¹ Paulo wakadodolisya kubamphala nakuyowoya, "mwababali, nakhala panthazi za Chiuta mwaunenesyo kufikila siku yalino." ² Muphalazyi mulala Hananiya wakaphalila wose awo bakamilila pafupi naiye kuti bamutimbe pamulomo. ³ Ndipo Paulo wakayowoya kwa iye, " Chiuta wakutimbenge, iwe wati waku tuu nga ndichimate. Ka wakhala kuniwelezya ine kupitila mulamulo, kwene ukati banitimbe, nkhususyana na dango?" ⁴ Awo bakamilila naye bakati, "ka umu ndimo ungatukilanga ba phalazyi balala ba Chiuta?" ⁵ Paulo wakati, "ine nkhumanya yayi, bakati, kuti iye akaba muphalazyi mulala. Pakuti nchakulembeka, Muzamukuyowoya yayi uheni kumudangili wa kubanthu binu." ⁶ Apo Paulo wakabeka kuti chigaba chimoza chabamphala chanyengeka na bafalisi banji, wakayowoya mwakukweza mumphala, balala, ine ndine mufalisi, mwana wa bafalisi. Nchifukwa chakuti nili na chigomezyo cha kuwuka kwa bakufwa ndicho mwaniyeluzyila." ⁷ Apo wakayowoya ivi, kususyana kukayamba pakati paba falisi naba pusikizyi, ndipo mzinda ukagabikana. ⁸ Pakuti bapusikizyi bakayowoya kuti kulije Chiuka, panji bangelo, ndiposo kulije Mizimu, kwene bafalisi bakalondezyanga vose. ⁹ Ntheula chiwawa chikulu chikayamba, ndipo balembi banyake abo bakaba kwaba falisi bakayimilila nakususya, nakuyowoya, "tasanga palije uheni kwa uyu munthu, ka nanga pala mzimu panyake mungelo wayowoya naye?" ¹⁰ Apo mukanganoukapitilila, mulongozyi mulala wakayopa kuti Paulo bangamudwasula mutuduswa naiwo ndipo wwakalamulila basilikali bake kuluta pasi nakumutola mwakuchichizya kufumila mukati mwabamphala, nakumubika munyumba yabasilikali. ¹¹ Usiku wakulondezyapo Fumu ikamilila pafupi naiye ndipo ikati, "khala nachikanga, naumo wapelekela ukaboni pa ine mu Yelusalemu, ukwenelaso kupelekaso ukaboni ku Roma." ¹² Apo kukacha, ba Yuda banji bakaungana nakulapila, kuyowoya kuti nthene kuti bangalya yayi nakumwa vilivose mpaka bakome Paulo. ¹³ Bakaba bakujumphilila makhumi yanai madoda awo bakapanga chibembi ichi. ¹⁴ Bakaluta kwabaphalazyi balala na balala bampingo nakuyowoya, "talapila malapilo yakulu kuti tilyenge kanthu kalikose yayi mpaka tikome Paulo. ¹⁵ Sono, ntheula, lekani bamphala boyamba baphalile mulala wabakapitawe kwiza naye pasi kwa iwe, nga kuti ungamuganizila mulandu wake mwakwenelela. Kwaise bakanozyeka kumukoma pambele wandize kuno." ¹⁶ Kwene mwana wamudumbu wake Paulo wakapulika kuti bakagona kulindila, ndipo wakaluta nakukanjila munyumba yabasilikali nakumuphalila Paulo. ¹⁷ Paulo wakachemapo umoza wabadangilili babasilikali nakuyowoya, "mpelekani uyu mwana mdoko kumulala wabakapiyawe, pakuti wali na vinthu vakumuphalila iye." ¹⁸ Ntheula mulala wabasilikali wakatola dada lachichepele nakumupeleka kwa kapitawe mulala nakuyowoya kuti, "Paulo kaidi wakanichema kwa iye, nakuniphalila kupeleka dada lachichepele kwa iwe. Waliko navakuyowoya naiwe." ¹⁹ Mulala wabakapitawe wakamutola kupitila kuwoko lake kuluta ku malo yapamphepete nakumufumba, "ka nivichi ivo ukwenekela kuniphalila?" ²⁰ Doda lahichepele likati, "ba Yuda bazomelezyana kufumba kuleta Paulo machelo kubamphala, nga bazamukufumbisisya zamulandu wake. ²¹ Kwene muleke kubapulika, chifukwa bakujumpha makhumi yanai awo bakumulindizya. Bajibeka bekha mukulapila kwambula kulya panji kumwa mpaka bamukome. Nasono pano mbakunozyeka, kulindila chizomelezyo chinu." ²² Ntheula kapitawe mulala wakalekelela dada lachinyamata kuluta, pamanyuma pomupa malango, "kuphalila waliyose yayi kuti wanganifisyila." ²³ Ntheula bakachemelezya kwa iye, babalala babasilikali nakuti, "tolani basilikali 200 (zikwi zibili) basilikali bakunozyeka kuluta kuchigaba cha Kesaliya, ndipo awo bakukwela paba kavalo ndiposo nabasilikali bakukolela mikondo zikwi zibili kunyamula mikondo. Muti munyamukenge pa ola yachitatu ya usiku." ²⁴ Ndiposo wakabagamulila kuti balete nyama izo Paulo wangakwelapo nakumutola makola kwa Felike Nduna. ²⁵ Ndipo wakalemba kalata mwanthaula, ²⁶ "Klaudiyo Lusiya kwa nduna iwe Felike, monile. ²⁷ Uyu munthu wakakoleka naba Yuda ndipo wakakhala padoko kukomeka naiwo apo nkhafika nabasilikali ndipo nkhamuombola, pakuti nkhasambila kuti wakaba waba Roma. ²⁸ Nkhapenjanga kumanya chifukwa bakumupulikila, ntheula nkhamutolela pasi kubamphala bao. ²⁹ Nkhasambila kuti wakapusikilika namafumbo yoyowoya pa dango laiwo bekha, kwene ati pakabevye kumupusikila iye kuti okwenela nyifwa panji kumangika. ³⁰ Ntheula chikaphalilika kwa ine kuti kukaba chipangano chakumukoma uyo munthu, mwalubilo akatumika kwa ine na kuphalila awo bakamupanga mulandu kuleta milandu yake mumaso yinu. Nalaila." ³¹ Ntheula basilikali bakapulika malango yawo. Bakamutola Paulo nakumuleta mwausiku ku Antipatala. ³² Pasiku lakulondezyapo, basilikali banandi bakabaleka bokwendesya bakavalo kuluta naye ndipo iwo bekha bakawelela kunyumba yabasilikali. ³³ Apo bokwendesya bakavalo bakafika ku keseliya nakupeleka kalata kwa zinduna, bakapelekaso Paulo kwa iye. ³⁴ Apo nduna ikabelenga kalata, ikafumba chigaba icho Paulo wakafumangako apo wakasambila kuti wakafumanga ku malo ya Chilicia, ³⁵ wakati, "nikupulikenge chimene pala womupusilani baza pano." Ntheula wakalamula iye kuti wasangike muwalamulilo wa Helodiya kalonga Fumu.