¹ Abo boonse ibali mu joko lya buhike abape bahimalelo abo bulemu buzuhile. Abakucite oobu kutewa izhyina lya Leza aluyiiho lwakwe libule ituhi. ² Bahike bali abahimalelo bahoma batabasampa uli nkaambo mbabunyina. Pele, kabaindilizhya kuba belekela. Abo ibatambula bulumbu mbahomi alimwi mbayandwa. Koyiiha akuhitondezhya eezhyi zhyoonse. ³ Naa kuli nyiiha injiiho zhyakubeyz alimwi katavwumini makani akahimpe a Mwami Jesu Klisto anjiiho zhya Leza, ⁴ ulalisumpula alimwi kunyina luzhyibo. Ukwete luyandiho lwa kukazhyanya amajwi aleta bbivwe, inkondo, matuhi, akweezhyezhya kubi, ⁵ akuleta kulwana lyoonse akati kabantu bali amizeezo mibyaabi. Kahimpe bakasowekelwa alimwi bayeeya kuti buleza ninhila yakuuana mali. ⁶ Ono buleza buzuhile nkuyana kupati. ⁷ Nkaambo kunyina ncotwakaleta omuno munyika alimwi kunyina ncotunga twalola kunvwa kuli njiyo. ⁸ Aboobo, atukkutile a zhakulya azhyakusama. ⁹ Abo ibayandihiha kuti banvwube banjila mumasunko, mukooze. Banjila muzhyihjanho amukuyandihiha kwa buhubahuba, amulikooko koonse kunyikizhya bantu mu lufu amulunyonyoko. ¹⁰ Nkaambo luyando lwa mali ngo muyanda wa bubi boonse. Bantu bamwi ibakaayandiha bakaleya mu kahimpe akulijaya lwabo ansoni zhyinji. ¹¹ Pele webo, omuntu wa Leza, kotiya kuzhyintu eezhyi zumanana bululami, buleza, kuhomeka, luyando, lukakatilo akulibombya. ¹² Lwana kulwana kubotu lwa luhomo. Jahiha ku buumi butamani lwalo ndokaitilwa, ndokapela bukamboni buboyu kumbele abakamboni banji. ¹³ Ndaleupa malailile kumbele bwa Leza, upa buumi kuzhyintu zhyoonse, akumbele lya .Klisto Jesu, wakalyaambe kumbele lya Pontius Pilato akupa kuli lungulula kubotu, ¹⁴ kubamba mulawo kakunyina kampenda nokuba kutongookwa kuhiikila wakulibonya Mwami Jesu Klisto. ¹⁵ Leza uyakutondezhya kuboola kwa Klisto aciindi ceelele - Leza, ulelekelwe alimwiuyendelezhya alikke, Mwami ulele alimwi ngo Mwami uyendelezhya. ¹⁶ Alike ngupona kukabe kutamani alimwi ukkala mumuni utavwuhi anhwaanhwi. Kunyina muntu ukozhya kumubona nokuba kumulanga. Kuli nguwe akube bulemu anguzu nhitamani Amen. ¹⁷ Kolailila bavwubi ba munyika kuti batalisumpuli alimwi batahyomi mu lubono, bwalo butahyomeki. Pele, ababe aluhyomo muli Leza. Ulatupa toonse buvwubi bwini bwini mbokoha kuponena. ¹⁸ Kobaambila kuti bacite bubotu, kuti babe bavwubi mumilimo mibotu, babe aluse almwi kabaanguluka kwaabanya beezhyinyina. ¹⁹ Munhila eeyi balaiyobwela intaliho imbotu iyaciindi ciboola, kutewa bakakwatihe buumi bwini bwini. ²⁰ Timoti, kocikwabilila eeco ncokapewa, kulisosolola kwaamba twaambo twakusampaula akubeya akumizeezo yakukazhyanya yiitwa kuti mbusongo bwakubeya. ²¹ Bamwi bantu balyaamba kuba zhyeezhyi aboobo basoweka kukahimpe. Luhalo alube andiwe.