¹ Lino Sunumtaakwe luzulo kulibababo bakamatene muli Kilistu Jesu. ² Kambo mulao womuuya wabuumi bomuli Klistu Jesu wandilumbula mumulao wazibi owalufu. ³ Kambo echo ichatakonzeka mu mulao kuti wakali kompeme kambo kenyama, wakachi muchizyano chenyama yezibi kambo zibi zyomunyama. ⁴ Wakachita namu kuti bululami bwe milao bukalondolwe muliswebo, swebo tutendi mbuli nyama anukuti mbuli muya. ⁵ Abo bakala kwendelanya enyama balayeya zintu zyenyama, anukuti basimuuya balayeya makani omuya. ⁶ Kuti miyeyo yenyama ndufu, pele miyeyo yamuya mbumi ape ndumuno. ⁷ Kambo kokuteti miyeyo yenyama ngusinkonobinyina Leza. Kuti talifwisya kumulao wa Leza nikuba kulifwisya. ⁸ Basinyama tabakonzyi kunonezya Leza ⁹ Kufumbwa, nyebo tamwisi basinyama pele muli basimuya, na kuti muya wa Leza ukende muli nyebo. Kuti umwi utajesi muya wa Kilistu, tazulilwi kuli nguwe. ¹⁰ Kuti na kilistu uli muli yebo, , mubili uli fwide kambo kezibi, anukuti muya ulapona kambo kobululami. ¹¹ Kuti muya wakwe waka busya Jesu kuzwa kubafu ulapona muli yebo, oyo wakabusya kilistu kuzwa kubafu uyo kupa ayibo mifwisi okunguzu zya muya wakwe ulimuli nguwe. ¹² Kambo kako, bazyalwama, chelelo nchitujesi tachisi chenyama. ¹³ Nkambo wapona chanyama, ulafwi kuwa, pele kuti kamujazya muya milimo yanyama, mulapona. ¹⁴ Bonse benzegwa omuya wa Leza mbonyina mbibana ba leza. ¹⁵ Takwe mwatambula muya wabuzike bubozezya buyofu, mwatambula muya wabwana, mulinguwo mutongolola kuti,"Abba, Tata!" ¹⁶ Muya nguwo ulazuminana omuya wesu tubeni kuti tuli bana ba Leza. ¹⁷ Ino kuti tuli bana, ape tuli baswana, ba Leza. Baswana bakwe antomwi o Kilistu, kuti bapenzinyina kuti tukabe balemunyina. ¹⁸ Kambo ndayeya kuti mapeziechindi ano takwe makani kumeso obulemu mbutuyubunwidwa. ¹⁹ Kuti ludunamino lwazi lenge ulalangila luyubununo lwabana ba Leza. ²⁰ Kambo zulenge zyakasampa uzigwa, okubukanze bwazyo zeni pele kubuka. Ze bwayoyo wakazisa mpauzya, kuti kali abulangizi. ²¹ Bwakuti azizyo zilenge zyeni zikalumbulwe kubuzike bokubola, bube okulumbula bulemu bwa bana ba Leza. ²² Tulizi kuti kusikila sunu zilenge zyeneni zilatongela okumyongwa antomwi. ²³ KAmbo taisi obu luzutu, pele ape swebo tubeni nitujesi kabalwebalwi ka muya, tulatongela mukati, katuchilindila bwana bwesu, kuti lu nunuko lwamibili yesu. ²⁴ Kambo obu bulangizi mbubonyina mbutwakafulilwa. Pele chilangilo chiboneka tachisi chilangilo. Chintu chabona kale muntu uchichilangila? ²⁵ Pele kuti tulalangila chitu natutaboni nitulindila nchicho chakukazika moyo. ²⁶ Mbubonyina abo anguwe muya ulatugwasya mukongolola zyesu. Kambo kukomba mbutwelede tatucizi, Pele muya ngulwe ulatukombelezya emitongelo itambiki. ²⁷ Mponyina oyo ungulunganya myoyo ya bantu ulizi miyeyo ya muya mbwibede, kuti ulakombeleza basalali kubusyu bwa Leza. ²⁸ . Pele tulizi kuti kuli mbabo bayanda Leza, kuti kuli mbabo baitigwe mbuli bukanze bwakwe, ulabeleka abo kuti makaze abo abote. ²⁹ Kambo abo bali kabwene kale wakabakanza kuti bakozyanisigwe muchikozyano cha mwanakwe, akabe mutanzi akati kaba zyalwanyina banji. ³⁰ Ino abo mbakakanza mbibonyina mbakaika, ababo mbakaita mbonyina mbakalulamika, pele abo mbakalulamika mbonyina mbakapa bulemu. ³¹ Ino twambe buti kumakani aya? anole Leza kali aswibo, ino nguni ukonzya kutulwana? ³² Oyo iwatakatukasya mwanakwe nguwe, pele wakamwabila syebo tonse, takoyotupa buyo antomwi anguwe zintu zimwi zyonseni. ³³ Nguni ukozya kubika kambo kubasale ba Leza? Leza alulamika, ³⁴ Ino nguni ukozya kupa mulandu? Kilistu Jesu nguwakafwa, ape ngonyina wakabuka kuzwa kubatu, nkwali kuchilisya kwa Leza, ulakombelezizya swebo. ³⁵ Nguni ukonzya kutwandanya kuluyando lwa Kilistu? Mapeza na mapakasyo naba mafwabi niba inzala nichiba chikuna nibuba bulowe niliba sumo? ³⁶ Mbubanya mbukulembidwe kuti kambo kako yebo tulajayigwa buzuba bonse, tulapegwa mbuli mbelele zyakujaya. ³⁷ Pele mumakani aya onse tulazu.nda chakwinda kambo kayoyo utuyanda. ³⁸ Kambo ndisinizye kuti takwe chintu niluba lufu nibuba bulimi, nibaba bangelo nibaba ba si bwamu nibaba basinguzu, naba makani esunu naba makani achiza, ³⁹ niziba zintu zyakujulu niziba zyakunsi, niziba zilenge zimwi zyonseni, takwe chuntu nichiba chimwi chikonzya kutwandanya kuluyando lwa Leza lwamuli Kilistu Jesu mwami wesu