¹ Yehoba alandile kuli Mose mu matololo ya sinai, mumweshi wa kubalilapo uwa mwaka wacibili panuma yakufuma mu calo ca Egupito. ² ''Leka abantu bakwa Israeli basunge icakucilila pa nshita iya ciko mu mwaka. ³ Pa bushiku bwalenga ikumi limo na shine muli uyu mweshi, pa cungulo cinono, ufwile ukusunga icakucilila pa nshita yabikwa iyaciko mu mwaka. Ufwile wa cisunga, ukukonka ifipope fyonse, no kumfwila fyonse ifya pingulwa mu butantiko bwa ciko.'' ⁴ Eico, MOse aebele abantu bakwa Israeli ukuti balingile ukusunga icbukisho ca cakucilila. ⁵ Eico balisungile icakucilila mu mweshi wa kubalilapo, pa bushiku bwalenga ikumi limo na shine ubwa mu mweshi, pa cungulo cinono mu matololo ya mu sinai. Abantu bakwa Israeli bacitile icili conse ico Yawe akambishe Mose ukucita. ⁶ Kwaliko abaume bamo abaishileba abakowela ku mubili wa muntu wafwa. Balifililwe ukusunga icakucilila pali bulya bushiku. Baile pa cinso cakwa Mose na Aaroni pali bulya bwine bushiku. ⁷ Balya baume batile kuli Mose, '' ifwe tuli abakowela pa mulandu wa mubili wa muntu wafwa. Cinshi ico mwatulesesha ukupela icelambo kuli Yawe pa nshita ya bikwa mumwaka mukati ka bantu bakwa Israeli?'' ⁸ Mose atile kuli bena. '' mundolele ukuti ng'ufwe ifyo Yawe alenjeba ukucita palwa imwe.'' ⁹ Yawe alandile kuli Mose. Atile, ¹⁰ ''Landa ku bantu bakwa Israeli. Utile, 'ngacakuti umo pali imwe nangula abana benu bali abakowela pamulandu wa mubili uwafwa, nangu abali pa bulendo ubutali na ena kuti asunga icakuti cilila kuli Yawe.' ¹¹ Mu mweshi walenga ibili pa bushiku bwalenga ikumi limo na shine pa cungulo cinono bakalya ickulya ca kucilila. Bafwile balya umwana wa mpanga wa cakucilila no mukate ushitutumuka elyo ne misalu iyalula. ¹² Tabafwile bashako icili conse ukufika ku lucelo, nangu ukutoba amafupa yapa cakucilila. Bafwile ukukonka ifipope fyonse ifya pa cakucilila. ¹³ Lelo umuntu onse uwasanguluka tali na pa bulendo, leelo afilwa ukusunga icakucilila, uyo muntu afwile afumishiwako kubantu bakwe pa mulandu wakuti tapele ilambo ilyo Yawe alekabila pa nshita iyabikwa iya mwaka. uyo muntu afwile ukusenda ulubembu lwakwe. ¹⁴ Ngo mulebeshi aikala mukati icenu no kusunga icakucilila kuli Yawe afwile acisunga ne caimikwa ca cakucilila elyo mokulinga ne funde lyaciko. Mufwile ukukwata icaimikwa ukukonka cimo kuli bonse abena fyalo na ku wafyaliwe mu calo,'' ¹⁵ Pa bushiku ubo icakwikalamo caimikwe, ikumbi lya kupile icakwikalamo, i hema lya cishimiko. Pa cungulo cinono ikumbi lyali pa cakwikalamo. calemoneka ngo mulilo mpaka ulucelo. ¹⁶ Cakonkenyepo muli uyu musango. Ikumbi ilya kupile icakwilamo nokumoneka ngo mulilo inshiyta ya bushiku. ¹⁷ Ilyo lyonse ikumbi lyalesendwa pa mulu ukufuma pe hema, abantu bakwa Isareli balepekanya ubulendo bwabo. Ilyo lyonse ikumbi lyleiminina, abantu balepanga inkambi. ¹⁸ Pe kambisho lyakwa Yawe, abantu bakwa Israeli kwamba ukwenda na pekambisho lyakwe, bale panga inkambi. Ilintu inkambi lyaleiminina pa cakwikalamo, baleikala mu nkambi yabo. ¹⁹ Lintu ikumbi lyaleba pa cakwikalamo panshiku ishingi, ninshi abantu bakwa Israeli kubaka amafunde yakwa Yawe noku kana Enda. ²⁰ Limo limo lyaleba inshiku ishinono pa cakwikalamo. Nga ifyo balebaka ikambisho lyakwa Yawe-bale panga inkambi nokwenda kabili pe kambisho lyakwe. ²¹ Limo limo inkambi lyalesangwa mu nkambi ukufuma icngulo bushiku ukufika ulucelo. Lintu ikumbi lyaleimshiwa ulucelo, elyo baleenda. Nga lyakonkanyapo akasuba no bushiku, kanofye lintu ikumbi lyaimishiwa elyo bengenda. ²² Nangu ni nshiku shibili, umweshi umo, nangu mwaka umo, inshitafye iyo ikumbi lingaba pa cakwikalamo, abantu bakwa Israeli balingile ukuba pa nkambi nokukana enda. Lelo ilyo lyonse ikumbi lyalesendwa pamulu, baletendeka ubulendo bwabo. ²³ Balepanga inkambi pe kambisho lyakwa Yawe, nokwamba ukwenda pe kambisho lyakwe. Balebaka ikambisho lyakwa Yawe ilyalepelwa ukupitila muli Mose.