¹ Ishina ilisuma likasalwa pa fyabunonshi ifikalamba elyo ipaalo lya wa mapo ukucila sifere na golide. ² Umukankala na bantu abapina babacimocine Yahweh ewabapangile bonse. ³ Umuntu uwasalapukaamona ubwafya no kufisama umwine, Lelo icipuba caya no kucula pa mulandu waciko. ⁴ Ukuicefya na katina kakwa Yawe bukankala, ba kata, no bumi. ⁵ Imyunga shilasa fyalala munshila ya mubifi, ena uulonda ubumi bwakwe alatalukako kuli fyena. ⁶ Sambilisha umwana inshila ifwile ukuyamo nelyo akula takafumermo. ⁷ Abakankala bateeka abapina, ilyo umo akongola aba umjusha kuli umo uwa mukongwesha. ⁸ Uyo utanda lifubembu akasombola ubulanda elyo inkontoyabukali bwakwe ikafilwa, ⁹ ena uwakwata ilinso ilya kupeela akapaalwa, pantu akana umukate nabalanda. ¹⁰ Fumyenipo uwamiponto, no kulesha ulubuli; ifikansa no kupusana fili nokupwa. ¹¹ Ena uwatemwa umutima uwasanguluka elyo aba nokusenaminwapamilomo yakwe, imfumu ikaba ecibusa wakwe. ¹² Amenso yakwa Yawe yacefya amano, lelo onaula amashiwi yababula icicetekelo. ¹³ Umuntu umunang'ani atila "pali inkalamo Panse! ndeipaiwa mumisebo. ¹⁴ Akanwa kantalangani cilindi icashaka; icifukushi cakwa Yawe cifulilwa pali onse uponenamo. ¹⁵ Ubuwelewele bwakakililwa mu mutimawa mwaice, lelo inkonto ya kusalapula eitalusha bwena ukutali saana ukufuma kuli ena. ¹⁶ Uyo uwafyenga umuntu umupina mukulunda ubukankala bwakwe, nangu ukupeela kubantu azbakankala, akaponenwa mucipowe. ¹⁷ pepeka ukutwi kobe no ku kutika ku mashiwi ya mano ayacifyalilwa bika umutima obe ku mano yandi. ¹⁸ Pantu cikasa cabuseko kuli iwe nga wayasanga yena muli iwe, nga cakuti yonse yateyanishiwa pa milomo yobe. ¹⁹ Eico isubilo lyobe kuti lyaba muli Yawe. ²⁰ Nshakulembele iwe kale ifintu ifisuma ifyakukonkomesha elyo na mano. ²¹ Ukuti imulenge ukwishibe ifyebo ifya cishinka muliaya mashiwi yabucine, pa kuti wingapela amasuko ya bucine kuli abo abakutuma? ²² Wipokolola umulanda pa mulandu ali umulanda, nangu ukufyenga ulekabila pa mpongolo, ²³ Pantu Yawe akabapapatila umulandu wabo, elyo akonaula umweo wa abo ababonaula. ²⁴ Wipanga bucibusa naumo utungululwa ne cifukushi elyo taufwile kwenda naumo ukalipe, ²⁵ Limbi kuti wasambilila inshila shakwe nokuipangila iciteyo ica mweo obe. ²⁶ Wiba umo muli abo abasankanya iminwe mufilayo, fya kulipilila inkongole. ²⁷ Ngataukwete nangu cimo icakulipila, cinshi engasendelamo ubusanshi ukufuma kuli iwe? ²⁸ wifumyapo umupaka wakwle uo bashinwe babikilepo. ²⁹ Bushe naumona umuntu uwalamuka mumilimo yakwe? Akeminina pa menso ya mfumu; takeminine pa ntanshi yabantu abashishibikwa.