¹ Amutambule kufumbwa utana kusima mulusyomo, kakutakwe kupa lubeta kwinda mukukazyanya. ² Muntu omwi uijesi lusyomo lokulya kufumbwa,ape oyu utanasima ulya buyo cisiyumani. ³ Pele oyu uila kufumbwa atasapoli oyo utalyi,ape anguwe oyo utalyi zyense atabeteki oyo ulya zyense . Kambo Leza wakamutambula. ⁴ Ndiweni yebo obeteka mubelesi uzwa kumuntu umwi cili kumwami wakwe kuti na waima nanga kuwa, kono uyo ucita kuti aime kambo Leza ulakozwa kumucita kuti aime. ⁵ Muntu umwi utola kuti buzuba bumwi mbunonokwiinda bumwi. Pele anguwe umwiutola kuti mazuba ense alelene. Amuleke muntu o muntu acite mbuli mbwayeya mu mano akwe. ⁶ Oyu ubamba buzuba ulabubamba kwinda mu mwami ape oyo ulya ulalya kwinda mu mwami, nkambo upa kulumba ku mwami. Oyo utalyi, ulalikasya kulya kwinda mu mwami , pele anguwe ulalumbaizya Leza. ⁷ Nkambo takwe nanga omwi akati kesu uliponena alike , ape takwe ulifwida ⁸ alike.Nkambo nitupona, tupona mu mwami , ape na twafwa ,tufwida mu mwami . Mponya nanga tupone na tufwe, tulibakwe mwami . ⁹ Ankambo ako kilisito wakafwa ape wakabuka , kuti akabe mwami wabense bafwide ape abumi. ¹⁰ Pele nywebo ,ino nkambo nzi nimubeteka muzyalyanyoko, ape nywebo nkambo nzi nimusampola muzyalyanyoko. Nkambo twense tuyoima okubetekwa kunembo lyecibbula co mwami Leza ¹¹ .Nkambo cililembidwe, awo necipona,mbwamba mwami kuti mebo ense mazwi ayondifugamina ape kufumbwa lulimi luyolilekelela ku mwami. ¹² Ino mponya ,umwi oumwi wesu uyopa kulilelekelela lwakwe mweni kuli ¹³ Leza.Mponya kuzwa awo tatucelede kubetekwa umwi omwi, pele nikuba namu atusale eci, kuti takwe nabaniwelede kubika kambo nanga ccilebyo kumuzyalwanina. ¹⁴ Ndilizi ape tandizumbozi mu mwami Jesu kuti takwe citasalali acilike.Ati kuli nguwe uyeyela kufumbwa cintu kuti tacisalali, nkakuti kulinguwe tacisalali . ¹⁵ Ino kuti na ankambo kecilyo muzyalwanyoko wa lebwa, nkokuti tocendi muluyando . Utanyonyoni oyo ngwaka fwida Jesu ankambo ke cilyo cako. ¹⁶ Ino mutazumizi eco ncimuyeyela kuti ncibotu kuti cambwae mukusalala ¹⁷ Kambo bwami bwa Leza tainsi bokulya okunywa,pele mbo bululami ,lumuno ape olutangalo kwinda mu muya usalala. ¹⁸ Kuli oyo ubelekela kilisito muli eyi nzila ulitambwidwe kuli Leza ape bantu balimuzumide. ¹⁹ Ino mponya ,atuzumizyae zintu zyolumuno ape ezintu ezyo ziyaka umwi oumwi.Uta mwaisya milimo yaLeza akambo kezilyo. ²⁰ Zintu zyense zilasalala, pele cibi ku muntu kutialya kufumbwa kwetelezya umwi kuti alebwe. ²¹ Ncibotukutalya nyama ,nikuba kunyuwa cikola, nanga kucita kufumbwa eco cikonzya kulebya muzyalwanyonko. ²² Lushomo ndumujesi , alube akati kenu o Leza . Ulilelekidwe oyo utadonaiki mulizyacita . ²³ Oyo udonaika kuti walya ninga wabisya, nkambo tacizwi mulushomo. Ape kufumbwa citzwi mulushomo ncibi.