¹ Musololi ku muzandishi Gayasi, walo ngwinzanda mubwini. ² Uzandwa , ndakomba kwaamba ati shoonse shikwendele kabotu uimwi aze upone kabotu, umbona mbucili kabotu ubumi bwako. ³ Ndakabotelwa maningi bakwesu nibakeza kutondezha bukamboni mubwini bwenu, umbona mbuyenda mubwini. ⁴ Kwiina indakubotelelwe ukoya bolya, ukutelela ati mwanangu uleenda mubwini. ⁵ Zandwa, ulatindezha kushomeka ciindi nusebeza ku bakwesu uku bantu bulyo. ⁶ Bakaleta bumboni bubotu bwa luzando lwako kubushu bwa chikombelo. Wakachita kabotu kubatuma ku misinzo yabo ubumi bubotezha Leza, ⁷ Kaambo ke zhina nchibakaila, chakutabweza nichiba chomwi kuli bakunze. ⁸ Ubobo tulyelele kubatambula ukoya mbubabele, kwaamba ati tube basebezhi nokwabo mubwini. ⁹ Ndalemba chimwi ku mungano, pele Diyotilefesi, walo uznada kuba mutaanzhi akati kabo, wiina kukatu tambula uswe. ¹⁰ Inzho nakuti ndeza, ndakabikila maanu kuli checho nchachita, ulamba shibiyabi shiina impindu ukuli uswe. Wina ukalamwa kuli checho, wiina bulyo kukakaka kutambula banina lwakwe mwini, pele waka kasha ubabo bakuzanda kubatambula ukubakusha muchikombelo. ¹¹ Uzandwa, utachilila shibiyabi pele chilila shibotu. ukuli wezo uchita shibotu uli mwa Leza; Wezo uchita chibi tanakumubona Leza. ¹² Demetiliyasi wakatambula bumboni bubtu kuli boonse ulimwi ubwini. Aswe mbubona tulapa bumboni bwakwe, alimwi mulizhi ati bumboni bwesu mbwabwini. ¹³ Ndakukwete twaambo tunji tunji twakukulembela, peleshizanda kulemba kwako mu mpesulu na mu inki. ¹⁴ Pele ndalangila kwiza kukubona chakufwambaana, alimwi tulukabandishanya bushu kubushu. ¹⁵ Lumuno nalube aze. Benzhinoko bakwaanzha. Ubaanzhe benzhinokwesu mu mazhina.