¹ Wemwana wandi umwaume, wilaba amakambisho yandi kabili sunga amasambilisho yandi mumutima obe, ² pantu ukutantalila kwa nshiku ne myaka ya mweo, nomutende fikalundwako kuli iwe. ³ Wileka icipangano cacishinka necikuku fikakutaluke; fikake capamo pamukoshi obe, filembe pelibwe lyamutima obe. ⁴ Elyo ukasanga ububile nemibele isuma mu menso yakwa Lesa nabantu. ⁵ Cetekela muli Yawe nomutima obe onse kabili wishintilila ukwishiba kobe wemwine; ⁶ munshila shobe shonse wishibe ena nao akalenga inshila shobe ukololoka. ⁷ Wiba uwamano mumenso yobe wemwine; tina Yawe nokufuma kufibi. ⁸ Kukaba ukupola kumubili obe necibwesha camubili obe. ⁹ Cindika Yawe kufyuma fyobe nefisabo fyakubalilapo ifyabusomboshi bobe bonse, ¹⁰ kabili ing'anda yakututilamo ifyakulya ikesula nefyakukaminamo fikalepuka, ukwisula kwa mwangashi upya. ¹¹ Wemwana wandi umwaume, wilasula ifilangililo fyakwa Yawe nokupata ukukalipila kwakwe, ¹² pantu Yawe afunda bonse abo atemwa, ngefyo wishi acita kumwana mwaume uumusekesha. ¹³ Uwasanga amano alipalwa; akakwata nokwiluka. ¹⁴ Efyo wakwata ukfuma mu mano fyawama ukucila icibwesha ca silfere ne cibwesha cayako cawama ukucila golde. ¹⁵ Amano yacilamo ukuma umutengo ukucila bakorali kabili takuli ico wingafwaya ukubekelwamo eco wingapalanya kumwanakashi. ¹⁶ Ntantalisha inshiku mukuboko kwakwe ukwa kukulyo; mukuboko kwakwe ukwa kukuso mwaba ubukankala nobucindami. ¹⁷ Inshila shakwe ninshila shacikuku nemisebo yakwe yonse yamutende. ¹⁸ Muti wamweo kuli bonse abekatako, bonse abaikumyako balasansamuka. ¹⁹ Nikumano Yawe apangile isonde, nikukwiluka apangile imyulu. ²⁰ Kumano yakwe ukushika kwaliswike na makumbi yaponeshe icime cayako. ²¹ Wemwana wandi umwaume, sunga ubupingushi nokwiluka, kabili taufwile ukufuma mu nshila shayako. ²² Yakaba umweo mubumi bobe kabili icisamo cabubile icakufwala ukushingulusha umukoshi obe. ²³ Elyo ukenda mu nshila shobe uwacingililwa nolukasa lobe talwakaipuntule; ²⁴ ilyo walala, tawakabe nomwenso; ilyo walala ukulala kobe kukalowa. ²⁵ Wiba namwenso wakutina icakupumikisha nangu cakonaula icapangwa nababifi, ilyo caisa, ²⁶ pantu Yawe akaba kulubali lobe kabili akasunga ulukasa lobe ukufuma mukwikatwa muciteyo. ²⁷ Taufwile wabula ifisuma ukufuma kuli onse uucikwete, ilyo cili mumaka yobe ukucita. ²⁸ Taufwile watila kumwina mupalamano, ''Kabiye ubwele nakabili, kabili mailo nkakupela,'' Ilyo naukwata indalama. ²⁹ Taufwile wapangila ukonaula umunobe umo uwikala mupepi naiwe kabili uwakucetekela. ³⁰ Taufwile ukulaka no muntu apabula umulandu, ilyo tacitile nangu fimo ifya kukalifya iwe. ³¹ Wilakumbwa umuntu walukakala nangu kusalapo imo panshila shakwe. ³² Pantu umuntu wabucenjeshi wamuselu kuli Yawe, lelo aleta umuntu uwaololoka ukuba uwacetekela. ³³ Itipu lyakwa Yawe lili pa ng'anda ya muntu umubifi, lelo apala ubwikashi bwa muntu umulungami. ³⁴ Apumya bukapumya, lelo apela ukusenaminwa kwakwe ku bantu abaicefya. ³⁵ Abantu aba mano bakapyana ubucindami, lelo abatumpa bakasumbwilwa mu nsoni shabo.