¹ Nkaambo kaako zoyelele kulitaminzhya, yebo omuntu, ooyu ngobeteka, kuzhintu ezhyo nzhyobeteka muntu uumbi, ulalizakazhya kwako omwiini. Nkaambo yebo obeteka ucita zhyintu nzhyizhyona. ² Pele tulizhyi kuti lubeta lwa Leza lulele akahimpe ciindi nolwawila ali baabo bazhyicita zhyintu zhili bobuya. ³ Pele kalanganya aka, yebo omuntu, yebo obeteka bacita zhyintu eezhyi nokuba nuti ayebo nzhyocita. Hena inga wakuhutuka kulubeta lwa Leza? ⁴ Naa ingawayeeya kuhyoonto kwa buhubi bwa luse lwakwe, kumuka kwa cisubulo cakwe, alimwi akubikilila kwakwe? Hena tozhyi kwaamba kuti luse lwakwe ndolukusololela kukusandula? ⁵ Pele cikuhihya kuntaamu yakuyumya moyo alimwi akutasanuka kwa moyo kwaamba kuti waliyobwela omwini bukali mubuzuba bwa bukali, nkokuti, ibuzuba bwa cizubuluzhyo ca bululami bwa Leza mulubeta. ⁶ Uya kubweenzhya kumuntu uli oonse kweendelana amicito yakwe: ⁷ Kuli baabo bakazumanana kucita micito mibotu bakayandaula bulemu, kulemekwa, alimwi amoongole, uyakupa buumi butamani. ⁸ Pele kuli baabo balika kapulila, batatobeli kahimpe pele batobela kutalulama, kunyema alimwi abukali bucisa buya kuhika. ⁹ Leza uyakuleta mapenzhyi alimwi akunyonyoona kubantu boonse bakali kucita zhyibi, kuba Juuda kutaanguna, alimwi akuba Greek. ¹⁰ Pele bulemu, kulemekwa, alimwi aluumuno luyakuhika kuli boonse bacit micito mibotu, kuli bama Juuda kutaanguna, alimwi akwalo kuba Greek. ¹¹ Nkaambo kunyina kusalaula kuli Leza. ¹² Mbuli banji ambuli mbobakabihya kakunyina mulawo abalo bayakuhwililila kakunyina mulawo, alimwi mbuli banji mbobakabihya akulemeka mulawo abalo baya kubetekwa a mulawo. ¹³ Nkaambo tabali bateeleli bamulawo baluleme kubuhyu bwa Leza, pele baciti ba mulawo mbabaya kululamikwa. ¹⁴ Muciindi bamahi, batakakwete mulawo, bakali kuzhicita zhyintu zhyamulawo mubuponi, bakaba mulawo lwabo bamukamwini, nokuba kuti bakanyina mulawo. ¹⁵ Muli kooku bakatondezhya micito yakali kuyandika mumulawo kuti ililembelwe mu myoyo yabo. Maswakata abo akali kupa bumboni kuli mbabo, alimwi amizeezo yabo cimwi ciindi yakali kulitaminzhya naa kuli kwabilila beni ¹⁶ mubuzuba Leza naya kubeteka maseseke kubantu boonse, kweendelana amulumbe wangu, kwiinda muli Jesu Klisto. ¹⁷ Pele naa ulyaamba kuti ndimu Juuda alimwi akulyookezhyela amulawo alimwi akulisumpula muli Leza, ¹⁸ alimwi akuzhyiba luyando lwakwe alimwi akuzwidilizhya ciyandika nkaambo wakalaililwa kuhvwa ku mulawo; ¹⁹ alimwi naa wakazulwa kwaamba kuti yebo lwako kuti ndiwe olailila boohu, amumuni kuli baabo bali mumunhinze, ²⁰ mulailizhyi kubahubabuba, mwiiyi wabana bahyoonto, alimwi ulikwete mumulawo ciimo caluhyibo lwa kahimpe, kumane cikucita buti munzhyila yabuponi bwa buumi bwako? ²¹ Yebo uyihya bamwi, hena tohyiihi lwako omwini? Yebo ukambauka kulehya kubba, hena ulabba? ²² Yebo waamba kuti umwi aleke mamambe, hena ulacita mamambe? Yebo osulaika mituni, hena ulabba tukombelo? ²³ Yebo olisumpla mumulawo, hena tomulemeki Leza kwiinda mukutyola milawo? ²⁴ Nkaambo "izhyina lya Leza lya sampaulwa akati kabamahi nkaambo kandimwe, "mbubona mbocakalembelwe. ²⁵ Ikupalulwa kuli kwete impindu kuli ndimwe naa mwatobela imulawo, pele naa muli batyoli ba mulawo, kupalulwa kwenu kulaba mbuli kutapalulwa. ²⁶ Naa, kumane, imuntu uta palilwe ulatobela zhyiyandika mumulawo, hena kutapalulwa kwakwe takulanganyinzhyiwa mbuli upalulilwe? ²⁷ Alimwi batapalulelwa tabakonzhyi kumupa kaambo nkaambo balo bazuzukizhya mulawo? Eeci caamba kuti nkaambo mwebo mukwete mulawo ulembelwe alimwi akupalulwa, nokuba boobo muli batyoli ba mulawo! ²⁸ Nkaambo tali mu Juuda walo uli ngwansengwe buyo, nokuba upalulilwe calo cili atala buyo mulukanda. ²⁹ Pele mu Juuda walo ooyu mukati, alimwi ulipalulilwe akumoyo, mumoza, kutali mukagwalo. Ikulumbaizhya kwa muntu ooyu takuhvwi kubantu pele kuhvwa kuli Leza.