¹ Paulo, imutwanga wa Jeso Klisto, wakaitwa kuba Apostolo alimwi walabikwa ambali kumulumbe wa Leza, ² Ooyo ngwakahyomenhya kunhwa kumatalikilo aba hinhimi bakwe muma ngwalo asalala, ³ kukwatikinhya mwana wakwe wa lunyungu lwa Davida kweendelana akubuntu. ⁴ Kwiinda mumoza wabusetekenhyi wakabikwa antangalala, ansana kuba mwana wa Leza kwiinda mukubuka kunhwa kubahwu, Jeso Klisto mwami wesu. ⁵ Kwiinda muli nguwe, twakatambula luse alimwi abwa Apostolo kukuteelela kwa luhyomo akati ka mahi oonse, nkaambo kanhyina lyakwe. ⁶ Akati kamahi aaya, mbubona amwebo mwakaitwa kuzulilwa kuli Jeso Klistu. ⁷ Kuli boonse bali muloma abo bayandilwe a Leza alimwi bakaitwa kuba bantu bakwe basalala: Luse kuli ndinwe alimwi a luumuno kunhwa kuli Leza taata wesu alimwi akumwami Jeso Klisto. ⁸ Kusaanguna, ndilumba Leza wangu kwiinda muli Jeso Klisto kuli ndimwe noonse, nkaambo ka luhyomo lwenu ndomwakanana kunyika yoonse. ⁹ Nkaambo Leza ngokamboni wangu, walo ngwibelekela mumoza wa mulumbe wa mwami wakwe, walo ngwizumanana kwaamba kuli ndinwe. ¹⁰ Lyoonse ndalomba mumipailo yangu kwaamba kuti munhyila nhili nhyoonse kumamanino nkazwidilile ono kwiinda mu luyando lwa Leza mukuhika kuli ndimwe. ¹¹ Ndalikuyandihihya kumubona, kwaamba kuti ndimupe nhyimwi nhyipego nhyamuuya, kucita kuti ndimuyumye-yumye. ¹² Mukuti, ndakuyanda kuhiminhiwa mukuyuminhiwa akati kenu, kwiinda muluhyomo lwaumwi aumwi, lwenu alimwi a lwangu. ¹³ Lino nhyiyandi kuti mukonhyaninhiwe, bakwesu, ndakayanda kuba amuzeezo wakuhika kuli ndimwe (pele ndakahinkilwa kuhikila ono) mukuba amicelo akati kenu amwebo, mbubona mbwindakaletela akati kambabo ba mahi. ¹⁴ Mebo ndali kwelete kuli boonse ba Heleni alimwi abanhwa kule, boonse kubasongo alimwi akubahubahuba. ¹⁵ Ono, mbuli ndime, ndilibambilile kukambauka mulumbe akuli ndimwe nomuli mu Looma. ¹⁶ Nkaambo nhihwi insoni amulumbe, nkaambo ninsana nhya Leza kuluhwutuko kuli oonse uhyoma, kuba Juuda kutaanguna alimwi akuba Heleni. ¹⁷ Nkaambo mubululami bwa Leza kuyubululwa kunhwa kuluhyomo akuluhyomo, mbubona mbokulembelwe, ''Mululami ulapona aluhyomo.'' ¹⁸ Nkaambo kunyema kwa Leza kulayubululwa kuzwa kwizeulu mukulwana boonse batayandi Leza alimwi akutalulama kwa bantu abo kwiinda mukutalulama bakahya kahimpe. ¹⁹ Eeci nkaambo kakuti cinhibilwe a Leza cili antangalala kuli mbabo. nkaambo Leza wakabamunikila ²⁰ Nkaambo kunhwa kukulengwa kwa nyika, nhyintu nhyakwe nhyitalibonyi, nhyitwa kuti ninsana nhyakwe nhyitamani alimwi nhyilengwa Leza, nhyilalibonya antangalala, nhyilaandaninhyiwa munhyintu nhyaakabamba. Boobo kunyina kunyina ambonhyikonhya. ²¹ Eeci nkaambo kakuti, nokuba kuti balimunhi Leza, tabamulemeki walo mbuli leza, nokuba kumupa kulumba. Munhila imwi, bakaba bahuba-huba mumizeezo yabo, alimwi mukutakwana kwa mizeezo yabo kwakahiyana mbi. ²² Balyaamba kuba basongo, pele mbahuba-huba. ²³ Bakacinca bulemu bwa Leza utanhwiki kuba mukonhyano wacibumbwa camuntu uhwa, na bayuni nokuba banyama bali anhumba nhyone, alimwi anhyintu nhyikalaba. ²⁴ Nkaambo kaako Leza wakabapa kuya kunhiyanza nhibyaabi nhya myoyo yabo itasalali, akumibili yabo kubula bulemu akati kabo. ²⁵ Mbimbabo abo ibakacinca kahimpe ka Leza kububihi, alimwi bakali kukomba alimwi akubelekela nhyilengwe kwinda mulengi, walo ulelekelwe kukabe kutamani. akube boobo. ²⁶ Nkaambo kaceeci, Leza wakabapa kukutalilemekenhya kwa micito mibyaabi, nibaba bamakaintu babo kucinca bupange bwabo bwalo bukonhyene abwabaabo bakalicinca. ²⁷ Munhila njiyona, balombwana kuhiya bubambe bwabobwakuswaangana abamakaintu alimwi akupya munhilengwa nhibyaabi kuli umwi aumwi. Aba bakali balombwana bakali kucita nhiyanza nhibyaabi mukunhicita abalombwana alimwi akutambula lwabo bamukamwini cisubulo cibeelele mukubihya kwabo. ²⁸ Alimwi mbubona mbobakatambula kuba a Leza mulunhibo lwabo, wakabapa mizeezo inyongene, kutewa bacite nhintu eenhyo nhitalikabotu. ²⁹ Bakali zwile kale kutalulama boonse, bubyaabi, bulyato alimwi a budakwa. Bazwile munyono, buyayi, inkondo, bubehi alimwi akuyanda kucita nhibyaabi. Mbanhwiihi, ³⁰ mbahikutamikinhya, mbahikuzonda Leza, banyina ndaba, baliyanda, bayumu nhingo, bakapula inhila nhyakucita nhibyaabi; tabalemeki banhyali babo. ³¹ Tabakwete maanu, banyina luhyomo, banyina myoyo mibotu, alimwi banyina luse. ³² Balateelela imilanhyo ya Leza, kwaamba kuti abo bacita nhyintu beelela kuhwa. Pele kutali buyo kunhyicita nhintu, pele balanhinhuminhya kuli baabo banhyicita.