¹ Muli bulya bushiku abantu balilile imisowa. Bonse abantu ba Israeli basushishe Mose na Aaroni. ² Bonse abantu batile kuli bena, ''Nga cayene twafwila mu calo ca Egypto, nangu muno mumatololo! ³ Mulandu nshi Yawe atuletele muli ici calo ku kufwila kulupanga? Abakashi besu na bana besu abanono bakabe citapwa. Bushe teti cituyanine ifwe ukubwelela ku Egypto.'' ⁴ Balelanda kuli cila umo nomunankwe, ''Lekeni tusale intungulushi naimbi, kabili lekeni tubwelele mu Egypto.'' ⁵ Elyo Mose na Aaron bakontamike ifinso panshi kuntanshi ya bantu bonse abalongene na balukuta lwa bantu abena Israeli. ⁶ Yoshua mwana na Kalebu mwana Yefune, abali bamo pali balya batuminwe mukulengula icalo, balilepwilile ifyakufwala. ⁷ Basosele kunkuta shonse isha bantu ba Israeli. Batile, ''Icalo ico twapitilemo na ukucilengula calo icisuma. ⁸ Nga cakuti Yawe abekelwa muli ifwe, eco akatutwala muli ici calo na uku cipela kuli ifwe. Icalo icifumfumuna umukaka no buci. ⁹ Lelo mwisangukila Yawe, kabili mwitina bantu ba mu calo, pantu bena mukate wesu. Mwibatina.'' ¹⁰ Eico ulukuta lonse lwatile ukubalopolamo amabwe. Lelo ubukata bwa kwa Yawe bwa monekele mwi hema lya kulanshanya kwa bena Israeli. ¹¹ Yawe atile kuli Mose, ''Bushe abatantu bakafisha lilali ukunsalula? Miku inga iyo bafwile ukuncetekela, nefishibilo fyamaka yandi ifyo na ncita kuli bena? ¹² Nkaboma ku cikuko, nokubalofya, na ukuba pyanununa, nokuba panga ukufuma mu lupwa lobe uluko ulukaba ulukulu kabili ulwamaka ukucila ifyo shaba.'' ¹³ Mose atile kuli Yawe, ''Nga mwacita ifi, abena Egypto bakomfwa palwa ici, panulandu wakuti mwafumishe aba bantu kuli bena ku maka yenu. ¹⁴ Bakalanda na kubekashi ba muli ici calo. Balyumfwa ukuti nimwe, uwaba muli aba bantu, pamulandu wakuti mumonana icinso ne cinso. Amakumbi yenu yaiminina ku bantu besu. Mulabatangilila kuntanshi ya ntumba ya mulilo ubushiku. ¹⁵ Nomba nga cakuti mwaipaya aba bantu ngo muntu umo, kabili nga inko shonse shaumfwa ululumbi lwenu bakasosa na ukutila ati, ¹⁶ 'Umulandu wakuti Yawed tatwele aba bantu mu calo cintu alapile ukubapela, eco abepaile mu matololo.' ¹⁷ Nomba, namilomba, bomfyeni amaka yenu aya kalamba. Pantu imwe mwatila ukuti, ¹⁸ Yawe, akokola ukukalipa kabili uwafulisha ukutemwa, uwelela ulubembu nabumpula mafunde, lelo ababi takabaleke ukwabula ukukandwa akakanda abana pa bubifi bwa fikolwe fyabo ukufikafye na ku nkulo yalenga butatu elyo ne yalenga bune. ¹⁹ Lekeleleni aba bantu ku membu shabo pa mulandu wa bukulu ubwa cikuku cenu, pamofye ngefyo mwatwalilila ukwelela aba bantu ukufumafye inshita bali mu Egypto ukufka na nomba. ²⁰ Yawe atile, ''Nabelela ngefyo walomba, ²¹ Lelo icine cine, napalifye ne mumi, na isonde lyonse likesulafye ubukata bwandi, ²² aba bonse abantu abamwene ubukata bwandi ne fishibilo fya maka yantu na citile mu Egupto na mumatololo nomba nabatwalililafye ukunjesha pamiku ikumi limo kabili tabomfwa ishiwi lyandi. ²³ Eico natila nati tabakatale abamonapo icalo ico nalapile kuli bawishibo.Takuli nangu umo uushintindika uukatimona, ²⁴ Ukufumyakofye umubomfi wandi Kalebu ,pamulandu wakuti alipusananako umupashi kabili alankonka no mutima wakwe onse.Nkamuleta mu calo umo aile ,nobufyashi bwakwe bukacipyana. ²⁵ Nomba abena Amakeleti nabena Kanaani ebekala mululamba.Lelo alukileni nokuya kumatololo munshila yalola kulibemba wakashika ²⁶ Yawe asosele kuli Mose na kuli Aaron.Atile, ²⁷ Kufika kunshita iyalepa shani nkatwalilila ukuloleshafye ububi bwa aba bantu abansusha? ²⁸ Landa kuli bena, napali nemwine, efyatila Yawe ,nga walanda mu matwi yandi, nalakucitila ifi: ²⁹ Fyonse ifitumbi fyenu fikalala muli aya matololo, bonse abailishanya palwaine ,bonse abo mwapendele mumulimo wakupenda, impendwa yonse iya bantu ukwambila paba myaka amakumi yabili ukuya na pamulu. ³⁰ Tamwakaye mucalo cintu na milaile ukuya ikalamo, ukufumyakofye Kalebu mwana Efune na mwana Nuni. ³¹ Lelo abana benu abanono bakabekata ,nkabatwala mu calo .Kabili bakeshiba icalo ico mwakene ! ³² Pantu imwe, ifitumbi fyenu fikalala muli aya matololo. ³³ Abana benu bakaba bakacema mumatololo pamyaka amakumi yane .Bakapokelele ukukandwa pamulandu wamicitile yenu ya bu cisanguka impela yafitumbi fyaboni mumatololo. ³⁴ Ukulingana ne mpendwa yanshiku shintu mwalengwililemo icalo, amakumi yane, shikaba enshiku mukakandilwamo pamembu shenu ,pamyaka amakumi yane, umwaka umo cilabushiku, kabili mukeshiba uku. ³⁵ Ine, ne Yawe ninsosa.Nkatitaifi kulukuta lonse ulubi ulwalogana ku kundwisha. Bakaputaulwa umupwilapo, kabili kuno eko bakafwila.'' ³⁶ Eico abaume Mose atumine mu kulengula icalo, ababwelele na ukulenga ulukuta lonse ukulailishanya ilyashi ilibi pa calo- ³⁷ aba baume aba letele ilyashio ilibi pa calo balipaiwe, bafwile ku cikuko ku ntanshi yakwa Yawe. ³⁸ Pali abo abaume abaile mukulengula icalo, Yoshua mwana Nuni na Kalebu mwana Yefune ebaishile no mweo. ³⁹ Ilyo Mose afishishe aya mashiwi ku bana ba Israeli, baliloseshe apakalamba. ⁴⁰ Baimine ku maca no kuya pa mulu wa lupili na ukulanda ati, ''Mona, tuli kuno, kabili tuleya ku ncende intu Yawe atulaile, pantu natubembuka.'' ⁴¹ Lelo Mose atile, ''Bushe nomba cinshi ico mupulila mwi kambisho lya kwa Yawe? Tamwakengile. ⁴² Mwiya, pamulandu wakuti Yawe tali naimwe mu kumicingilila ku kucimfya abalwani benu. ⁴³ Abena Amakele na bena Kanaani bali kulya, kabili mukafilwa ku mulapo pamulandu wakuti na mupilibuka ukufuma mukukonka Yawe. Eico takabe naimwe.'' ⁴⁴ Lelo bena bapamine ukunina icalo ca lupili; eico, nangu ni Mose nangu icipao cakwa Yawe ica cipangano cakwa Yawe tacafumine mu nkambi. ⁴⁵ Kabili abena Amaleke batentemwike na bena Kanaani abaleikala muli shilya mpili. Bali bekete abena Israeli no kuboma inshila yonse ukufika na ku Horma.