¹ Yawe alandile kuli Mose. Atile, ² ''Eba abana Israeli ukuti bafumye mu nkambi onse uwa fibashi, na onse ulefuma fimo ku fya mfwalo, na onse uwakoweshiwa ku citumbi. ³ Abe mwaume nelyo mwanakashi, mukamufumye kunse ya nkambi. Pakuti beka kowesha inkambi shabo, pantu emo njikala.'' ⁴ Elyo abana bakwa Israeli bacitile ifyo fine. bafumishe onse kunse ya nkambi, ngefyo Yawe aebele Mose. Efyo abana bakwa Israeli ba umfwilile Yawe. ⁵ Kabili Yawe atile kuli Mose. Atile, ⁶ ''Sosa kubana ba Israeli auti. Ilyo umwaume nangu mwanakashi acita ulubembu ululi lonse nge fyo abantu bacita kumu nankwe, nao teti abe uwa kaele kuli ine, uyo muntu ninshi wa mulandu. ⁷ Elyo uyo muntu akasokolole ulubembu ulo acita. Nao akalipile ica pa mulandu wakwe icituntulu nokulundapo cimo ica pali fisano. Nokucipela ku muntu alufyanyako. ⁸ Leelo uo alufyeneko nga afwa kabili takwete lupwa wa palamisha uo enga lipilako ica pa mulandu, ninshi ica pa mulandu ico akapele kuli Yawe cikabe cakwa shimapepo, na sukusuku uo shimapepo aka mufutilako. ⁹ Kabili umusangulo onse uwa bana bakwa Israeli, nefintu fyonse ifyo bakapatula nokufileta kuli shimapepo ku bana bakwa Israeli, ukabe wakwa shimapepo. ¹⁰ Kabili ifya nutuulo fya muntu onse fikaba fyakwa shimapepo; nga umo umuntu no muntu apeela kuli shimapepo, fikaba fyakwa shimapepo.'' ¹¹ Na kabili, Yawe atile kuli Mose. Atile ati, ¹² ''Sosa kubana bakwa Israeli. Sosa kuli bena, 'Ngacakuti umukashi wa muntu aya lukila umulume no ku mubembukila. ¹³ Kabili umwaume umbi asendama nankwe kabili tacisokolweke ku menso ya mulume wakwe, noku kanaishibikwa, kabili umwanakashi nga naikowesha leelo tapali inte ya kumushinina kabili tasangalishiwe, ¹⁴ eico, ngo nupashi wa bufuba wa eba umulume ukuti umukashi obe na cita ubucende. Napamo, umulume aba no bufuba kabili atunganya umukashi ukuti nacita ubucende leelo kwena ta ikoweseshe. ¹⁵ Muli iyi milandu, umwaume akalete umukashi kuli shimapepo. Akamutwale pamo nomutulo wakwe, ulupe lumo ulwalenga ikumi ubunga bwa barle. Eketilapo amafuta nangu ukufutumwinapo ifyanunkila. Pantu uyu mutulo wa bufuba, mutulo wa kwibukishishapo ulubembu. ¹⁶ Nao shimapepo akamulete pa ntanshi no kumwimika ku cinso cakwa Yawe. ¹⁷ Kabili shimapepo akabuule amenshi ya mushilo mu cipe cebumba kabili akabuulepo no lukungu ululi panshi ya cikulwa ca mushilo. Nokulubika mu menshi. ¹⁸ Kabili shimapepo akemike umwanakshi uyo ku cinso cakwa Yawe no kusopolola umushishi wakwe. Elyo akabike mu ndupi sha uyo mwanakashi umutulo wa kwibukishisha, ekutila umutulo wa bufuba. ¹⁹ Kabili mu minwe yakwa shimapepo mukabe amenshi yalula aya leta icitiipu. Kabili shimapepo aka mulenga ukulapa kabili akatile kumwanakashi, nga cakuti tapaba mwaume uwasendama nobe, kabili nga cakuti ilyo wali ku mulume obe tawayalukile ku kuikowesha ukuli konse, ube uwa kaele ku menshi aya ayalula ayaleta icitiipu. ²⁰ Leelo nga walyalukila umulume obe, ilyo ucili nankwe mu minwe yakwe kabili nga wali ikowesha, elyo no mwaume umbi uushili mulume obe nga alyulungana naiwe. ²¹ Elyo, (shimapepo akalenge umwanakashi ukulapaumulapo wa citiipu, kabili shimapepo akatile ku mwanakashi) 'Yawe akulenge ukuba mu citiipu pakuti cikamoneke mu kati kabantu bobe. Ilyo Yawe alalenga itanta lyobe ukucepa nefumo lyobe ukufimba. ²² Kabili aya menshi ayaleta icitiipu yaleingila mu mala yobe pakuti ifumo lyobe lifimbe netanta lyobe licepe.' Umwanakashi akatile, 'Eee, na cibele umo mwine ngandi mubembu.' ²³ Elyo shimapepo akalembe ifi fitiipu mu citabo, nokusamba ifitiipu filembelwe mu menshi yalula. ²⁴ Nashimapepo akamulenga uyo mwanakashi ukunwa amenshi yalula aya leta icitiipu. Na menshi yalula aya leta icitipu ayo akanwa ya kamulenga ukuba uwakalipa. ²⁵ Elyo shimapepo akabule umutulo wabunga uwa bufuba mu minwe ya mwanakashi. Elyo shimapepo akekate umutulo kuntanshi yakwa Yawe nokuuleta ku cipailo. ²⁶ Elyo shimapepo akabulepo ulupi lwa bunga wa pamutulo uwa kwininako umutulo, nokoca pacipailo. Elyo akapele umwanakashi amenshi ya lula pakuti anwe. ²⁷ Elyo shimapepo amulenge ukunwa amenshi, nga ali ikoweseshe pakucita ubucende nokubembukula umulume wakwe, elyo amenshi yaleta icitiipu yakengila muli ena nokulenga ukukalipa. Ifumo lyakwe likafimba netanta lyakwe likacepa. Noyo mwanakashi akaba uwatiipwa mu bantu bakwe. ²⁸ Leelo nga cakutila uyo mwanakashi taikowesha, kabili ali uwasangulika, akaba uwakaele. Akalaimita nabana. ²⁹ Ili efunde lyapa bufuba. Lifunde lya mwana kashi nga aya lukila umulume wakwe nokubembuka. ³⁰ Lifunde ku mwaume uwaba nomupashi wa bufuba ilyo aba nobufuba ku mukashi wakwe. Akalete umwanakshi ku ntanshi yakwa Yawe, na shimapepo akacita kuli ena conse ico ili funde lya pa bufuba lilondolola. ³¹ Umwaume akaba umutungwa pakuleta umukashi wakwe kuli shimapepo. Leelo umukashi wakwe ena akaba wa mulandu ukulingana nafintu abembwike.''