¹ Ono ndiyanda kuti cizhyibwe kuli ndimwe, bakwesu, malembe asetekene ngindakambauka kuli ndimwe, ngimwakatambula alimwi ali ngawo mpomwiizhwi, ² alimwi kwiinda muli ngawo momuponena, naa mwakwatilila kakuhinizhya kwijwi ndindaka kakambauka kuli ndimwe, cita kuti mwakashema mu buyo. ³ Mbuli mbundakaleta kuli ndimwe mukutaangwa kwaluhyizhyo cacenda katambula andime, kali Klisto wakahwa kwiinda muzhyibi zhyesu kweendalana amalembe aasetekene, ⁴ kuti wakazhyinkwa, akuti wakabuhyiwa mubuzuba bwatatu kweendelana amalembe aasetekene. ⁵ Klisto wakalibonya kuli Cephas, poona kuli bali nkumi ababili; ⁶ poona wakalibonya kuli baindilila kumyaanda yosanwe lyabakwesu ciindi cicona. Bunji bwabo bacipona, pele bamwi bakoona. ⁷ Kumana waawo wakalibonya kuli James, poona kuli boonse batumwa. ⁸ Kumamanino azhyoonse, wakalibonya kuli ndime, mbuli wakazhyalwa katahimpile. ⁹ Mbuli mbokuunga ndiwamamanino abatumwa. Heelende akwiitwa kuti mutumwa nkaambo ndakatundulula cikombelo ca Leza. ¹⁰ Pele kwiinda muluzhyalo lwa Leza, ndili mbuli mbwebele, alimwi luzhyalo lwakwe muli ndime ntilwakali lwabuyo. Pele ndakabeleka canguzu kwiinda boonse. Pele tindakali ndime, pele luyando lwa Leza luli andime ¹¹ Muli boobo naa ndime antela balo, aboobo tulakambauka alimwi mwebo mwakahyoma. ¹² Ono naa Klisto wakambaukwa mbuli wakabuhiwa kuzhwa kubahwu, mbobuti umwi wenu mbwakozhya kwaamba kunyina naba Klisto naakabuhiwa? ¹³ Pele kuti kakuli kunyina kubuka kwabahwile, nkokuti kunyina naba Klisto naakabuhiwa; ¹⁴ alimwi naa Klisto kunyina naakabuhiwa nkokuti kukambauka kwesu nkwabuyo, alimwi aluhyomo lwenu loonse alwalo ndwabuyo. ¹⁵ Akuti, twayanwa kuba bakamboni babehi ba Leza, mukuti tuhihima kuti Leza wakamubuhya Klisto kuzhwa kubahwu. Pele taakamubuhya pe, kuti namahimpe bahwila tababuhiwi. ¹⁶ Naakuti bahwile tababuhyiwi, kunyina naba Klisto naakabuhyiwa; ¹⁷ alimwi naa Klisto kunyina naakabuhyiwa, luhyomo lwenu ndwabuyo alimwi mucili muzhyinyonyoono zhyenu. ¹⁸ Aboobo aabo bakoona muli Klisto bahwiidilila abalo. ¹⁹ Kuti naa mubuumi oobu tuhyoma muli Klisto, kubantu boonse tuswe tuyandika kuya kwiindilila kwaangwa. ²⁰ Pele ono Klisto wakabuhyiwa kuzwa kubahwu mbuli muchelo yakusaanguna yabaabo boona. ²¹ Mbuli mbokunga luhwu lwakaboola a muntu kwiinda mumuntu akwalo kwakaboola kubuka kwabahwu. ²² Mbuli muli Adamu boonse balahwu, mbubona amwalo muli Klisto boonse bayakubambwa kuba baumi. ²³ Pele aumwi mumacililanwa aakwe: Klisto, walo uuli ngo mucelo wakusaanguna, kumane boobo aabo bazulilwa muli Klisto bayakubambwa kuba baumi akuboola kwakwe. ²⁴ Pawo kuya kuba mamanino, nayakupa bwami bwakujulu kuli Leza Uhyi, nayakumana malelo oonse bulemu anguzu. ²⁵ Mbuli mbwaya kulela kuhyikila akababike boonse bahikondo nyina kuhyi amatende aakwe. ²⁶ Hikondona wamamanino kunyonyouna nduhyu. ²⁷ Mbuli ''mbwaabika zhyoonse zhyintu kuhyi amatende aakwe.'' Pele mbuli mbocaamba kuti ''wabika zhyoonse zhyintu, ''eeci cilatankomana kuti eeci tacibiki yooyo wakabika zhintu zhyoonse awalo ahyi aakwe. ²⁸ Zhyintu zhyoonse zhyakubikwa aahyi aakwe, poona Mwana walo mwini uyakuba aahyi aawakabika zhyintu zhyoonse kukotama ahyi aakwe, kutewa Leza akozhye kuba zhyoonse muli zhyoonse. ²⁹ Nokuba kuti ino ncinzi ncobaya kucita aabo babbi zhyilwa bahwile? Naa bahwile tababuhiwi naaceye, nkaambo nzi ncobabbizhyilwa kuli mbabo? ³⁰ Nkaambo zhyi kayi ncotuli mutenda woola a woola? ³¹ Ndilahwa abuzuba! Eeci ncamahimpe mbuli kulisumpula kwangu muli ndimwe, calo cikwete muli Klisto Jesu Mwami wesu. ³² Ino ndijana zhyi, kuzhwa kumuzeezo yabantu bwanyama ndakalwana abanyama ku Ephesus, nakuti bahwu tababuhyiwi? ''Atulye akunwa, nkaambo cihwumo tula hwu.'' ³³ Mutacengwi: ''cilongwe cibi cuula makulo kumicito mibotu.'' ³⁴ Kolinza! Kopona mumuuya! Itazumznzni kubihya. Mukuti nobamwi munyina luzhyibo lwa Leza. Ndaamba eeci kusoni zhyenu. ³⁵ Pesi omwe ulati, ''Ino mbuli bahwile mbobabuhiwa alimwi amubili uuli buti mbobaya kuboola?'' ³⁶ Omuhubahuba webo! Eeco ncokahyanga ciya kuboola buyo cakumana kuhwa. ³⁷ Eeco ncohyanga taahi ngomubili uuya kuba, pele inseke buyo. Iyakukonzhya kuba cimbi buyo. ³⁸ Pele Leza uyakucipa mubili ngwaatikayande, aimwi nseke amubili wayo. ³⁹ Taili mibili yoonse iikonzhyana. Pele kuli mubili omwe wabantu, alimwi aumbi mubili wabanyama, alimwi aumbi mubili wabayuni, alimwi aumbi wampende. ⁴⁰ Kuli nyama iimwi yakwizeulu alimwi anyama yaanyika. Pele bubotu bwanyama yabuleza njamuhyobo omwe abwalo bubotu bwanyama yaanyika njimbi. ⁴¹ Kuli nsana yomwe yahyuba, aimwi nsana yamwezhyi, alimwi aimwi nsana zhya ntongwezhyi. Mbokuli ntongwezhyi yomwe ilaandeene kuntongwenzhyi iimbi mu nsana. ⁴² Aboobo mbubwena akubuka kwabahwu. Icihyangwa cilamana, alimwi calo cibuhyiwa tacimani. ⁴³ Cihyangwa mukubula bulemu; cila buhyiwa mubulemu. Cihyangwa mubutolo; cila buhyiwa mu nsana. ⁴⁴ Cahyangwa mubili wanyama; cila buhyiwa mumubili wamuuya. Naa kuli mubili wanyama wabuntu, kuli mubili awalo wamuuya. ⁴⁵ Aboobo cili lembelwe kuti, "Muntu wakusaanguna Adam wakaba muuya uupona." Adam wakucaalizhya wakaba muuya uupa buumi. ⁴⁶ Pele camuuya ticakasaanguna kuboola pele canyama, alimwi poona camuuya. ⁴⁷ Muntu wakusaanguna waanyika, wakabambwa aluhwuko. Muntu wabili uzhwa kwizeulu. ⁴⁸ Mbubwena mbuli mbwabele omwe wakabambwa kuzhwa kuluhwuko, mbubwena abalo aabo bakabambwa kuzhwa kuluhwuko mbubabele, alimwi mbubwena muntu wakwizeulu mbwabele, abalo aabo bakwizeulu mbubabele. ⁴⁹ Mbuli mbotunga tukwete mahwuwa mumukozhyano wa muntu wa luhwuko, tuya kuba alimwi amukozhyano wa muntu wakwizwulu. ⁵⁰ Ono ndaamba, bakwesu, kuti nyama a bulowa tazhikozhyi kukona bamwi bwa Leza. Nokuba kutiicimana cikona icitamani. ⁵¹ Amulange! Ndamwaambila nywebo cihabyo: Toonse tatukaoni pe, pele toonse tuya kucinchiwa. ⁵² Tuyakucinchiwa mu kaindi buyo kahyoonto, mukulaba kwaliso, kumpeta yamamanino. Mbokunga mpeta iya kulila, abahwile baya kubuhyiwa mumibili itamani, mpoona tuya kucinchiwa. ⁵³ Mbokunga mubili ooyu uumana uyakusama ooyo utamani, awalo mubili ooyu wanyama uyakusama wamuuya. ⁵⁴ Pele mubili ooyu uumana wakusama yooyo uutamani, alimwi mubili ooyu wanyama wakusama wa muuya , eelyo tuyakuboola kukaambyo kalo kalembelwwe, ''Luhwu lwa menwa mu kuzunda.'' ⁵⁵ ''Luhwu, luli kuli kuzunda kwako? Luhwu, kuli kuli lubole lwako?'' ⁵⁶ Ilubole lwa luhwu nci nyonyoono, alimwi inguzu zhya cibi mulawo. ⁵⁷ Pele alumbwe Leza, walo wakatupa kuzunda kwiinda mu Mwami wesu Jesu Klisto! ⁵⁸ Aboobo, nobakwesu bayandika, amwiime nji mutazungaani pe. Lyoonse kamwaangwa kumulimo wa Mwami, nkaambo mulizhyi kuti mulimo wanu mu Mwami tauli wa buyo pe.