¹ Bahimalelo, amupe bazhyike ceelele alimwi ciluleme, mukuzhyiba kuti amwebo mukwete himalelo kujulu. ² Amuzumanane mubwini mukupaila, kukala cakupakamana muli ncico mukupa kulumba, ³ kutupailila aswebo mbubona, kutewa Leza atujulile mulyango wazwi, kukanana maseseke aka Klisto, oko ambebo mwindakali munketani. ⁴ Mupaile kuti ncikonhye kucisalazhya, mbuli mbwinjilele kwaamba. ⁵ Amweende mubusongo kuli bali ansengwe, alimwi amunune ciindi. ⁶ Mazwi enu lyoonse akwate luse. Abe a mucanka wamwino, kutewa muzhyibe mbomunga mwavwiila muntu omwe omwe. ⁷ Muzhyintu zhyoonse ezhyi zhyikuminizhya ndime , Tychicus ula zhyicita kuti zhyizhyibwe kuli ndimwe. Mukwesu muyandihyi, mutwanga uhyomeka, alimwi muzhyikema mu Mwami. ⁸ Ndamutuma kuli ndimwe muli ceeci, kuti muzhyibe makani akwatikizhya ndiswe, alimwi kuti amuyunywe yunywe munyoyo yenu. ⁹ Ndamutuma antoomwe a Onesimus, mukwesu muhyomenhyi alimwi muyandwi, uuli ngoumwi wenu. Bala muzyyibya zhyoonse zhyzcitika okuno. ¹⁰ Aristarchus, kayili mweenzuma, wamwaazhya mwebo, alimwi a Maako, mweeninyina a Barnabas (oyo ngonguwe ngowakatambulila malailile, kuti waboola kuli ndimwe amumutambule), ¹¹ alimwi awalo Jesu uyitwa kuti Justus. Abo balike bapalule mbobelehima kubulelo bwa Leza. Bali kunduumbulizhya mebo. ¹² Epaphras ula mwaazhya. Nguumwi wenu alimwi muzike wa Jesu Klisto. Lyoonse ula mukakatila mumipailo, kutewa mukozhye kwiima cakumanina alimwi muhyomenhyewe cakumanina mukuyanda kwa Leza koonse. ¹³ Ndakozhye kwaamba kuti ulamubelekela cakuhinyuka mwebo, kuli baabo bali ku Laodica, alimwi abaabo baliku Hierapolis. ¹⁴ Luuka muhilihi muyandwa alimwi a Demas balamwaazhya. ¹⁵ Mwaanzhye bakwesu mu Laodicea, alimwi Nympha, alimwi cikombelo eco cili mung'anda yakwe. ¹⁶ Eyi gwadi yaakubalwa akati kenu, aikabalwe amwalo mucikombelo ca Laodicean, alimwi mubone kuti amwebo mwaibala gwadi iihwa ku Laodicea. ¹⁷ Mwaambe kuli Archippus, "Langa ku milimo eyo njootambula mu Mwami, kuti wedele kwiminina nzhya." ¹⁸ Olu lwaanzhyo luli mutanhyi lyangu - Paulu. Kamuyeeya nketani zhyangu. Luzhyalo alube andunywe.