¹ Ici cacitike panuma yacikuko ico Yawe asosele kuli Mose na Eleasa mwana Aaroni shimapepo. Alandile, ² ''Penda impuka yonse iya bantu abena Israeli, ukutampa pa myaka amakumi yabili nokuya pamulu, ukulingana ne ndupwa shafikolwe fyabo, abo abengailako Israeli ku bulwi.'' ³ Elyo Mose na Eleasa shimapepo basosele kuli bena mumawanga ya Moabu mululamba lwa Yodani mu Yeriko nokulanda, ⁴ ''Penda abantu ukatampa imyaka amakumi yabili nokuya pamulu, pamo ngefyo Yawe akonkomeshe Mose pamo nabena Israeli, abafumine mu calo ca Israeli.'' ⁵ Ruebeni abeli lyaluko lwa Israeli, ukutula mu mwana wakwe Hanaki emwatuntwike ulupwa lwabena Hanokite. Ukufuma muli Palu emwafumine ulupwa lwabena Palluite. ⁶ Muli Hesironi emwafumine ulupwa lwabena Hesironi. Mulli Karmi emwafumine ulupwa lwabena Karmite. ⁷ Ishi endupwa shakwa Ruebeni, abali impendwa 43,730 abaume. ⁸ Eliab ali umwana wakwa Pallu. ⁹ Abana bakwa Eliab ni Nemuel, Dattan, na Abiram. Aba Dattan na Abiram ebamobene abakonkele Korah abasushishe Mose na Aaron nokupalamika Yahweh. ¹⁰ Umushili wale lepwike no kubamina pamo na Horah ilyo bonse abamukonkele bafwile. pali ilya shinta, umulilo waocele 250 abaume, abali ecilangililo. ¹¹ Lelo intuntuko yakwa Korah tayalobele. ¹² Indupwa sha bana baume abakwa Simeon shali nge fi: Muli Nemuel, elupwa lwabo ni Nenuelite, muli Shauli, elupwa lwabo ni Shaulite, ¹³ ukupitila muli Zera, umukowa wabena Zerate, ukupitila muli Shauli, umukowa wabena Shaulite. ¹⁴ Ishi indupwa baana baume bakwa Simeon, bali 22,200 abaume. ¹⁵ Indupwa sha baana baume bakwa Gad ni aba: muli Zephon, elupwa lwabo ni Zephonite, muli Haggi, umukowa wabena Haggite, muli Shuni, umukowa wabo ni Shunite, ¹⁶ muli Ozni, ulupwa lwabo ni Oznite, muli Eri, umukowa wabena Erite, ¹⁷ muli Arod, ulupwa lwabo ni Arodite, muli Areli, ulupwa lwabo ni Arelite. ¹⁸ Ishi endupwa shabufyashi bwakwa Gad, bali 40,500 abaume. ¹⁹ Abana bakwa Yuda ni Eri na Onani, lelo aba bantu bafwilile mu caalo ca Kenaani. ²⁰ Indupwa shabana abaume bambi abakwa Yuda baali ni aba: muli Shela, ulupwa ni Shelanite, muli Perez, ulupwa lwabena Homulites. ²¹ Abana baume bakwa Periz ni aba: Muli Hezron, ulupwa lwabo ni Hezronte, muli Tamul, ulupwa lwa bena Hamulites. ²² Ishi endupwa sha aba baume bakwa Yuda, bali 76,500 abaume. ²³ Indupwa sha bana baume bakwa Isakari ni aba: Muli Tola, ulupwa lwabo ni Tolaite, muli Pual, ulupwa lwabo ni Puite, ²⁴ muli Jashub, ulupwa lwabo ni Jashubite, muli Shimron, ulupwa lwabo ni Shimronite. ²⁵ Aba ebana baume bakwa Isakari, bali 64,300 abaume. ²⁶ Impendwa sha baume abakwa Zebuluni shali nishi: muli Seredi, ulupwa lwabo ni Seredite, muli Elon, ulupwa lwabo ni Elonite, muli Juhleel, ulupwa lwa bena Jahleelite. ²⁷ Ishi endupwa isha bena Sebulute, bali 60,500 abaume. ²⁸ Inddupwa sha baume aba kwa Yesefu ni Manase na Efraim. ²⁹ Abana baume aba kwa Manase bali ni aba: muli Makir, ulupwa lwabo ni Makirite muli Glead, lupwa lwabena Gleadite. ³⁰ Abana baume abakwa Gileadi ni aba: muli Lezr, ulupwa lwabo ni Lezerite, muli Helek, elupwa lwabena Helekite, ³¹ muli Asreal, ulupwa lwabo ni Asrielite, ³² muli Shemida, ulupwa lwabo ni Shemidaite, muli Hepher, ulupwa lwabo ni Hepherite ³³ Zelophehad mwana Hepher takwete abana abaume, kanofye abanakashi. Amashina ya baana bakwe abanakashi ni Mahlan, Noah, Hoglah, Milka, na Tiza. ³⁴ Ishi endupwa shakwa Manase, bali 52,700 abaume. ³⁵ Indupwa shabana abaume abakwa Efraim bali ni aba: muli Shuthela, ulupwa lwabo ni Shutelaite, Beke, ulupwa lwabo ni Bekerite, muli Tahani, ulupwa lwabo ni Bekerite, muli Tahan,ulupwa lwabo ni Tahanite. ³⁶ Abaana abaume bakwa Shuthelani, muli Eran, ulupwa lwabo ni Evanite. ³⁷ Ishi endupwa shabaana abaume bakwa Efrai bali 32,500 abaume. Aba ebali abaana abaume bakwa Yosefu, ukupendwa ukulingana na nendupwa shabo. ³⁸ Indupwa shabana abaume bakwa Benjamini shali nishi: muli Bela, ulupwa lwabo ni Bela, muli Ashbel,ulupwa lwabo ni Ashbelite, muli Aihiram, ulupwa lwabo ni Ahiramite, ³⁹ muli Shefufam, ulupwa lwabo ni Shefufamite, muli Hufam, ulupwa lwabo ni Hufamite. ⁴⁰ Abaana abaume bakwa Bela ni Ar na Naamani. Ukufuma muli Ard emwafumine ulupwa lwakwa Adite, namuli Namani mwatuntwike ulupwa lwakwa Naamite. ⁴¹ Ishi shali endupwa shabaana baume bakwa Benjamini. Bali 45,600 abaume. ⁴² Indupwa shabaana abaume abakwa Dan shali, muli Shuham, indupwa shabo ni Shuhamite. Ishi endupwa shana abaume bakwa Dan. ⁴³ Indupwa shonse ishabena Shuhamite shali impendwa amakana amakumi mutanda nayane ne myanda ine abaume. ⁴⁴ Indupwa shaana abaume bakwa Asher bali ni aba: muli IMNA, ulupwa lwabo ni Imnite muli Ishvi, ulupwa lwabo ni Ishvite, muli Beriah, ulupwa lwabo ni Berite. ⁴⁵ Abaana abaume bakwa Beriah bali ni aba: muli Hebe, ulupwa lwabo ni Heberite, muli Malkiel, ulupwa lwabo ni Malkielite. ⁴⁶ Ishina lya mwana umwanakashi wa kwa Asher ali ni Sera. ⁴⁷ Ishi shali endupwa shabana abaume abakwa Asher, abali impendwa amakana amakumi yasano nayatatu ne myanda isano. ⁴⁸ Indupwa shabana abaume bakwa Nofitali, bali ni aba: Muli Yaseli, ulupwa lwabo ni Yaselite, muli Gunis ulupwa lwabo ni Gunite, ⁴⁹ muli Yese, ulupwa lwabo ni Yegerite, muli Shellemu, ulupwa lwabo ni Shellemite. ⁵⁰ Ishi endupwa shabana abaume abakwa Nafitali abali impendwa amakana amakumi yane na yasano ne myanda ine abaume. ⁵¹ Ukupendwa ukwapwililika ukwa baume abamu Israeli: 601,730. ⁵² Yawe asosele kuli Mose no kulanda, ⁵³ ''Icalo cafwile ukwakanishiwa pali aba bana abaume nge cakupyaninina ukuligana ne mpendwa yamashina yabo. ⁵⁴ Kundupwa ashikalamba ufwile ukupela icikwatwa icikulu, nakundupwa ishinono ufwile ukukupela icakupyana ukulingana nempendwa yabaume abapendelwe. ⁵⁵ Eico nomba icalo cifwile cayakanishiwa kukupendula. Bafwile ukupyana icalo ukulingana nefyo cikakanishiwa pamikowa yafikolwe fyabo. ⁵⁶ Ifyakupyana fyabo fifwile ukwakanishiwa pa ndupwa ishikalamba ne shinono, ukusalanganishiwa kuli bena ukupitila mukupendula.'' ⁵⁷ Indupwa shabena Lebi, ukupendwa ulupwa pa lupwa, shali ngefi: Muli Gershoni, ulupwa lwabo ni Gershonite, muli Kohati, ulupwa lwabo ni Kohatite, muli Merari, ulupwa lwabo ni Merarite. ⁵⁸ Indupwa shabena Lebi shali ngefi: Ulipwa lwabena Libinite, ulupwa lwabena Hebronite, ulupwa lwabena Malite, ulupwa lwabena Mushite, no lupwa lwabena Korahite. Kohati ali ecikolwe cabena Amuramu. ⁵⁹ Ishinalya mukashi wakwa Amuramu ali ni Yokobeti, uwamulupwa lwakwa Lebi, uwafyelwe kubena Lebi mu Egypto. Afyelwe kuli Amuramu abana babo, Aaroni, Mose , na Mirriamu nkashi yabo. ⁶⁰ Kuli Aaroni kwafyelwe Nadabu na Abihu, Eleasa na Itama. ⁶¹ Natabu na Abihu bafwile ilyo batwele kuli Yawe umulilo uushasuminishawa. ⁶² Abaume abapendelweimpendwa yali amakana amakumi yabili na yatatu, abaume bonse umweshi umo nokuya pa mulu. Leelo tabapendelwe pa bana ba bena Israeli pantu tapali icakupyana icapelwe kuli bena pa bantu abena Israeli. ⁶³ Aba ebapendelwe kuli Mose na Eleasa shimapepo. Bapendele abantu mu mawanga ya Moabu mululamba lwa Yodani mu Yeriko. ⁶⁴ Pali aba tapali umwaume uwapendelwe na Mose na Aaroni shimapepo ilyo abana abaume aba Israeli bapendelwe mu ciswebebe ca Sinai. ⁶⁵ Pantu Yawe alilandile ukuti abo bantu bonse bali nokufwa muciswebebe. Takwali umwaume uwasheleko pakati babo. Kanofye Kale mwana Yefune na Yoshua mwana Nuni.