ngitomuniketa Aksah, indvodzakati yami, kutsi umente umfati.'' ¹³ Othniel, indvodzana yaKenaz (umnakaboCaleb lomncane) wayincona iDebir, ngakoke Caleb wamendzisela Aksah, indvodzakati yakhe, kutsi ibe ngumfati wa-Othniel. ¹⁴ Ngekushesha Aksah weta ku-Othniel, wancusa Othniel kutsi acele indzawo kubabe wakhe. Asehla embongolweni yakhe Aksah, Caleb wamubuta watsi, ''Yini lengingakusita ngayo?'' ¹⁵ Waphendvula watsi, '''Nginike sibusiso. Ngoba unginike lihlane laseNegev, futsi nginike imitfombo yemanti.'' Ngakoke Caleb wamnika indzawo lesetulu lenemitfombo kanye nalenye lephasi lenemitfombo. ¹⁶ Situkulwane sababetala waMoses emaKenite ahamba enyuka asuka edolobheni lemaSundvu laseJericho ahamba nebantfu bakaJuda,kuya ekhatsi ehlane laJuda, leliseNegev, kuyohlala khona nebakaJuda dvutane ne-Arad. ¹⁷ BakaJuda bahamba nebakaSimeon banakabo bahlasela emaKhenani lebekahlala eZephath bayibhidlita yonkhe. Bayinika libito lelisha batsi kuse Hormah. ¹⁸ Bantfu bakaJuda bancoba iGaza netindzawo letidvutane nayo, e-Ashkeloni netindzawo letidvute nayo, ne-Ekron netindzawo letidvute nayo. ¹⁹ Simakadze bekakadze ahamba nebantfu bakaJuda bancoba live lebelisentsabeni, kepha behluleka kukhipha lesive lebesihlala endzaweni lebeyibekele ngoba besinetincola tetinsimbi. ²⁰ Hebron yanikwa Caleb (njengoba bekashito Moses), wacosha kulendzawo emadvodzana lamatsatfu a-Anak. ²¹ Kepha bantfu bakaBenjamini abawacoshanga ema Jebusites lebekahlala eJerusalema. Ngakoke emaJebusites achubeka ahlala nebantfu bakaBenjamini eJerusalema kute kube kunamuhla. ²² Situkulwane saJosefa salungiselela kuhlasela iBethel, Simakadze bekanabo. ²³ Batfumela emadvodza latimpimbi eBethel (lelidolobha belatiwa ngekutsi kuse Luz). ²⁴ Letimpimbi tabona indvodza iphuma ledolobheni, tatsi kuyo, ''Sikhombise, siyakucela, kungenwa kanjani ladolobheni, sitokwentela umusa wasikhomba.'' ²⁵ Lendvodza yabakhombisa indlela lengena edolobheni, ngakoke balihlasela ngetikhali tabo, khepha bayiyekela lendvodza nemndeni wayo yabaleka. ²⁶ Abese lamadvodza ahamba aya endzaweni yaseHittites phindze bakha lidolobha balibita ngekutsi kuseLuz, lokulibito lalo nanamuhla. ²⁷ Situkulwane saManase asibacoshanga labanfu bebahlala emadolobheni aseBeth Shan nasemadolobheni akhona lamancane, nobe eTaanach nemadolobha akhona lamancane, nobe labo lebebahlala ekhatsi eDor nemadolobha akhona lamancane, nobe labo bebahlala e-Ibleam, nobe eMegiddo nemadolobhanaya akhona, ngoba emaKhenani bekatitjelile ngekuhlala angahambi kulendzawo. ²⁸ Ngesikhatsi bantfu baka Israyeli batfola emandla, baphocelela emaKhenani kutsi abasebentele kalukhuni, kepha abawacoshanga onkhe emaKhenani. ²⁹ Ephraim akawacoshanga eamaKhenani bekahlala eGezer, ngakoke emaKhenani achubeka ahlala eGeze nabo. ³⁰ Zebulun akabacoshanga bantfu bebahlala ekhatsi eKitron, nobe bantfu baseNahalol, ngakoke emaKhenani achubeka ahlala nabo, kepha Zebulun waphocelela emaKhenani kutsi amusebenteka kalukhuni. ³¹ Asher akabacoshanga bantfu lebebahlala e-Akko, nobe labahlala eSidon, nobe labo labahlala e-AhlB, Akzib, Helbah, Aphek nobe eRehob. Ngakoke. ³² Ngakoke sive saka-Asher sahlala nemaKhenani (lebekaveke ahlala endzaweni) ngiba ababacoshanga kulendzawo kutsi bahambe. ³³ Sive sakaNaphtali asibacoshanga labo bebahlala eBeth Shemesh, nobe labo labahlala eBeth Anath. Ngakoke sive sakaNaphtali sahlala nemaKhenani (labantfu bebavele bahlala kulendzawo). Noko kunjalo, takhamuti tase Beth Shemesh naseBeth Anath baphocelwela kutsi basebentele emaNaphthali kalukhuni. ³⁴ Ema-Amorites aphocelela sive sakaDan kutsi sihlale etintsabeni, singabavumeli kutsi behlele entasi endzaweni lebekele. ³⁵ Ngakoke ema-Amorites ahlala eMount Heres, ka-Aijalon, naseShaalbim, kepha emandla elibutfo letitukulwane taJosefa tabancoba, tabaphocelela kutsi babasebentele kamatima. ³⁶ Umnyele wema Amorites wawugijima entsabeni ye Akrabbin eSela ubheka etulu eveni letintsaba.