¹ Bushe amano tayeta ubwite kunse? Bushe ukumfwa takusansula ena ishiwi? ² Pamulu wa tupili bushilya bwa nshila, napamansansa ya nshila , amano yakwe ena epo yaimanina. ³ Kunuma ya mpongolo apo apakwingilila mu masumbu, apo pa mwinshi ya mu musumba, ena aitile ubwite kunse. ⁴ ''Nikuli imwe, mwe bantu abo naitile; ishiwi lyandi lyabelako abana baume ba bantu. ⁵ Iwe wali cenjela, sambilila amano; naiwe wemuwelewele, iwe ufwile wa kwata kampingu wacumfwila mwitontonkanyo. ⁶ Umfweni, pamulandu ine nkalanda pafintu ifya cindamisha, nelyo ilyo imilomo yandi ikesuka ine nkalanda ifya bulungami. ⁷ Pantu akanwa kandi kalanda ifya cine, kabili butancitubi bunani ku milomo yandi. ⁸ Amashiwi yonse aya mukanwa kandi yabafye; muli bena tamwaba icapikulwa nangula icakulufya. ⁹ Bonse bena babafye abaoloka ku bantu abo abomfwa; amashiwi yandi yalitambalala kuli abo aba sanga amano. ¹⁰ Ipusheni ifikomo ukucila silfere; Ipusheni amano ukucila golde walopololwa. ¹¹ Pantu amano yacifyalilwa, yaliwama ukucila umukuba; takuli icuma icingalingana kuli ena. ¹² Ine, amano yacifyalilwa, ngikalila no kucenjela, elyo nkwata amano no kutontonkanya. ¹³ Akatina kakwa Yawe kupata ububi. Nalipata amataki ne cilumba, inshila shabubi no kulanda kwa matutumuko. Nalifipata fyena. ¹⁴ Nalikwata ilangulushi lisuma elyo cumfwika amano yacifyalilwa; Ndino mucetekanya; amaka yaba kuli ine. ¹⁵ Kulubali lwandi ishamfumu, shilateka, elyo intungulushi shipanga amafunde ayo aya mulinganya. ¹⁶ Kuli ine abana ba mfumu abanakashi balateka, abamano, elyo na bonse abateka no mulinganya. ¹⁷ Natemwa abatemwa imwe, elyo nabo abafwaya ine no mucetekanya, balansanga. ¹⁸ Pamo naine kwabe cuma no bukata, ne fyuma ifishingapwa no bulungami. ¹⁹ Icisabo candi cikacila golde, ukucila na golde walopololwa; ukulobolola kwandi kwalicila silfere uwalopololwa. ²⁰ Nyenda mu nshila yabulungami, mukati ka nshila ya mulinganya. ²¹ Ecalenga, nenga abatemwa ine ukukwata icuma; ndabesushisha ifyuma fyabo. ²² Yawe abumbile ine pa kutendeka, umulimo wakwe uwantanshi ine. ²³ Munkulo shakale nabumbilwe mukubalilapo, ukufuma mukutendeka kwe sonde. ²⁴ Panuma takwali ifimana nalifyelwe panuma kwali utumfukumfuku utwafulisha amenshi. ²⁵ Panuma yampili tashilabikwako napanuma yatupili, nalifyelwe. ²⁶ Nafyelwe ilyo Yawe talapanga impanga, nangu ulukungu lwakubalilapo mu calo. ²⁷ Nali kulya ilyo apampamike imyulu, ilyo alengele icibulungwa pe samba lya shika. ²⁸ Nali kulya ilyo apampamike amakumbi pa mulu na ilyo utumfukumfuku mukushika twabikilweko. ²⁹ Nali kulya ilyo apangile icipope kuli bemba, pakuti amenshi tayasalangene ukucila mukukonkomesha kwakwe, na ilyo kwali ukubika icipope kumufula wampanga iyauma. ³⁰ Nali kulubali lwakwe nga shikafula walamuka; Nali ubushiku bwa kucankilwa bwakwe panuma yabushiku, lyonse nalesekelela pali ena. ³¹ Nalesekelela mu calo cakwe conse, elyo ukucankwa kwali mubana baume ba bantu. ³² Nomba, abana baume bandi kutikeni kuli ine, kuli abo abasunga inshila shandi bakapalwa. ³³ Kutikeni kufikomo fyandi nokuba na mano; mwipulula. ³⁴ Bamo abo abakutika kuli ine bakapalwa. Akalacefya inshiku shonse pafibi fyandi, ukulolela palulamba lwa ncenshi sha fibi fyandi. ³⁵ Pantu uyo asanga ine, cisanga ubumi, elyo akasanga ipalo lya kwa Yawe. ³⁶ Lelo ilyo afilwa, aonaula ubumi bwakwe; bonse abo abapita ine batemwa imfwa.''