¹ Nobana, ndamulembela zhyintu izhyi mwebo kutewa mutabihyi. Pele kuti naa umwi wabihya, tulikwete mwiimininzhyi kuli Taata, Jeso Klisto, walo uli mululami. ² Walo ngo cituuzhya cakulunga zhyibi zhyesu, alimwi kutali buyo izhyesu, pele azhya nyika yoonse. ³ Tulizhyi kuti twahyika kukumuzhyiba, kuti naa twayibamba milawo yakwe. ⁴ Uyo wamba kuti "Ndimuzhyi Leza" pele tabambi milawo iyakwe mubehyi, alimwi mahimpe taako muli nguwe. ⁵ Pele kuhumbwa uubamba izwi lyakwe, muli nguwe mumahimpe luyando lwa Leza molulondolwa. Mbobo buya mbotu zhyiba kuti tuli muli nguwe: ⁶ Kuhumbwa waamba kui ulakalila muli Leza uyo ulwakwe weelele kweenda umbona mbwaakeenda. ⁷ Nobayandwa, hyinda lemba mulawo mupya kuli ndimwe, pele mulawo mukulukulu ngomukwete kale kuhwa kumakankilo. Mulawo mukulukulu nde izwi ndyomwakahvwa. ⁸ Kakuli ndimukumulembela mulawo mupya, walo uulibwini muli Klisto amuli ndimwe, nkaambo muhyinze ulamaninina, awalo mumuni wakankakale kumweka mweka. ⁹ Uyo uwamba kuti uli mumuni alimwi nguwena tayandi munyina uli mumundima akuhyika ono. ¹⁰ Uyo uuyanda munyina ulakalilila mumu muni alimwi kunyina aciindi caku pampalika muli nguwe. ¹¹ Pele uyo uutayandi munyina walo uli mumuhinze; tazhyi ankwaya nkaambo muhinze wamoohwaazhye. ¹² Ndamulembela mwe, nobana, nkaambo milandu yenu yalekelelwa ankaambo ka zhyina ilyakwe. ¹³ Ndamulembela mwe, nomauhyi, nkaambo mwe muli mwizhyi uyo iwakahvwa kumatankilo. Ndamulembela mwe, nobasankwa bakubuhi, nkaambo mwamukoma mubyaabi. Ndamulembela mwe, nobana, nkaambo muli muzhyi Taata. ¹⁴ Ndakamulembela mwe, nomauhyi, nkaambo mwe muli mwizhyi iwakahvwila kumakankilo. Ndakamulembela mwebo, nobasankwa bakubuhi, nkaambo mukwete yinsana, alimwi izwi lya Leza lilakalilia muli ndimwe, alimwi mwebo mwamukoma uyo mubyaabi. ¹⁵ Mutayandi inyika nokuba zhyintu izhyili munyika. Naa umwi ulayanda inyika, luyando lwa Taata taluli muli nguwe uyo. ¹⁶ Kayi zhyoonse izhyili munyika- busohwaazhyi bwaku mibili, abu sohwaazhyi mubuumi- tazhyihvwi kuli Taata pele zhyihvwa kunyika. ¹⁷ Eyi inyika alimwi akulombozhya ukuli mumo zhyoonse zhyila kamana. Pele uyo kuhumbwa uucita luyando lwa Leza uyakukalilila kutamani. ¹⁸ Nobana, ndendilyo yoola lyamahimpilo. Umbona mbomwakanhvwa kuti mulwani iwa Klisto uleza, ono balwani ba Klisto ibanji banji bahika. Ici cipa kuti tuzhyibe kuti ili ndeyoola lyamahimpilo. ¹⁹ Bakahvwa kuli ndiswe, pele tibakahvwiile kuli ndiswe. Kayi kuti nibakahvwile kuli ndiswe nobaka kalilila andiswe. ²⁰ Pele mwebo mukwete kunanikwa kuhvwa kuli usalala, alimwi mwebo noonse muli zhyi. ²¹ Nyina nindaka mulembela kuti nkaambo tamukazhyi kahimpe, pele akaambo kakuti muli kazhyi alimwi nkaambo kunyina kubeya kuhvwila mu kahimpe. ²² Nguni mubehi pele uyo uukaka kuti Jeso ngonguwe Klisto/ Ooyo muntu nguulwana Klisto, kaiyi ulamukaka Taat a Mwana. ²³ Kunyina uukaka Mwana uukwete Taata kuhumbwa uhvwumina Mwana ulimu kwete a Uhyi. ²⁴ Mwebo kumupama, kamuleka ico nchomwakanhvwa kuhvwa kumatalikilo cikalilile muli ndimwe. Kuti naa nchomwakanhvwa kumakankilo cakalilila muli ndimwe, amwebo mulakalilila mu Mwana a muli Uhyi. ²⁵ Icinchecihyomyo nchakapa kuli ndiswe- buumi butamani. ²⁶ Ndamulembela ihyi zhyintu kuli ndimwe kukwatikizya baabo ibakonzhya kumupupya. ²⁷ Pele mwebo, kunanikwa nkomwatambula kuhvwa kuli nguwe kulakalilila muli ndimwe, alimwi tamuyandiki amuntu uumuyiihya. Pele umbona kunanikwa ukwakwe mboukmuyiihya zhyintu zhyoonse kwamana mahyimpe takuli kubeya, amana umbona mbokwa muyiihya mwebo, kulakalilila muli nguwe. ²⁸ Ono, nobana, kamuhite muli nguwe kutewa ihyo waakupompa tula kakwata kaanza mbwene akubula insoni kumbele lyakwe akuboola ukwakwe. ²⁹ Kuti kamuzhyi kwaamba walo ulasalala, anu mulizhyi kuti oonse uucita zhyiluleme wakazhyalwa kuhvwa kuli nguwe.